دردشة حوامل مصر - دردشة بنات مصر - تجمع حوامل مصر ‏

أم إياد · 08-13-2011, 01:51 AM

اقتباس:

المشاركة الأصلية كتبت بواسطة om arwa

يا ايه ما ينفعش تعملى مزرعة بعد مااخدتى مضاد حيوى كان المفروض قبلها
بتقولك الدوا مضر فى ايه فى الشهر التاسع غالبا بتبقى خلاص الادوية مسموحة عادى

ماهو اللي حصل بقى
بصي انا كنت حاكية للبنات امبارح تفاصيل الموضوع بالظبط هنا
المغص الكلوي اللي اشكيت منه من شوية زاد اوي
عملت صورة بول
الصديد 70 وانتي عارفة النورمال لحد 5
والاملاح عاااااالية والزلال متوسط

فاسم الله عليه كتبلي امبيسيللين 500 كبسولتين بعد الفطار واتنين بعد السحور
كده من غير مزارع ولا حاجة
مااكتشفتش موضوع المزرعة الا لما كلمت دكتورة كده اعرفها
وكاتبلي كمان على دوا اسمة ماكروفيوران
الدكتورة قالت انه مايتخدش في الشهر الاخير
وهو اصلا مكتوب عليه كده
(يمنع استخدامه في الشهر الاخير يسبب انيميا حادة وتكسر لحديثي الولادة)
دا اللي خلاني اكلمها اصلا

المهم انا وقفت العلاج ده دلوقتي
خصوصا ان المضاد الحيوي ده قالتلي ماينفعش يتاخد كبسولتين مرتين في اليوم
دا مفعولة يستمر 6 ساعات بس
يعني لازم آخده على مدار اليوم 4مرات
يعني مافييييييييش صيام
اما بقى لو هاصوم فالمفروض اغيره وآخد حاجة مفعولها بيستمر 12ساعة

بأقولك ينفع اغير المضاد الحيوي بعد ماخدت منه؟؟؟؟؟
انا خدت كبسولتين 500 مع بعض في سحور امبارح ووقفته دلوقتي

أم إياد · 08-13-2011, 01:52 AM

ماحدش هنا بقى غيري ولا ايه
عمااااااااالة اكلم نفسي

AyoyA · 08-13-2011, 01:54 AM

الف سلامة عليكى يا قمر

أم إياد · 08-13-2011, 02:01 AM

الله يسلمك يايويو
تسلميلي ياقمر
أخبارك ايه؟؟
كنتي بتشتكي من مغص او حاجة تقريبا الفترة اللي فاتت
والبيريود كانت قربت تيجي تقريبا مش كده
ايه الاخبار دلوقتي؟

malak ahmed · 08-13-2011, 02:06 AM

اقتباس:

المشاركة الأصلية كتبت بواسطة دودى مجدى

نهودة انا مدرسة لغة عربية وتربية دينية تخيلى بقى بس قعدت من الشغل عشان اسافر مع جوزى وانتى بقى معاكى اية

انا يا دينا معايا ليسانس اداب قسم لغه انجليزيه ومش بشتغل لسه اصلي لسه مخلصه كليه السنه اللي فاتت واتجوزت وانا في سنه 3 والشغل مرفوض تمااااااااماااااا عند جوزي

malak ahmed · 08-13-2011, 02:08 AM

اقتباس:

المشاركة الأصلية كتبت بواسطة دودى اشرف

طيب لما روحتى للدكتور اخر مرة قالك ان البيبى نزل الحوض ولا ايه الاخبار؟؟ وحاولى تمشى كتير على اد متقدرى الفترة دى.. انا البنات قرايبى واختى كانوا بيمشونى مشى .. وبنت عمتى طلعتنى الدور السابع ونزلتنى مرتين علشان الحق اولد قبل دخول المدارس ههههههههههههههههههههههههه علشان يحضروا الولادة والسبوع وهما لسه اجازة ههههههههههههههههههههه بس كنت على اخرى .. واخر مرة كنت بتمشى كنت خلاص مش قادرة .. كان الطلق بيجيلى كل فترة ويوقفنى ويشل حركتى بقى تماما ومش قادرة اكمل مشى غير لما يروح .. ويومها الطلق جالى الفجر وروحت اولد عقبالك يارب متقومى بالف سلامة انتى وكل البنات

لا لسه منزلتش الحوض والله يا غادهواصلا الدكتور قالي مش لازم انها تنزل الحوض عشان تولدي قالي انه ممكن يجيني الالم وبعدين الراس تنزل الحوض بقي

بحاول امشي علي قدي يا غاده اصلي بقيت حاسه اني بقيت 100 كيلو وبجد بعد الفطار انتي عارفه الواحده بتتقل قد ايه

اللي كاتبو ربنا ليا هشوفو بقي وانا راضيه والله بامره

malak ahmed · 08-13-2011, 02:11 AM

ام اياد ازيك يا حبيبتي عامله ايه دلوقتي ... حاولي تشربي سوايل كتيره زي ما البنات قالولك .. كان نفسي افيدك في اسئلتك والله يا حبيبتي بس انتي عارفه اني لسه اول مره اعرف عن الحاجات دي وكده واجرب
ربنا معاكي يارب ويقومك بالسلامه وتفرحي بالنونه يارب

ايوياااا ازيك يا قمر عامله ايه ليكي وحشه

فينك من زمان

AyoyA · 08-13-2011, 02:12 AM

الحمد لله يا عسل
اه انا عندى مغص البريود ومش عايزه تنزل الدكتور قالى ممكن تربعنى وتنزل بعدها على طول

malak ahmed · 08-13-2011, 02:12 AM

انتو مشيتو يا بنات ولا ايه

malak ahmed · 08-13-2011, 02:14 AM

ربنا يعوض عليكي يا ايويا ويرزقك قريب ومش تستعجلي كله بامر الله

ياستي عيشي حياتك واتمتعي بيها الاول .. ربنا يفرح قلبك قريب يااااارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالوا شوفوا ازواج منتدى حوامل جبتها لكم وانا قدهاا	فداك عمري يازوجي	ملتقى عضوات حوامل	22	10-19-2011 10:02 PM
مشدات حوامل,ازياء حوامل,احذية حوامل موضة 2010	ايلاف	الموضة و الجمال	12	05-19-2011 11:50 PM
لكل حوامل التوائم ضرووووووري تعالوا هنا	أم الحلوات	منتدى أنواع الحمل	8	12-01-2010 01:31 AM
حوامل الشهر التاسع تعالوا حبايبي	الأمل الساطع	إستفسارات حوامل من الشهر السابع إلى الشهر التاسع	1	09-22-2010 08:12 PM