دردشة بنات ليبيا , دردشة حوامل ليبيا , تجمع بنات ليبيا

[عيون زوجي]

هذي ليست تدريبات عسكرية بل مجرد أطفال يلعبون.....!
ههههههههههههههههههههه
كم انت كبير ياليبي

[عيون زوجي]

عاشت الاسامي يارب تشوفيها عروسه ومن خيرة الناس يارب

لا ما حملتش مازال شوي سارة 3 سنوات و4 شهور ومحمد سنتين الا اسبوعين مازال صغيرين


شن روحتي في الاحداث ولا قعدتي في مصر؟؟؟

[حنين88]

والله يعيون زوجي كنت اندير فيها قبل مرة نتفكر فيها نقزة من لنقزات رجلي التوت قريت متت من الوجع ههههههههههههههههههههههه حسرة

[عيون زوجي]

هههههههههههههههههههه ردي بالك اديريها توا ولا تخلي روبي اديرها معاك

[سوما ليبيا]

اهلا عيون وحنين وسوسو شن جوكم
يستر الله اني قبل ماكنتش نحس بحكة بس توا في حكة مش عارفة تو نكمل العلاج وربك يستر

[عيون زوجي]

مرت خوي عانت من المسالك طول الحمل وبعده لانها ما اهتمتش بالدواء وشرب الميه الهلبه ردي بالك اديري زيها مرات تبدا تعيط لين امي تنخلع تحتها وتركبلها ويرفعوها للعياده ترتاح بعد ضرب يبرة مسكنه منهم ما انخوفش فيك بس انحذر

[سوما ليبيا]

تعرفو عندي عرس بنت خالي وبعدين بنمشي لأمي بندير الحنة عاد

ولتوا ماحصلتش قفطان قنين مشيت لصالات غوط الشعال مافيهم ماينشبح

ومشيت لبوسليم كلهم مشحطات واني عاد نبي قطان حوامل عاد


ومعش في وقتومشيت لمحلات قرجي الغلا والكوا عجبني قفطان ب650 شن هدا

من تعرف محلات في حاجة حلوة مايفوتوش 300؟؟

[حنين88]

والله انحس في روبي نوعها بديرها طالعة شويطينة وبتكلب زي امها قبل هههههههههههههههه

والله ياسوما مانعرف اني قاعدا في مصر ومانعرفش البلاد كيف توا لكن فيه محل بحدا حوش امي في قرقارش جاي في الانقل مقابل جامع الشريف كان تعرفيه اسمه تاتو شوب ولا تاي تاتو حاجة زي هكي اختي مرة خدت منها قفطان وتهولي في النت قنين

عيون شنو حامل ولا ؟؟

[عيون زوجي]

امس طلعت لقرقارش شريت لصغاري حوايج العيد نشبح لهلبه محلات فيهم تخفيضات والله اعلم

بس شارع 24 ديسيمبر فيه تخفيضات على البدالي متاع المناسبات كلهم مابين 100 و150 فقط

ومعظم المحلات يلي فيه مكتوب اعليهم تخفيضات

ولابري سوق الشط تلقي فيه اسعار كويسه بس هل البضاعه كويسه الله اعلم

[عيون زوجي]

ماهو قتلك مازال يا حنين فروخي صغيرين