دردشة حوامل مصر - دردشة بنات مصر - تجمع حوامل مصر ‏

gogo · 08-13-2011, 04:50 AM

يلا ربنا يعوضك خير ياعلا وتطلعى حامل
بس ساعتها تريحى خالص

انى امنت بربكم فاسمعون · 08-13-2011, 04:53 AM

ان شاء الله ياااااااااااارب بأذن الله
قوليلى انتى متجوزة من امتى وعندك ولاد والا لسه زينا
وعايشه فين وكدا

gogo · 08-13-2011, 04:57 AM

انا متجوزه من سنه و8 شهور
معنديش اولاد
والوقتى قاعدين ف المغرب

انى امنت بربكم فاسمعون · 08-13-2011, 05:00 AM

ان شاء الله ربنا يكرمك بأذن الله واهم حاجه اننا بنحوط فى دماغنا اووووووووى والتفكير هو دا اللى بيعطل الحمل لان النفسيه عامل اساسى لصحة الجسم بصفة عامه
وكمان انتى فالمغرب بعيد عن الناس اللى فى مصر اللى حاشرين نفسهم فى كل حاجه واللى تقولك فى حاجه جايه فالسكة وكلامهم الرخم اللى ملوش طعم

gogo · 08-13-2011, 05:04 AM

هههههههههههههههه لو على الكلام الى ملوش لزمه بيوصلنى عبر الاقمار الصناعيه
وكمان لما بنزل اجازات باخد الجرعه التمام
مش كلام وحش او حد يقصد يدايقك بس فيه كلمه تتقال من غير قصد تعمل جرح

gogo · 08-13-2011, 05:06 AM

بس والله اهم حاجه الزوج يكون واقف جمبك سيبك من الناس ده رزق والى بايده رزقه يجى يلومنا

انى امنت بربكم فاسمعون · 08-13-2011, 05:09 AM

ايوووووووووووووووة هو ده انا بقى بعد الاجهاض بشهر كمية الاساله نزلت تروخ عليا وليه كأنى انا اللى مش عايزة لا حولا ولا قوة الا بالله انتوا مالكوا اصلا هو انتوا اللى هتربوه وبعدين هما بيسألوا ليه هو الحمل بيستخبى يعنى لو حامل اكيد هيعرفوا من غير ما يسألوا وبعدين كل دا بأيد ربنا وحده
اللى تقولى روحى لشيخ ولما قولتلها لا قالتلى ممكن تستحمى بليفة وصابونة بتاعت واحد ميت ومتغسل بيها اصل ممكن تكونى مكبوسة تخيلى الجهل وعدم الايمان بالله وصلهم لايه؟؟؟؟؟

انى امنت بربكم فاسمعون · 08-13-2011, 05:13 AM

واللى بقى بقالهم كتير مشافونيش لما اظهر فى اى مناسبة اول حاجه يبوصوا على بطنى وبعدين ازيك عامله ايه وبعدين ايه مفيش حاجه والا ايه ؟؟؟
انا مش فاهمه هو احنا لازم نتجوز نقوم زاربين عيال
وكل اما اشيل الحوار من دماغى على اد ما بقدر الاقي واحده بنت حلال مفكرانى بيه تانى ونفسيتى تتعب

dr.princess · 08-13-2011, 05:14 AM

ام االتوهان قاعدة وواخدة راحتى وعاملة حسابى انى موطية النار رايحة اتوضى شميت شياااااااط اتفاجأ ان النار عالية والحلة اتفحمت والاكل شوية لزق المهم انى لحقته
الحمدلله على كل حال

gogo · 08-13-2011, 05:14 AM

هههههههههههههههه الله يقرفها عايزاكى تستحمى بليفه واحد ميت دى ترالالى خالص
مع انك اجهضتى من الاجهاد عادى
اومال انا بقى اجهضت بدون سبب النبض وقف وبس من غير سبب كانت قالتلى بقى انزل توربه هههههههههه ناس عجب والله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالوا شوفوا ازواج منتدى حوامل جبتها لكم وانا قدهاا	فداك عمري يازوجي	ملتقى عضوات حوامل	22	10-19-2011 10:02 PM
مشدات حوامل,ازياء حوامل,احذية حوامل موضة 2010	ايلاف	الموضة و الجمال	12	05-19-2011 11:50 PM
لكل حوامل التوائم ضرووووووري تعالوا هنا	أم الحلوات	منتدى أنواع الحمل	8	12-01-2010 01:31 AM
حوامل الشهر التاسع تعالوا حبايبي	الأمل الساطع	إستفسارات حوامل من الشهر السابع إلى الشهر التاسع	1	09-22-2010 08:12 PM