تجمع حوامل ليبيا

[ام روفيدة]

يوم الثلاثاء بإدن الله بندير تورتة ثانية وإن شاء الله بنزل الصور والطريقة وياااااارب تعجبكم وناوية نوصل للمية كيلوا خخخخخخخخخخخخخخخخخخخخخخ انبصر عليك بإدن الواحد الاحد غدوة بنبدأ في مشوار الرشاقة ادعيلي يارب نثبت على هدا البرنامج وطبعا هدا الرجيم الالف اللي انديره نمشي عليه بالكثير اسبوع ونوقف هههههههههههههه ربي يعيني على هالنفس الاكولة ههههههههههههه

[ام روفيدة]

المشاركة الأصلية كتبت بواسطة عيون زوجي

بارك الله فيك عالنشده ويارب ما نفقدك سارة احسن بس الكحه مازالت تنفض فيهم الزوز
انا امسخفني محمد كيف بنمشي ونخليه يا اعليك حاله وخلاص

عادي يا عيون عادي حمودي صغير ما يعرفش تو اتسافري عمرة ولا حجة ارفعيهم معاك الزوز وبعدين ربي مش كاتب له يمشي معاكم معناها فيها خيرة ليك وليه والخيرة فيما اختاره الله

[عيون زوجي]

الكساد والصقع ايخليك تاكلي الله غالب قوليلي شنو نظامك بالك نمشوا بيه احني الزوز مع بعض ونحفزوا بعض ومنو تلتزم اكتر فكرة صح؟
ام معاد الله يسلمك ويهنيك شنو اسمائهم اوليداتك الحلوين
انا عيون مواليد82 وربة بيت وعندي سارة ومحمد

[عيون زوجي]

بارك الله فيك كليماتك بردوا اعليا وريحوا ضميري يلي منخصها اعليا

[ام معاد]

انا عندي عبد الرحمان ومارية

[ღॐ آية ღॐ]

السلام عليكم
كيف حالكم كلكم كلكم "ان شاء الله تكونو بخير
يا غاليات عيون كيف حالك اليوم بتسافري وبتخلي حمودي؟
بنسبة ليا غداي اليوم رزابيض وياهني فاصولية ...اليوم
الضي قعد هارب 4 سعات طلعنا من الحوش رجعنا
لقين الحوش مجمد شوية وجي الضي خشيت للكوجينة درت لكلوكة
بزيت الزيتون والسمسم وشربنا معاها نسكافية قوي ويصحصح ....
وهادي صورت الكلوكة والنسكافية"


مش عادية مع الصقع ادفي وهادا عشانا لانها دسمة "

[عيون زوجي]

السفره اتشهي يا ايه تسلم ايدياتك وصحه الغذي الحلو وكيف طريقه الكلوكه نبيها واعطيني نسكافيه

[ღॐ آية ღॐ]

ام رفيدة كيف حالك يا غالية وكيف حال حزومي
وابوة ؟ ام معاد انستينآ وتفضلي مدي ايدك
اشربي نسكافية وكولي لكلوكة ^ ^
ربي يحفضلك عبد الرحمن ومارية يارب "

[عيون زوجي]

جتني بشارة ايه قالت النت مش رح يكمل الا يوم 21/1/2012 هههههههههه ياسلام انا غدوة وبعد غدوة بأذن الله قعده وراقده في التجمع بالطول والعرض

[ام روفيدة]

وتمشي وتجي بالسلامة يا غالية وأوصيك ونفسي بتقوى الله عز وجل وحاولي تستفيدي من سفرتك هدي من وقت فراغك وبعدك عن الارتباطات الاجتماعية يلي واخدتنا وراها واستغلي وقتك في الدكر من استغفار وتسبيح حتى وانتي تدهوري وما تنسيش دعاء السفر ودعاء ركوب الدابة لما تركبي في الطيارة ودعاء دخول القرية او المدينة لما توصلوا وادكار الصباح والمساء وادكار النوم و اجعلي لك من قراءة كتاب الله عز وجل نصيب وما تنسيناش بالدعاء يا حبيبة دعاء المسافر مستجاب وأستودع الله دينكم واماناتكم وخواتيم أعمالكم ودكرت نفسي ودكرتك بهدي الاشياء لأني انحبك في الله وأسأل الله العظيم رب العرش الكريم أن يظلنا تحت ظله يوم لا ظل إ لا ظله اللهم اااااااااااامين