تجمع حوامل ليبيا

[ام روفيدة]

قال الامام مالك رحمه الله (لا يصلح اخر هده الامة إلا بما صلح به أولها)

[ام روفيدة]

قال مجاهد وهو أحد التابعين(إثنان لا يصلان للعلم المتكبر والمستحي )

[ام روفيدة]

من كان مستنا فليستن بمن مات فإن الاحياء تعرض عليهم الفتن

[ام روفيدة]

يقونة كيف حالك وكيف حال فروتي وشن حال الوحم معاك والصراحة دمك خفيف هلللللللللللللللللبة و الله العظيم ديمة اتخلي فيا نضحك من بصارتك والله مرات بدموعي لين ايقولي راجلي خيرك تضحكي ما شاء الله تبارك الله عليك ربي يحفظك لبنتك وزوجك وكل اهلك اللهم امين

[ام روفيدة]

حقا يا ميمونة ويا أم قصي تعالوا هني شن قصة الوحم اللي طلعتولي بيها يعطيكم الصحة والهني اني مششششششششششش حامل هههههههه ويارب ايكون فأل خير منكم قال عليه الصلاة والسلام (تفائلوا بالخير تجدوه)

[ام روفيدة]

قال الامام مالك رحمه الله (كل يأخد بقوله ويرد إلا صاحب هدا القبر وأشار بيده إلى قبر النبي عليه الصلاة والسلام)

[يقين]

السلام عليكم صباح الخير
اولا مروسه ماهو البارح بصرت قلت مش ماليه عينك بعدين ولا عليا خاطري حسيتها فيها قله ادب شويه بارك الله فيك وخيتي تفهمتي اني قعدت نخاااااااااف من البصاره الحق
ميمو وينك يا غاليه مغيبه ان شالله حالك باهي مني مزعلك قوليلي عليه واني نعضضضضضضه عضا باهيه هيا خشي عاد احني ولينا قطاطيس في جرتك كل يوم ميوميو ميمو خلاص عاد خشييييييييييي تواحشناك

[يقين]

ام روفيده سلمها ياربي والله هادا الا من ذوقك وان شالله الضحكه ما تغيب عليك ولا علي حوشك كيف حالك وحال وليدك وان شالله ربي يرزقك بالحمل ياااارب كيف ما رزقني

[يقين]

ام نوزه تو انوريك حسابك عالياهو مش هنا مانبوش الفاضيح اهني تو يسمعونا الخليجيين والمصريين
تي وينك وخيرك ما تخشيش عالياهو وني لمن مخليتيني اه
كيف حالك وحال بنوتك مشالله عليها بتعلم السواقه من توا ربي يحفضها ويحفض بوها ويحفضك ليهم

[ميمونة]

صباح الخير

كيف حالكم اليوم وجمعتكم مباركه

انا امس كان يوم عالمي من الصبح وانا واقفه علي رجليا وروحت مؤخر من حوش عمي هذا علاش ماخشيتش ماتنشغلوش عليا وماتسمعوش للاشاعات المغرضه اللي تتطلع فيها مصلحه ارهابيه

توا بالك انت تقصقصو تقولي خيرها ايمان في حوش عمها شن عندها انا نقوللكم بنت عمي تخرجت من الصيدله مدايره عزومه مشيت الصبح عاونتها بعدين مشيت للمزين درت لروحي دوره مليحه درت فتله ونظفت وقصيت وصبغت ولبست ومشيت لاول مناسبه بعد العده والحمد لله ربي يكثر الافراح واليوم عندي محضر والسبت عندي اسبوع بنت عمتي جايبه وليد
وهذه قصتي