دردشة بنات فلسطين, دردشة حوامل فلسطين, تجمع بنات فلسطين

[حلا الماس]

الله يعينك على الملل يا لولو .. بس الله كريم كلها كم شهر وبتولدي وبتتسلى مع البيبي

يومي كان حلو .. احنا ما بنفطر يوم الجمعة وغدانا بيكون بعد صلاة الظهر مباشرة ..عملت مقلوبة بالزهر البلدي واتغدا عندي سلافي الشباب لانو حماتي اليوم كانت معزومة ..

واجت عندي بنت حماي عند العصر وحماتي شربنا قهوة واكلنا بردقان .. واتفرجنا على صور عرسي وخطبتي ♥

اما ولادي نزلوا مع ابوهم وحماي على ارضنا باب البيت لانو كان جاي الحرات عشان بيقلب الارض .. وولادي كتييير انبسطوا على الحصان وركبوا عليه واتصوروا كمان .. ههههههههه هجنة طلع هالحرات وحصانو خخخخ

وخلص النهار .. وهلأ جوزي عندو صحابو بالمشغل تحت البيت عم يلعبوا شدة لازم هاي كل يوم جمعة ما بيقدروا يتركوا هالعادة

[حلا الماس]

هلا حواء .. شكلك زهئانة متلنا

تعالي قوليلنا شو عملتي اليوم .. اعطينا التفاصيل .. اكيد برلنت ساعدتك بشغل البيت والطبيخ .. ربي يحفظلك اياها

[لولو الفلسطينية]

ان شاء الله كل ايامك بتكون حلوة يا رب
اه صحيح بين معك ولد و الا بنت و الا لسا ما رحتي عالدكتور لتعرفي جنس البيبي ؟؟

[لولو الفلسطينية]

حواء وين رحتي ؟

[حلا الماس]

لا رحت الاسبوع الماضي ...بس الافندي مسكر رجليه ومش مبين ازا ولد ولا بنت

هههههه الله وكيلك ضلت الدكتور تحاول فيه وتضغط على بطني بجهاز السونار بس البيبي بيحرك رجليه من الركبة وتحت ... وما رضي يفتحهم من فوق خخخخخخخخ مستحي وخجلان شكلو .. قالتلي للمراجعة الجاية بنشوف شوهو!!!!

[لولو الفلسطينية]

ههههه يللا ان شاء الله ربنا بعطيكي يلي بتتمنيه
الله يتمملك بخير
ان شاء الله المراجعة الجاية بيفتح رجليه و بتعرفي هع هع هع

[حواء مثالية]

انا هون نيمت برلنت

والله من الصبح وانا مشتغله فيها الست برلنت بعمل انا واياها صفقة لتسكت شوي لاعمل شغلة يعني خلصت شغل البيت الساعة 2 واليوم نحنا بنوكل عند دار حمايا كل جمعة هيك

اجت بنت حماتي كمان غيرنا جو اليوم وانا صليت للمغرب هناك ومن شوي اجيت هون هلا برلنت نامت انا وزوجي بنحضر تلفزيون

مش شغلة ملل انا بنبسط لما بلاقي حد فيكم هون وفرصة نحنا اكثر من وحده بحب جمعتكم كثير


انا مشكلتي ما بعرف افتح موضوع بس اذا موضوع انفتح بدي حكومه لتسكتني هههههههههههه برامه


اذا السؤال الي عن نوع البيبي بعدني ما رحت على الدكتور اول الشهر موعدي


في قصة حزنانة عليها لناس بنعرفهم الهم فترة مقطوعة اخبارهم عنا ولما زوجي سال عنهم الا حالتهم حاله مساكين ظروفهم المادية كثير صعبة لدرجة انه ما عندهم خبز زوجي اخدلهم اغراض بس بحاجة لشغلات كثير عندهم اطفاااال هاد الي بقهر اكثر بفكر بطريقه اساعدهم فيها

[حلا الماس]

تسلمي لولو يا رب ... هاد خطية جوزي لانو ما كان بدو افحص وانا ضليت انق عليه بدي افحص لحد ما وافق ... ههههههههههه ولما حكيتلو انو مش مبين صار يصحك عليي ..شمتان يختي شمتان

حواء .. الله يهديها برلنت .. ونوم الهنا والعافية يا رب

انتي هلأ اديه حامل ؟؟

ربي يفرجها عليهم قرابيكم .. والله في ناس مساكين وما بيعلم بحالتهم الا الله

ساعدوهم على قد ما بتقدروا .. دفع البلا عنكم والكم ثواب كبير

[لولو الفلسطينية]

نوم الهنا لبرلنت
و صحتين عالغدا يا حوا ء
ان شاء الله بالموعد الجاي بتعرفي شو جنسة و لله يعطيكي يلي بتتمنيه
بالنسبة لهدول الجماعة الله يعينهم و يرزقهم
بترفي ممكن ما بتقدري تساعديهم من هالناحية الا بطريقتين : اما تعطيهم مصاري او كل فترة بتبعتيلهم شية اغراض للبيت يعني الاساسيت يلي بتلزم كل بيت
الله يكون بعون الناس

[حواء مثالية]

انا الي ثلاث ايام بالرابع

زوجي اخدلهم اغراض بس حكيتله انه في شغلات هم بكونو بحاجتها اكثر من شغلات بتاخدهيني حكيت مع الناس الي حولي ها لهيك كل فترة اعطيهم مصاري وهم بتصرفوا


هيني حكيت مع اهلي وحد بمون علي وبقدر يساعد عشان اساعدهم قد ما اقدر