ديوانية البحرين - دردشة حوامل البحرين - البحرينيات

[om khalil]

وحشتووني انشغلت هاليومين الله يشغلنا بطاعته ان شاءالله
وغير الام الظهر والبطن بعيد الشر عنكم، يارب كلكم تكونو بخير
ان شاءالله


طفلي حياتي
الله يعافيش من كل شر، ويش فيش انتين بعد مختفيه؟
اللي تقصدينها الجزيرية اللي من نويدرات اسمها ام علي مو ام احمد، يسمونها دكتورة صالحه بعد هههههههه ماشاءالله عليها، رحت ليها ايام سقوطي الله لا يعود السوء ان شاءالله لي وليكم
كل شهر كانت تعدل وضع رحمي علشان اقدر احمل وايد حليوه هالمره الله يحفظها ويطول بعمرها ان شاءالله


شمس الصباح
سايلت عنش العافيه، الحامل تتمرخ في التاسع علشان ينعدل وضع الجنين ويدعسونه تحت ههههههه، بس اكيد مو تروحين لاي وحده تمغلص فيش


فلونه
مشكوره على السؤال انشغلت ويا اليهال والبيت هاليومين، البارحه جربت اسوي معكرونة المجبوس طلعت لذيذه تذكرتش ويا فشلتي بالجبود هههههههه،، بجرب طريقتش بس تعالي الربيان ايي مقشر صح؟ سؤال مال امه داعي اكيد مقشر هههههههه
بعدين بخصوص الم المثانه عزش الله اني بعد بلاوي اعاني منه هذا البيبي يضغط عليها ويحسسش بالامتلاء، وكل شوي عزش الله عالحمام فيه او مافيه.. الله يعين


بنت الأياويد
الله يرحمه ويغفر له ان شاءالله ويرحم والدي ووالد طفلي حياتي وجميع موتى المسلمين يارب
خلي الحنه للنفاس احسن، تدرين ناس يطالعون الحامل على اقل شي يقولون حامل وتعبانه ومتفرغه تتحنى.. اف ناس فاضيه

[الفتاة الذهبية]

ام خليل هلا والله
نورتي خخخ

بخصوص الضغط على المثانه يقولون هذا لازم في الحمل لانه البيبي
يضغط على المثانة بس اانا استخدم كير فري والاحظ ان ينزل قطرات من البول
واحنا ما نحس فيه

[بنت الأياويد]

الله يسمع منج يارب وياج ان شاء الله :)
مادري مذركير كلشي فيه مسويين على مجمع الرفاع كامل ترى مو بس مذركير حتى فراشات الياهل حق السرير من 25 لي 13 دينار يعني اشيا زينة وخذيت حلمات حق المراضع لان امي قالت لي مابتستفيدين من الي عندج مع المرضعه لازم تشترين غير وسألت اختي قالت لي ماركة بيجون احسن شي خذيت لها سمول ثنتين ، انا خاطري بعد اروح اليوم بس مشكلة مطلعه اللحم بطبخ اليوم مايمديني وبعيد علي مجمع الرفاع لاني يالسه في المحرق بس تصدقين رحت السعودية وغلطت غلطه مافكرت فيها الا امس شريت حق الياهل خمس بدلات كله من 3-6 شهور ومافكرت ان عقب 3 شهور بيكون الجو حار وانا ماخذه شتوي شكلي باخشهم مابستخدمهم، شنو غداج اليوم ماطبختي؟

[بنت الأياويد]

هلا والله ام خليل منورة ، آمين الله يرحمهم جميعا يزاج الله خير ، اي والله يطالعونه على كلشي مو جنه التعب والشقى على راسنا بس محد يحس فينا وعليه علينا ، الفتاة اللولو هايبر مسويين عرض على الكيرفري قالي ريلي مللتيني كل شوي يخلص واشتري باخذ لج الي مسويين عليه عرض ثلاثة كوارتين ب2.900 والله زين فادني وكل كارتون فيه 34 حبه عجيب ترى اخذي لج انا احس مو قطرات بول هذيله افرازات لونهم مايل على الاصفر اذيه لكن

[الفتاة الذهبية]

اليوم موو عليي الطباخ خبرج يعني انا في بيت عمي ساكنة
وقلت لكم من قبل كل وحده اتشيل يومين وانا ايامي بس اثنين وثلاثاء

[om khalil]

الفتاة الذهبية
اني بعد استخدم كير فري بس اللي شفته افراز اصفر بس ماهو بول عزش الله ، شكيت في روحي قمت شميته خخخخ

[الفتاة الذهبية]

المشاركة الأصلية كتبت بواسطة بنت الأياويد

هلا والله ام خليل منورة ، آمين الله يرحمهم جميعا يزاج الله خير ، اي والله يطالعونه على كلشي مو جنه التعب والشقى على راسنا بس محد يحس فينا وعليه علينا ، الفتاة اللولو هايبر مسويين عرض على الكيرفري قالي ريلي مللتيني كل شوي يخلص واشتري باخذ لج الي مسويين عليه عر

ريلي بعد جاف في رويان عرض على الكير فري
قال لي اخذي عشان مو كل مرة يخلص وانيي ناخذ اخذيهم مرة وحده خخ

[بنت الأياويد]

زين اليوم انتي اوف زين تسوين ريحي واستانسي ، يوم الاثنين شنو طبختي عيل انا سويت صالونة دياي انا ماطبخ الا الاثنين والاربعا عشان اجازة الجامعه بس وقفة المطبخ وايد تعب واحس بطني هالايام نازل شوي ان شاء الله الياهل افترت ياربي وماتخرعني يوم الاحد تقول قيصري مافيني شدة

[الفتاة الذهبية]

المشاركة الأصلية كتبت بواسطة om khalil

الفتاة الذهبية
اني بعد استخدم كير فري بس اللي شفته افراز اصفر بس ماهو بول عزش الله ، شكيت في روحي قمت شميته خخخخ

انا بعد جفت افراز اصفر بس اذا مب بول شنو يعني خخخ

[om khalil]

بنت الاياويد
النور نورش الله يحفظش من كل شر اني بعد شريته ليي ابو ثلاثه مره وحده خبرش يخلص بسرعه

فتاة
افرازات حمل عاديه هذي لا تخافين