دردشة حوامل مصر - دردشة بنات مصر - تجمع حوامل مصر

[MALAK2010]

مبروك على 2 كيلو
بس بستغرب ازاى يكون شكلك باين عليكى الحمل وبتقولى ان فى تضاريس هههههههههه ويكون بس 2 كيلو

[dr.princess]

هى تضاريس بس ده انا امبارح بصيت بصة عميقة فى المراية ولقيت الخطوط الحمراء دى ملت كل جسمى مفيش حتة سابتها كأن فى حد جايب مطوة ومعلم عليا اللهم لاحسد ههههههههههههههههههههه

[MALAK2010]

عارفة يا لولو لما كلمت ماما امبارح بالليل لقيت نفسيتها وحشة اوى علشان كل ماتفتكر انى ممكن ماعرفش انزل
صعبت عليا اوى وطبعا طبعا اديتها عياط محترم امبارح

اصل بقالها مدة طويله فرحانه انى نازلة وقاعدة تشترى اكل علشان تعملهولى دة غير تظبيط الاوضة ليا ولنونو

[MALAK2010]

انا اعرف ناس تاكل مايبنش عليها
اما ماتكلش ويبان عليها والوزن قليل دى اغرب حاجة

[dr.princess]

معلشى بس هتعملى ايه فى الظروف دى
والله انا كمان ماما نفسها انى انزل وكل شوية تكلمنى انى انزل بس نعمل ايه الخير هيكتبه ربنا

[dr.princess]

والله انا كمان مش عارفة ايه ده
المشكلة ان الخطوط الحمرة دى شكلها زفت وانا فاكرة انها هتروح بعد الولادة ان شاء الله لقيت الست بتاعة البتيفور دى بتقولى انها لسه عندها مع ان بنتها عندها سنتين فقلقت اوى

[MALAK2010]

حتى بقول لجوزى انا مش قادرة اقولها انى اكيد مش هنزل
قالى ماتقلقيش هكلمها وارضيها
هى ماما مش هتقول حاجة بس هتزعل جواها لانى وحشتها وهى كمان وحشتنى
انا عارفة اللى احنا فية دة خير من ربنا وكتير يتمنى الفرصة دى
بس انا تركيبتى وظروفى مش بعرف ابعد عن ماما ساعه واحدة مابالك شهور ربنا يهون اليومين دول علشان اشوفها واطمن عليها

الغربة دى صعبة اوى اذا سافرت اقلق على ماما واذا رجعت اقلق على جوزى ربنا يجمعنا كلنا على خير يااااارب

[MALAK2010]

ماانتى برضة اللى بتكسلى تدهنى الكريم بتاعت الخطوط دى
على فكرة فى كريم بالمرز وزبدة بالمرز وبيقولوا الكريم احلى من الزبدة

[dr.princess]

ياااااااارب معلشى انا عارفة انها حاجة صعبة بس ان شاء الله المواضيع تهدى فى مصر وتعرفى تنزلى ولو مهدتش يبقى ربنا عايز كده

[dr.princess]

ما انا عندى كريم بالمرز بس فعلا مش بدهنه خالص ريحته قالبه خالص على جوز الهند وانا مش بطيقه بس ان شاء الله اشترى واحد تانى