تجمع النساء اللاواتي سيلدن بشهر *ربيع الأول* 1433

[عبير 99]

يلا الله يسهل عليكي وقت الاذان ادعي لك
بس لاتخافي ولا شي شدي حيلك

[فليك]

ماااشاالله " سارونه " خلاص ولادتك قربت ، انا اليوم ان شالله رح اسوي دا الحليب الي مع تمر و يمكن اشرب خروع اخر الليل لكن رح آخد قليل ، بكرا التاريخ مميز 3 / 3 / 1433هـ هههههه حلوووو

[عبير 99]

هههه فليك انا كنت اتمنى اولد في هذا التاريخ
بس اسمعي كيف تسوي هالخلطات والرحم لسى مانفتح انا ماحسويهها لما ينفتح


فليك اذا كنت بغير نكي لمين ارسل ؟

على فكرة بنات انا شنت مره انتو مثثلي هههههه الحمد الله

[فليك]

دوبني عالمغرب توكلت عاالله و شربت الخروع صحيح أني خايفه بس زوجي شجعني لان بكره فاضي لي هههههه ، الله يستر عاد
مدري والله الرحم فتح ولا لا ، لمن كشفت كان من أسبوعين تقريبا قلت يمكن دحين يكون فتح
بالنسبة للنك شوفي في صفحة المنتدى العامه عندك اخر شي تلاقي مكتوب " قسم الطلبات و الشكاوي و الاقتراحات " ادخلي و اكتبي موضوع فيه طلبك و الادارة رح تغيره لك ....

[Ḿٱ۾ڵيڼٱỄ]

^_^ مرحبا بنات

فلييك ربي يسهلك ياعسل وتولدي بالسلامه ها لا تنسي تبشرينا ^_^ وربي يوفقك

^_^ للاخت اللي طلبت تغيير الاسم انا كلمت قبل سماسم وطلبتها تغيرلي الاسم حقي ^_^ وجزاها الله خير على طول بنفس اليوم اظن ^_^ شوفي اطلبيها ^_^

بنات ادعولي راح اولد قيصريه بس لسا ما اعرف متى ^_^ يارب تسهلي وتقيمني بالسلامه ^_^

[فليك]

الله يسعدك يا " ام لينا " أكيد على طول رح اقول لكم بس شكلو مافي شي جديد هههههه
ليه قيصريه :( !!!

[Ḿٱ۾ڵيڼٱỄ]

^_^ عشان خلاص اجمعو اغلب الدكتورات والمستشفيات : المتحدون - الجدعاني - الولاده والاطفال : انو وزن الجنين مره صغيره وماراح تقدر تدفع ابدا ومو جالسه تاخذ غذاء سبحان الله تخيلي جلست طول فترة الحمل اكل واتغذى كويس وراسها تحت سبحان الله لكن وزنها كيلو وشويه يعني مره ماراح تقدر انها تدفع ووزنها مازاد ابدا فقالولي لازم تولدي قيصري وكل ماطولت برحمك زاد الخطر عليها لأنها لازم تطلع ويحطوها بحضانه يغذوها واكدتلي دكتوره انها ممكن تطول بالحضانه لانها لازم تاخذ غذاء ويتحسن وزنها
وأكدولي بالجدعاني وبمستشفى الولاده والاطفال انو سبحان الله هادا وضع سار كتير ولو اسم علمي والام ابدا مالها دخل سبحان هادا من البيبي يعني انا مهما كنت حاكل واهتم ماراح يتغير اي شي :)
عشان كدا شكلو خلاص غصبن عني راح اعمل قيصريه عشان صحتها والله خايفه عليها يسير لها شي جوا بطني ولا تموت بعد الشر عنها بس الحمدلله على كل حال والله لو مارحت اكتر من مكان ماكنت راح اصدقهم لكني سلمت امري لله ويارب يارب يارب يهون عليا الولاده وتكون القيصريه خير وتكون سهله يارب وتكون بنتي بصحه وعافيه وتكون بخير هادا اهم شي بالنسبه ليا ^_^

[Ḿٱ۾ڵيڼٱỄ]

هوا غالبا ممكن يولدوني الاسبوع الجاي والله اعلم اذا سار شي راح اقولكم ^_^

[فليك]

يا قلبي عليكي ، فعلا المكتوب ما منه مهروب ، والي الله مقدره رح يصير رضينا ولا ما رضينا
اهم شي انتي كل يوم صلي الاستخارة و سبحانه وكيل بالأمور
الله يقومك انتي و هيا سالمين غانمين و بكاااامل صحتكم يااااااارب
بس تشوفيها رح تنسي كل شي ، الله يفرحك بشوفتهاااا و تشمي ريحتها على خير يااارب

[فليك]

ان شالله تبشرينا و نتطمن عليكي و عليها بالخير يارب
ما تدري ممكن تكوني جالسه و فجأه يجيكي الطلق و تكون هيا بتدف عشان تنزل
اهم شي سلامتك و سلامتها .....