دردشة حوامل مصر - دردشة بنات مصر - تجمع حوامل مصر ‏

gogo · 08-13-2011, 04:35 AM

بس قومى يارانيا ابدئى اشتغلى مضيعيش الوقت لما تقسميهم احسن ماتكربسيهم كلهم وقت واحد

انى امنت بربكم فاسمعون · 08-13-2011, 04:35 AM

جوجو حبيبىىى سورى مختش بالى انك هنا يا موزتى ازيك عامله ايه

Rania Negm · 08-13-2011, 04:37 AM

والله يا جوجو انا فى الغالب هعمل كالعادة وهخش انااااااااااااااام عشان أهرب

واهى فرصة الواد ابن الذين ناااااااااااايم ده مشيبنى بقاله كام يوم شبه معدووومة النوم

والفووراخ لازم اسلقها عشان الشوربة اسقى بيها الاكل

لان انا بقرف جداااا من لحمة هنا . فهعملها وارمى شوربتها اصلاااااااااا أنا عاملاها مجبرة

وبكرة هعمل أكل بسيط هتبل بس نص فرخة وبكرة احمرها كرسبى مع مكرونة وخلاص

انا انهاردة أصلى وامبارح كمان أكلت جااااهز

يابنتى بصحى بعد صلاة العشااا بسبب أحمد

ده مطلع عينى اليومين دول والله . ولو شفتينى دلوقتى هتلاقى عينى مبقللة من كتر العياط انهاردة الصبح . الولد مواااااااااااااااااااصل صحيان وأريفة لحد العصر وانا كنت ميتة من العطش ودراعى مخدل من شيله وموش حاسة بنفسى من التعب . لأنى بقالى أيام متواصل معاه على نفس الحال

gogo · 08-13-2011, 04:38 AM

انا تمام الحمد لله ياعلا
معندكيش انتى كمان عزومه

Rania Negm · 08-13-2011, 04:39 AM

ايه ده السمبوسة قبلها بفترة ازاى ؟؟؟؟

دانا هعملها قبل وصولهم بساعة

ينفع اقفلها واشيلها تانى ؟؟؟؟

gogo · 08-13-2011, 04:42 AM

اه عادى قفليها قبلها بيوم وحمريها تانى يوم مش هتقول لا
والمحشى احشيه بكره وشليه على السوا
المهم انتى يارانيا ياما تقومى تشتغلى ياما تنامى بقى بدام مش قادره علشان تصحى فايقه وتعملى الى وراكى
وبدام احمد نايم استغليها فرصه

gogo · 08-13-2011, 04:44 AM

والفراخ بدام هتسلقيها يبقى حمريها بالفجيتار واسلقيها بردوا بكره
الباميه الحاجه الوحيده الى تتعمل ف يومها الطبيخ ميبتش

انى امنت بربكم فاسمعون · 08-13-2011, 04:45 AM

لا الحمد لله رمضان اللى فات بعد فرحى بشهر جوزى لقانى بعمل اكل حلو راح عازملى كمية عزومات طول الشهر بنعزم قرايبه لما اتهرييييييييييييييت كنت من قبلها بيوم بحضر اكل واصحى يوميها من الساعه 9 الصبح متواصل واقفه على رجلى لحد ادان المغرب ما هو انا حملى الاولانى منزلش من شوية ههههههههههههههه يلا الحمد لله على كل حال
بس رمضان دا بقى ما حاولش يعزم حد هو فرح والا ايه ههههههههههههه بجد تعب اوووووووووووى ومواعين وارف

Rania Negm · 08-13-2011, 04:45 AM

أيوة هقوم أنام اهو ياعيال بس كنت مستنية الفجر يأذن واهو بيأذن أهو

gogo · 08-13-2011, 04:49 AM

ربنا معاكى يارانيا وممكن تطلبى مساعده جارتك لو ملحقتيش تعملى حاجه اديها اى حاجه تعملهالك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالوا شوفوا ازواج منتدى حوامل جبتها لكم وانا قدهاا	فداك عمري يازوجي	ملتقى عضوات حوامل	22	10-19-2011 10:02 PM
مشدات حوامل,ازياء حوامل,احذية حوامل موضة 2010	ايلاف	الموضة و الجمال	12	05-19-2011 11:50 PM
لكل حوامل التوائم ضرووووووري تعالوا هنا	أم الحلوات	منتدى أنواع الحمل	8	12-01-2010 01:31 AM
حوامل الشهر التاسع تعالوا حبايبي	الأمل الساطع	إستفسارات حوامل من الشهر السابع إلى الشهر التاسع	1	09-22-2010 08:12 PM