دردشة حوامل مصر - دردشة بنات مصر - تجمع حوامل مصر ‏

[أم إياد]

اللي يضحكك بقى
اني فوجئت ان سيادته وسط المعمعة اللي انا فيها دي
هيروح عمرة الاسبوع اللي جاي ومش هييجي الا بعد العيد
يعني في مواعيد ولادتي
وممكن اوي اولد قبل الميعاد زي ولادتي اللي فاتت
وسيادته مش موجود

[gogo]

رانيا الله يعينك يابنتى عارفه انتى ممكن تقسى عمايلهم على يومين مثلا الصوانى والسمبوسه والكفته جهزيهم على السوا
اما المحشى والطبيخ اعمليهم ف يومها واللحمه اسلقيها قبلها بيوم
هما عددهم كام

[dr.princess]

طيب قوليلى بقى هيجى امتى علشان اروح اديله قلمين واخلص فيه اللى قضى واللى مضى
فكرنى بدكتورتى الله يسامحها بقى

[انى امنت بربكم فاسمعون]

لا يبقى ربنا اللى رايد كدا الحمد لله يبقى تروحى لحد تانى بس تبقى عارفه انه كويس وعنده ضمير

[gogo]

والله ده لحسن حظك يا ايه يابنتى ده لو هو موجود اصلا متولديش عنده

[توتة السيد]

ايه بجد انت حرقتي دمي يعني كل اللي بيعمله ده وانت لسه عايزاه يولدك وزعلانه انه مش قاعد

ياشيخة ارحميني يابنتي انا كنت بتابع عند دكتور كويس خالص ولما عرفت انه بيولد في

مستشفي حكومي ورغم اني المستشفي دي شغال فيها اخويا رحت بطلت من عنده وتابعت عند

دكتور تاني وكنت في التاسع برضه يابنتي غيريه فورا ايه هو ده

[Rania Negm]

ياااااااااااااااااااا آية فعلا فى آخر الحمل الأدوية موش بتأثر على البيببى بشكل كبير كانت دكتورتى تقولى كدا

أبوس إيدك ياشيخة خدى تحاليلك وروحى لدكتور تانى

وياريت يكون اللى انا رشحتهولك اللى فى روكسى

يابنتى هيرحمك من الدووخة دى

وعلى فكرة انا طول الحمل معملتش تحاليل غير لما كنت بشتكى من حاجة ياعنى أول ما اشتكيت من المغص الكلوى قالتلى اعملى تحليل وطلع فعلا الصديد

ولما تخنت وبقيت كرووومبة انا والنونو قالتلى تحليل السكر

وهكذاااا ياعنى انا كمان مكانتش بتطلب منى تحاليل

بوصى آية " واعلم ان الناس لو اجتمعوا على أن يضروك بشئ لن يضروك إلا بشئ قد كتبه الله عليك . رفعت الأقلام وجفت الصحف "

طلب منك تحالليل أو مطلبش ربنا قدرلك تتعبى فى حملك شوية عشان تضاعفى ثوابك بإذن الله

وجفت صحفك واتكتب فيها بإذن ربنا إنو هيرزقك ببنوتة قمراية قريب أوى .. طمنى بالك بئى وهدى اعصابك

[gogo]

رانيا ممكن تبدلى المحشى كرومب بمحشى فلفل وكوسه وبتنجان ابيض
اسهل كتير من الكرومب بياخد وقت ف سليقه وتقطيعه وهيصه

[Rania Negm]

جوجو تمام أشك فعلا انك قولتيلى الوصفة الصح هههههههههههههههههههههه هسأل شخص أخير واجمع اللى قولتيه على اللى هتقولهولى واتكل على الله بس أقورها ازاى ؟؟ بالمقوار ؟؟؟ ولا أدب فيها السكينة ؟؟

هم أربع رجالة وجارتى الظريفة وجوزها ... جارتى اللطيفة موش التانية

آآآآه صحيح موش أنا موش بكلم جارتى ؟؟؟ بقالها اسبوع تقريبا موش بتعبرنى .. واله يا عيال ربنا استجاب دعوتى كنت كل يوم على الفطار اقول يارب تزعل منى ومتكلمنيش تانى

سبحانك يارب أنا دعواتى الشريرة بتستجاب هوا موش ملاحظين كدا بردو ؟؟

[انى امنت بربكم فاسمعون]

فرصه جميلة يا جماعه انا مبسوطة اوى انى اتعرفت عليكوا انا هقوم انام بقى خلاص هنام منكوا تصبحوا على خير يا موزز موووووووووووواه