حبيباتى سيدات ليبيا تفضلو لأعرف ما حالكم

[جوهرة ليبيا]

اوشي الغاليه اليوم فقدتني ماتفقدي غالي ياااااارب

[جوهرة ليبيا]

اثري تسلمي ياقمر علي سؤالك عالوالد


اليوم احسن ولله الحمد ومع العلاج الطبيعي امس واليوم كويسه

وربي يحفظلك اميمتك تاج راسك ويعطيها صحيحتها وكل احبابك

[جوهرة ليبيا]

اليوم جهزت فطور راجلي وعزوزتي بكري

شربه وبيتزا دوائر وخبيزات بالتن وشوي بالجبنه

وسمبوسه بالعجينه المنتفخه

وشوي امبطن لان للفطور بس مش للسحور

وخضرا وفاكهه والحمد لله


ومشيت ورشكلت معاي صونيه لحوش سلفي بعد العصر القيت سلفي جايب لحم ورشده كسكاس استغربت لاني امس امدايرتها وعجباته

قالتلي سلفتي اختها امروحه من برا وخاطرها فيها وخواتها قاعدين ماجوش بوختها وحطيتها في سفره وغطيتها

وقعمزت لعبت الوليد شويه

مع اني طحت اليوم تو انقوللكم كيف لكن اضطريت اندير بديت انطيب فيها وكيف طابت البصله وانحط في الرشده تم الغاز ههه

جئ سلفي ركبه وجو خواتها وحده ليها سنه ماشافوهاش ووحده كانت في العمره ماشاء الله


طبعا بما اني خلاص انحس درت اللي عليا قدمتلهم العصير والشكلاته وروحت خليتهم علي راحتهم
وعزوزتي روحت معاي لان باقي شوي عالمغرب روحت طيبت القهوه وجهزت سفره التمر والحليب ووو


وصلينا وجهزت السفره وروح راجلي من الجامع وفطروا انا خديت بيزا مع طاسه مشروب فقط


ونضتت انجهز في روحي استشورت شعري عالخفيف الحق ماياخدش وقت هلبه التجفيف من الدوش اكثر


وتوضيت من جديد للعشاء ومكيجت مكياج ناعم وحلو رسمه العين بس اوفر والروج الياجوري


لبست قفطان حوامل اخديته توه في العيد مستور في طوله وفي كمامه ولبست عليه اكسسواراته


ورلفيت خصلتين من شعري بالفير والقصه ودرت ربطه في نص الشعر عرفتوها


وجهزت بنوتي نفس لون قفطاني ولبستلها تاكمها

وصلينا انا وبعدي عزوزتي ولما انصلي اتصلت سلفتي بعزوزتي رديت انا قالتلي وين عزوزتي خيرها قاعده ماجتش قلتلها اتصلي قالتلي باهي باهي ولكن قبل متسكر نسمع ف امها اتقوللها عيب قولي للمرا تعالي هدرزي قالتهالي وهي تضحك عرفت اني سمعتها

المهم امشينا وهدرزت وحطيت معاهم العشاء داروا معاها الرشده خلوط حلبه وسلاطه ماعنديش نيه دقت الرشده لاني ماضقتهاش قنينه والكل عجباته غسلت الماعين ومرت خوها معاي شوي وبنتها عيطت كملتهم وسيقت عالسريع وطلعت

وقعمزت شويه روحوا روحت علي طول مع راجلي ناداني امها الحق ماشاء الله عليها عيت اتقولي تعبناك وصحيتي ربي يحفظها

عزوزتي قالتلي يوم نعرف بيجوا خواتها امشي شوفي بوك هههههه ربي يهديها ضحكتني ماتبينيش اندرير لما ايجوا


غدوه سبوع الوليد بس مش حيدورا حيدبحوا بس ويحلقوا الولد

يعني غدوه حووووسه بس في الجزار بيدبحوا لكن نفسه بتفرزي اللحم وبندير قلايه ووووووو


ربي ايعاوني ويفوت النهار علي خير

[جوهرة ليبيا]

شربت شاهي انحس في نفسي طاااااير عليا النوم

قاعده امقعمزه ونقرش في فاكهه شكلي بنوض انفرشي سنوني ونحاول نرقد مازال ساعتين بس عالفجر

سوسو مبروك الاشراف توه اتذكرت وفروسه مبروك الالعاب بس ظلمتيني بصوره الحلوا خصوصا باكو الشكلاته آآآآآآآآآآآهههي <<بصاره

هي سلام اليوم ونتلاقوا علي خير

[هدية الخالق]

اهلين جيجي شن اخبارك وكيف الحمل معاك
ربي يعاونك ان شاء الله ويشفي أوبيك يارب وبنيتي اسمها سما كانا عجبك خودي راحتك في الخنبة ولا يهمك هههه
وربي يكون في عونك علي العوالة في حوش سلفتك ان شاء الله كله بأجره حتي أني سلفتي شهرها توا لكن الحمد لله إني بعيدة عليهم ومرتاحة من كل هالدوشة هههه
ما تفهمونيش مش مانحبش نعاون او شي بالعكس والله أني خدومة هلبة الحمد لله لكن تحسي كان درتي هلبة فوق من طاقتك مش في صالحك وما حد حيقدر صدقيني وكان درتي باعتدال مرة ايه ومرة لا يلوموك ويطلعوك مادرتي شي حالة وخلاص ربي يعين

