تجمع حوامل الأشهر الوسطى(الرابع,الخامس,السادس)

[شروق الرياض]

ياروحي ام البسنت اذا تقدرين على خاص عندك مستشفيات تجنننن
عندك دله وعندك الحمادي وعندك التخصصي الطبي اللي على الملك فهد وعندك التامينات كله رووعه


انتي استخيري وهي حظوووظ ناس تجي فيهم وناس يطلعون منها ماشاء الله

[ام ميدووو]

كيفكم يابطوطات

سامحوني جاوبت على كم سؤال واتمسحو بالغلط مافيا اعيد

[أم البسنت]

شروق مو مسألة ما اقدر
بس العالم خوفوني من الخاص الكل يقولون يستغلون الناس وبس
والمدينه اختي مجربته وتمدحه
بس من تالي مدري وش صار لهم

[شوق الامومه]

السلام اخباركم بنات ماشاء الله سوالفكم تهبل زيكم
بس الكشف يخوف مااحبه الله يساعدكم يارب ويتمم عليكم وعلي
انا كذا مرة تجيني التهابات بس ماتسوي لي الدكتوره كشف خلاص من تحليل البول
الله يرمكم تعرف هي بس كل دكتوره ولها طريقتها واحنا مساكين كل شي يجربونه علينا

[كبرياءه طوره]

اي والله كل شي يجربونه الزين والشين
ام البسنت شوفيني انا كنت أكثر وحده خوافه من الحبيب ومن سمعتهم
بس رحت عشان زوجي وقابس اذا مارتحتي نغيره بس بالأول ندخل
وسبحان الله جاني حب للحبيب ولا الدكتوره الي اراجع عندها
تقولي انا مدري ليه ربي مسخرني لك واعتبرك مثل بنتي
يمكن يوم شافتني خوافه ههههههه

[شوق الامومه]

انا اسناني ماادري شسوي تألمني يارب اجرنا وخايفه من الحشوه سمعت تأثر على الجنين
بذات الي لونها رصاصي يقولون فيها زئبق وتسبب توحد بالطفل الله يحفظ اجنتنا واولادنا
ماادري الم فضيع وش اسوي ابي يروح الالم وخايفه على النونو توني اخذت فيفادول وخف اشوي
اما بنسبه للحركه انا تتحرك على مزاجها بس لما اقول لزوجي تعال ترفس تكذبني وماترفس من الحين حرات العناد ههههه
الله يحفظهم ويعينا على تربيتهم

[محبوبته]

كبرياء هههههههههههه حرام تصحينه بمويه بارده بعده ثلج
ياحلو سوالفكن انتي وشروق فطست ضحك هههههههههههههههههه
اجل فقدها صاحب العماره والله لقاها حلا كل يووم ولا بالاحلام
الله يعينك شروق اجل زاد وزنك

انا اجل توحمت ع الليمون اكله بقشوره ومن دخل السادس خلاص تركته نهائي
كرهته هههههههههههه

شوق الامومه انتي مثلي بس ياخذون عينه تحليل بول
توتي ادري بالكشف اساسا .. ازين اشوا خلوني ع التحليل اضمن بصراحه

[شروق الرياض]

يابعد عمري ياااام البسنت والله حاسه فيك
وان جينا للواقع قام كل شي يخوف لا الخاص ولا الحكومي هئ هئ
وهي كلها تساهيل من رب العالمين بس الواحد وده بالعنايه الحلوه وبالاهتمام وبالخياطه الكويسه والا الولاده اذا ربي يسرها بتصير لو فالشارع ولو فالسياره بس ودنا بالمكملات الثانيه

[شوق الامومه]

هلا كبريا كيفك اليوم اشتقت لكم بس مشغوله
ودي انام الحين

[شوق الامومه]

لا شكلي مش نايمه سوليف حلو