دردشة حوامل مصر - دردشة بنات مصر - تجمع حوامل مصر ‏

[somia]

انا مستنية الصورة يا نورا ..
بت يا رانيا 8 ساعات مرة واحدة ايه الطمع ده انا عايزة 4 ساعات او حتى 3 بس شفتوا انا قنوعه ازاي

[somia]

ايه رأيكم في الصورة دي ؟؟


نورا باسم الله ماشاء الله عليه بقى زي العسل .. نفس حركة بنتي وهيا نايمة بتحط ايديها على بقها ومراخيرها اما ببقى خايفة تتخنق

[Rania Negm]

عاوزة اسأل سؤال

وعاوزة رد علمى

دلوقتى انا بقالى اسبوعين تقريبا والدة

بغض النظررررررررر عن نفسيتى

طبعا انا اللى معايا هنا حماتى

طيب

انا بعد الولادة بيومين طلبوا منى اقوم امشى شوية

وفعلا اتمشيت ودخلت التويلت وكدااا

ورجعت البيت بعد اربع ايام من الولادة وانا بمشى وبدخل التويلت

لكن طبعا كان مشى مكسر وكدا

دلوقتى انا بقيت بمشى فى الشقة زى البنى آدمين الحمدلله كويس

حماتى بتفضل تقولى تعالى نخرج انا زهقت من القاعدة وكدا

مرة خرجنا بعد مشوار الدكتورة بتاعتى

ومرة تانية خرجتنا عشان كانت عاوزة تشترى سرير لفلائوتوس

المهم

انا أى مرة بخرج فيهاا نصى التحتانى بيوجعنى جداااااا

الحوض بمكان الجرح

لدرجة ان مشيتى بتتكسر كداا

مجمل خروجاتى بالدكاترة من يوم الولادة ست مرات

لما كنت برجع واشتكى من الام الحوض والجرح حماتى تقولى انتى موهومة وانتى كويسة غيرك مبيقدرش يمشى وكدا

وده بسبب تقل البيبى وموش عارف ايه وكل ده طبيعى

وانهاردة خرجت تروح مول تشترى حاجات بس انا مرضتش اخرج رجعت من مشوار الدكتور بتاع احمد تعبانة وقلتلهم الجرح بيوجعنى

السؤال بئى

انا بتحرج جدااا ن حماتى حاساها موش طايقة شكواتى

ومحمد طبعا راجل وموش فاهم وشايف مامته بتعاملنى انى عاملة عملية اللوز موش قيصرى فشايف ان انا كويسة

فبقيت باجى على نفسى وموش بقول وانا موجوعة

بس انا الحوض عندى بيوجعنى اوى بجد والجرح بيشد عليا خصوصا إن انا قايمة بكل حاااااااااااااااااااااااااااجة مع احمد

من تشطيف لتغيير لتحميم لهشتكة بالليل وسهر معاه

الكلام ده كله بيتعبنى بيخلينى فترات طويلة مفردش ضهرى وحركات كتيرة بعملها بتألملى الجرح وباجى على نفسى عشان متقولش عليا بادلع ولا تتفرس منى

انا عاوزة اعرف هو غلط اللى انا بعمله ده ؟؟؟؟؟؟؟؟؟؟؟؟

انهاردة دكتور الاطفال وامبارح دكتور الاسنان الاتنين نبهوا عليا مخرجش كتير ولما عرفوا انى هسافر المدينة قالولى المفروض النفسا متخرجش لمدة 40 يوم

حسيت انهم دايات موش دكاترة

بس دكتور الاطفال قالى انهاردة ان الام والبيبى المفروض ميتعرضوش للأجواء الخارجية عشان الانفيكشنز

خفت على نفسى وحسيت انى كنت هبلة اووووووووووووى

وصعبت عليا نفسى عشان محدش حاسس بيا هنااا وكل ما اشتكى من حاجة يقولولى عادى وطبيعى

موش عارفة مين اللى صح الصراحة ومين اللى عنده حق فيهم

والله موش برضى افكر فى الموضوع ده لانه بيخلينى تصعب عليا نفسى واعيط وبحس ان ده بيأثر على فلائوتوس والله :(

[somia]

باسم الله ماشاء الله عليه حاطط كل حاجة قدامه عشان يلعب بيها .. ربنا يعينك عليه ويجعلهولك ذرية صالحة ..
بس خلي بالك اظن صورتك ظاهره وراه

[Rania Negm]

يا قلبى يا موكشتى

زى القمر يا نور عينى الله اكبر عليك

ربنا يخليهولك يا نووورى

[نولارا]

هو حاطط ايده كده عشان شوفته بيلعب فى سلك التليفون
بيعمل حركات عشان موش اضربه

[نولارا]

ايوؤا كل اللعب لازم تكون متنتوره كده
اوقات بلمها عشان اكنس الاوضه
اروح اجيب المقشه بس
ارجع الاقيه فضاهم تانى
مشاااااااااااااااااااغب
عادى ياسمسم
مين راجل يستحمل يقعد معانا فى دردشه حريمى ههههههههههههههههه

[نولارا]

رانيا
انتى تعبانه فعلا دا قيصرى موش طبيعى
كبرى دماغك وقولى موش قادره اخرج
حماتك شكلها عاوزه تتفسح
ابنها يفسحها
انتى وابنك ما تستحملوش خروج كتيييييييييير دلوقتى

[Rania Negm]

ههههههههههههههههههههههههه نورى صحيح مافيش راجل يتحمل الرغى الستاتى ده

[somia]

رانيا يا بنتي ولا تصعب عليكي نفسك ولا حاجة انا بعد ما زوجي سافر عدت عليا ايام مكنتش باكل غير فطاير الجبنة عشان مش قادرة اعمل اكل ومحدش تحت عملي اكل لغاية ما ابويا كلم عمتي وخلاها ربنا يباركلها جت طبختلي ..
اما بالنسبة للجرح .. انتي عايزة تفهميني انك بتبقي خارجة شايلة ابنك يا بنتي دا انا ببقى مأنجه اي حد معايا وسانده عليه والبيبي حد تاني اللي شايله ومببقاش قادرة امشي خلي بالك كويس قوي اتمشي في البيت اه عشان ده لازم للقيصري بس ما تشيليش حاجة تقليه ولا ترهقي نفسك لان الجرح ممكن يفتح تاني عليكي واحدة صحبتي والدة قبلي باسبوع الجرح فتح عليها ونزل صديد خلي بالك ودفي نفسك كويس عشان حمى النفاس صعبة جدا..
عارفة صحبتي دكتورة بتقولي القيصري دي اول 3 شهور لازم تبقى كإنها حامل عشان الجرح يلم كويس وميتعبهاش ..
اما حماتك فسيبك منها وريحي دماغك احسن لان حرقة الدم بتغير طعم اللبن وبتخلي البيبي ميرضعش بسببها