[هدية الخالق]

صباااح الخير كيف حالكم اليوم جميعا كيف أذن العشي توا عندنا الساعه 10ونص نحس في روحي عياااانة كنت موتية عشاي ومرتاحة لابيا لاعليا بالصدفة شفت تلفوني لقيت رسالة من راجلي قاللي اعبي معاي بشخص في العشي واني مش مكثرة الحق لأننا مانآكلوش الحق ديما يقعد لان راجلي يتغدا في الكلية واني طول اليوم اشية جاية عالمطبخ المهم نضت نجري زي المراة الفالحة اني قبل دايرة لحم دجاج في الكوشة وطريفات امبطن امشي زدت درت بيتزا وبطاطا مقلية وقبل منزيد ندير شربة والا حاجة امشي قاللي راجلي سااد قديش مناكلوا جهزتلهم السفرة ودرتلهم سلاطة ومشروب وعطيتهم العشي وارتحت شوي وبعدها صليت المغرب وضميت المطبخ ودرتلهم سلاطة فواكه وكلمت راجلي يجي يرفعها قاللي خلاص روح الراجل واني جاي قعمزت نتفرج وتوا بنوض نصلي العشي ومندير دورة علي سوما ومنرقد كان حصلت هههههه غضوة ان شاء الله عندي لمة وحدة جايبة فرحااانة اني منتلاقي مع ليبيات ومنتعرف عليهم لانه المدينة اللي احني فيها مافيهاش هلبة ليبين وعرب لانها مدينة سياحية واسعارها غالية والقراية فيها صعبة لكن توا بدو يتكاتروا فيها الليبيين ماشاء الله لكن للأسف ابعاد عليا ساعه الا ربع بالباص اني جاية علي جبل في جهة بروحي معزولة عالليبيين ههههه ااااخ دهشت وايديا عيوا من الكتيبة سلاااام

[هدية الخالق]

صباااح الخير

[هدية الخالق]

مني نايضة فيكم ؟؟
اكيد ام فراس لأنها عندها مني ينوضها زي حالتي ههههه

[هدية الخالق]

تعرفو خلاص نعسانة موت توا الساعة 12ونصف
بنيتي رقدت وأخيرا وراجلي راقد وهوا مقعمز علي الكمبيوتر حرااام
نايض بكري وتعبان وكان انقوله نوض ارتاح يقولي لا مش نعسان بكل يكابر
مايرقدش نين يكمل الحاجة اللي عنده حتي لو تستني ومش ضرورية

[sosolibya]

السلام عليكم صباح الخير كيف حالكم


حال يللى نايض من يوم عزومة متعب

نحس فى روحى دااااااااهشة وماعندى نية فى شي
جبت بورزة الشوكلاطة وحطيتها جنبى وقعمزت بنرتاح شوى ونوض للكوجينة

نكمل تشطيبات الحوسة...........

المشاركة الأصلية كتبت بواسطة أثري في مدادي

سوسو
الناشطة الفالحة
شن أخبار عزومتك ؟؟؟

الحمد لله

وأحسن حاجة قلصتي معازيمك باش ما تدهشيش روحك
وباش تقدري ديما تعزمي وتودي أحبابك من غير تكلفة زايدة

حتى أنا فى ألأول هكى مدتيرة فى بالى وهكى نسحاب

بس .............. فى ألأخير كانت هى هى تعبببببببب وصرف

لأن كانو فى نس ثانية بيجو واضطريت نزيد الرشدة
وفى ألأخير ماجوش الجماعة
ندهم ظرف بيجيهم الشيخ............


الرشدة ديري فيها في الحوش ؟؟؟ يعني دياري ؟؟
شن تتوقعى انت
عارفة عمتك سوسو الفالحة
أكيد بديرها فى الحوش والله تعبت منها لأنى ندير فيها على الرخامة وأنا واقفة


الله يبارك شراك الخضرة ليكم ولا لمتاعينكم ؟؟
ومنو مستعني بيه ومهتم بيه ؟؟
وشن فيه من خضرة ؟؟
وديما تخضري منه ؟؟؟ قصقصة معتبرة خخخخخخخ

سلمك ياحنة
هو لأمتعينى وحتى أنا درت ية فى صورى بس توا جفففففففففففف
فيه معدنوس وكسبر وشوية سلك وجرجير كله شوية شوية مش هلبة

وعندهم بصل وبطاطا وفاصوليا وسبول وووووووووووووو


آه علي كسكسي الأعراس
وما أدراك ما كسكسي الأعراس
هبلتينا بيه

ههههههههههههههههههه حق اتذكرتى جو هههههههههه أيامااااااااااااات

أيه هو الكسكسي بالبصلة أم فروسي !!!

ايه صح
~~~~~~~~~~~~~~~~~~~~~~~~~~~~~~~~

ركزو على التعليقات باللون الأحمر

شنو بتاخهدى قفطان أثرى عرسكم قريب