دردشة بنات فلسطين, دردشة حوامل فلسطين, تجمع بنات فلسطين

لولو الفلسطينية · 02-18-2013, 10:03 AM

حيفا الله بسهل امورك
موفقة يا عسل

حلا الماس · 02-18-2013, 10:06 AM

هلا لولو النشيطة .. كيفك اليوم ؟؟

تسلمي يا قلبي .. شايفة مبطلين يحكوا كتييير

انا بعرف ليش لانو احنا بشهر شباط وهو اقصر شهور السنة وكلام الناس بيكون فيه قليل

لولو الفلسطينية · 02-18-2013, 10:18 AM

هههه يمكن
انا الحمد لله مشتاقتلك يا حلوة
صحتين على الفول
كيفك انتي و كيف اولادك ؟

حلا الماس · 02-18-2013, 10:21 AM

على قلبك .. اتفضلي معنا

الله يخليكي يا رب .. والله انا وولادي بخير الحمد لله

لسه خليل نايم وحلا بتحاول تصحصح من النوم ... وماسة من ساعتين بالروضة :)

عقبال ولادك يا رب

~{{ DoDo }}~ · 02-18-2013, 10:42 AM

صبااااااح الخير يا حلوين

ام عمر
له له والله بسال عنك على طول انتي وام عمر رشا التانية
الحمدلله انك بخير والله يخليلك عيلتك ، المسئوليات لما تكبر بتعمل تغيير كبير بحياتنا
الله يعينك وان شاء الله بتكوني قدها ، بوساتي لعمر وتولين

هبة
الف مبرووووك الحمل
والله يتمملك على خير يااارب ويعينك عالوحام والحمل وعلى ميلو الامور
وموفقة بالجامعة ، ان شاء الله بتخلصي على خير ولما تولدي بتكوني مرتاحة

مسك
سلااااااامته لديدو
المغص والرشح شر لابد منه
خصوصا مع بردات غزة
الله يشفيلك اياه ويحميه يارب وان شالله بيخف على طول يارب

انبثاقة
الف الحمدلله على سلامه اختكروابنها
وعقبال يااااارب ما تفرحينا بحملك وسلامتك يا قلبي

ميسا
كييييييييفك يا قمر
الله يخليلك اياهم الحلوين
ماشاء الله عليها شكلها بنوتتك هاي قوية شخصيتها اسم الله
ربي يفرحك فيهم الحلوين وان شاء له بتطلي دايما تطمنينا عنك

احساس
يا ويلي عليه هالزووووز على هالسن
مش راضي يطلع مغلبه ومغلبك
الله يخفف عنه يااااااارب انتي شو عاملة شو الاخبار

حيفاااا

يسعد صباحو الحلو
والف صحة عالفول وموفقة بالدايت
احلى شي الرياضة اهم شي تنتظمي فيها
وحتى بدون دايت يعني اكل صحي ومعقول ، الرياضة راااائعة وبتغير تشكيل الجسم كله
ودايما اطلعينا عالنتائج عشان نشجعك

لولو
صبااااح الورد ، كيفك وكيف نمتي الليلة
وشو طابخة اليوم ههههه وكيف البنوتة الحلوة صديقة عمورة ابني

حلا الاملاس
يسعد صبااااحك وصباحرالامامير
وصحة عالفول ، انشالله يوم سعيد وهني ياااارب

باقي الصبايا الحاضرين والغايبين ان شاء الله كلكم بخير
وبرجع بقول ام عمر رشا كتير قلقاني ولدت ولادة مبكرة وما اجت تطمننا شو صار عالبيبي الله يكونلها معين :(

حيفا · 02-18-2013, 10:44 AM

ها حلا الماس صباحک برکات وصحتين عالفول
الفول بالزقت بتقلي بصل بزيت بلدي وبعدها بتحطي الول عليه وبتخليه يتقلي معاه شوي وبعدها بحطي مي لحد مايستوي الفول بتحطي. کمون وفلفل اسود وملح وبقدونس وکزبره وصحه وعافيه بتتاکل بالخبز
بدي اعمل رجيم لاني وزني زاد بعد المنشطات والعلاج* هو کان قبل زائد بس مش لهالدرجه. ههههه

لولو صباح الفل والياسمين حبيبه قلبي :)

حيفا · 02-18-2013, 10:47 AM

بکتب من الموبايل لهيک کلها اخطا املائيه ههههههه

دودو صباح الورد والفل والياسمين والحلا کلووووو
اکيد دا انا حقرفکو بتطوراتي هههههههه
بوسااااتي لعمووووووره

~{{ DoDo }}~ · 02-18-2013, 10:50 AM

حبيبتي ربي يكتبلك الخير يااارب
وتبوسك العافية ياااااارب ؛)

لولو الفلسطينية · 02-18-2013, 10:53 AM

تسلمي حلا الله يسعدك
دودو يسعد صباحك يا قلبي انا الحمد لله و البنوتة بخير بتسلم على عمورة الصايعة بنت الصايعة هههه
و النوم عادي زي كل يوم شو رح يتغير ههههه
و انتي شو اخبارك ؟
حيفا ههههه بيطلعلك تقرفينا ليش احنا كم حيفا عندنا

لولو الفلسطينية · 02-18-2013, 10:55 AM

بالنسبة للطبيخ ما بدي اطبخ عندي اكل من امبارح الحمد لله ههه
بس هيني بعمل بسبوسة بالقشطة ...... ان شاء الله تزبط

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM