تجمع حوامل ليبيا

[عيون زوجي]

السلام عليكم ورحمة الله
ام روفيدة الصغيرونه في العمر والكبيرة في القدر كيف حالك يا احبيبه اليوم وشنو اخبارك والف الف شكر على هالكلام يلي يشرح ويثلج الصدر ويرد اصحاب العقول لعقلها ههههههه الكلام على روحي
ام عويضة الحمدلله على سلامتك كيف حال عويضة واخياته وحال المزرعه ( الحوازة)
ام معاد مرحبتين بيك معانا وشرفتينا عرفينا اعليك اكثر:
المواليد:
كم ليك متزوجه:
كم عندك اطفال:
تخدمي ولا لاء:

[عيون زوجي]

أم روفيده: شنو اتعشيتوا؟؟؟
انا ما درتش شي الا طويسة سحلب باللوز الجو مسقع وما خاطريش في وقفة الكوجينه

[ام معاد]

انا مواليد سنة 1990 عندي ولد وبنت ليا 3سنين متزوجة انا من الجبل الغربي تحديدا من مدينة الزنتان . انا ربت بيييييييييييييييييييييت .ولله الحمد

[ام روفيدة]

أني انطيب في وجبة وحدة بس في اليوم وطيبت كسكسي بالبصلة اليوم وتوا ما درتش عشي شوي ثاني ايروح راجلي وناكلوا اي حاجة خفيفة وصحتين السحلب باللوز وعندك الحق في الصقع ما تجيكش النية توقفي في الكوجينة

[ام روفيدة]

كيف حالك إنتي يا عيون اليوم وكيف حال سارة وحمودي وشنوا سارة اليوم احسن ؟

[عيون زوجي]

صحه الكسيكسي وتسلم ايدياتك شنو ماعادش فيه تورتات تاني اخخخخ
ام معاد ماشاءالله اصغيرونه حتى ام روفيدة زنتانيه شرفتينا وانتم اسود الجبل
هلا وغلا بيك بس بشرط ما تغبيش اعلينا كل يوم خشي

[ام روفيدة]

بالله عليك ما تنقطعيش علينا يا عيون اول ما تستقري خشي وطمنينا , امتى امسافرين إنتم؟

[عيون زوجي]

بارك الله فيك عالنشده ويارب ما نفقدك سارة احسن بس الكحه مازالت تنفض فيهم الزوز
انا امسخفني محمد كيف بنمشي ونخليه يا اعليك حاله وخلاص

[عيون زوجي]

سلمك ليا يا حنانه انا الثلات امسافرة وممكن من الليله ما عادش انخش لانه مافيش نت والثلات في الليل بنباتوا في اسطنبول لو المكان يلي بنباتوا فيه نت رح انخش انطمنكم وكان هذا ليوم الخميس ان شاء الله

[ام معاد]

تمشي وتجي بالسلامة ياعيون
\