تجمع اللي بيولدون في شهر ذو الحجه

[Dado]

انا عكسكم احب اروح مواعيد الدكتوره
هيا كلها عياده صغيره وكأنها فندق وفيها مقهى انترنت
والديكور فله والحمامات كوم تاني
كلها الوان مو ابيييييييض زي المستشفى واحلى شي الدكاتره مررررره طيبين
اجلس انوع كل مره اختار وحده شكل لووووول
صارت مواعيدي كل اسبوعين.. انتو زيي ولا كيف؟
وبالتاسع طبعا كل اسبوع بدررري عالطفش

عسله ماتتشيلي هم
النونو يتحرك كتير وانشالله يغير وضعيتو
انا من الناس اللي ماحس بحركاتو كتير واشك بالوضع بس لما عملت التراساوند ورتني انو يتحرك وتسألني حاسه اقلها ابدااا ولا شي
حتى زوجي لما يحط يدو على بطني يحس فيه بس عني انا ما احس الا لو كانت قويه

الله يسهلنا ونولد ولاده ميسره اهم شي

سؤال سألتو قبل
حتاخدو الابره ولا لا؟؟؟
بدون شي احس ممكن اموت وبنفس الوقت خايفه من الابره لاني ماطيق الابر فكيف هادي بالظهر

[ام عبدالله 86]

مساكم عسل ياعسل
كيفكم وكيف النونوات ان شاءالله بخير يارب .....
عسلة لاتخافي ان شاء من دحين للتاسع يتغير وضعوه
دادو انا اختي تنصحني بيها وانا ان شاءالله استخير وان ليا خير ح اخذها

بنات انا من امس ومعايا اسهال الله يكرمكم ...عادي او لا ؟؟؟؟

[ام عبدالله 86]

نسيت اقولك ياعسله لاتمشي دحين بس تدخلي التاسع ان شاءالله ابدأي امشي ...

[Dado]

ام عبدالله لو من امس ومستمر لازم تروحي مو كويس للحامل
مابدي اخوفك بس انا قريت كدا
ومابدي اقلك عادي وتهملي نفسك

روحي لو حتى صيدليه اسأليهم وشوفي لو عندهم شي للحامل

طمنينا عنك

[اجوان]

بنات خلاص طفشااااااااااانه حياتي ممله وطول الوقت في وجه زوجي :"""(((

اقترحوا علي اشياء اسويها بليز قسم بالله شي يمرررررض :\

تعبت نفسي اروح لاهلي قسم بالله عالاقل الاقي بشر تسليني وصوت وحركه مو عايشه مع جدران وصوت تلفزيون افففففففففففففف

ليتني ادرس او موظفه او اي شي عالاقل الاقي شي يلهيني واشوف بشر واتكلم :\

[Dado]

اجوان انا ادرس والجو هنا ياخد العقل والطبيعه ولا احلى بس برضو طفشاااااااانه ومخنوقه
زوجي طفش مني يبغاني اخرج وانا مو طايقه شي
احس خلاص نفسي اولد و ارتاح
صدقيني هادي حاله نفسيه فينا كلنا بس اهم شي حاولي ماتضغطي على نفسك وركزي بشي يشغلك
روحي رتبي ملابس النونو ولا صوريها ههههههه
الهي نفسك باي شي
قلتلك اقري كتب عن التربيه رح تفيدك

[عسله]

بنات ماجاوبتوني دحينا أبدا احبي ولا لمن ادخل التاسع


ام عبدالله والله من يوم دخلت التامن مرا وحده خرجت طفشاااانه
بس دحينا عند اهلي الحمدلله

والله يكرمك الاسهال ادا بزياده راجعي ادا بشكل معقول عادي

دادو
مرا ماافكر اخدها وزوجي جداً جداً رافض يمكن الكمام أخده

اجوان
ياقلبي انا عليكي والله زي ماقالت دادو الهرجه كلها نفسيه انا عندهم وطفشانه
ومدري ايش اسوي



دادو

انا العصر كنت ابغا الدكتوره عشان نتايج التحاليل الا موعدها بس الصباح بابا قالي لاتلخبطي نفسك استقري عند وحده والله يعينني ع صباح بكرا

[مشاعل القحطاني]

مسا الخير صبايا
بصراحه وحشتوني بس ماالقا وقت للنت يا نووووم يا قاعده افكر ذبحني هالتفكير


باسالكم سؤال الي تعرف مكان توزيعات ولاده بالخبر تقوللي
وحابه مره نتكلم في توزيعات كل وحده ونشوف وش بتسوي ونشوف افكاركم
انا الى الان مفكره في كوكيز بيت الساحره وقطع براونيز صغيره اسعارهم حلوه وكمياتهم بعد احلى
وباقي افكر اسوي شي سبيشل الله يخلي مشوار الي بالسويكت
على فكره مااحب التبذير انا مره خصوصها بهالاشياء
حتى لو كان فيرست بيبي باسوي شي مرتب وسبيشل ومو مكلف


ثاني شي باقوله
انا مدري قلتلكم شغالتي هربت حسبي الله عليها يارب صارلها الحين اسبوع وعليها
سكرت جوالها وطلعت لاكن اقامتها عندي وجوازها

والله يابنات ثم والله ان زوجي قبل امس جا يفتح الفواحه الاوتوماتيك عشان يقيس الدار بيجون يصبغون بكره غرفت البيبي وفتح الفواحه ولقا فيها سحر يابنات فيه صورته وفيه ابر ودبابيس حاطه دبوس في قلبه والثاني في ركبته والثالث تكرمون في العضو ومقطعه من ملابسي الداخليه وحاطه فلوس وخرابيط وكلام اندنوسي كثير مااقول غير حسبي الله عليها الله ينصرني عليها يارب


عسله مو لازم تحبي خذيلك كل يوم عجينه واقعدي اتركبي زي كانك بين السجدتين وافردي العجينه صديقتي حامل وداخله الثامن صارلها اسبوعين مثلي يعين وسوتها وكلها اربعه ايام وقلب البيبي وحماتي قلب لها البيبي في التاسع

مممم بنات ليه تاخذون ابر في الظهر وبنج ترى السالفه مايبيلها ابد
كلها مغص والباقي ماراح تحسو فيه باذن الله الابر هذي خطيره ترى اخويه دكتور في التخدير والبنج والله يقول ترى هذي مره خطيره ولو مااثرت عليكي الحين بعدين يطلع تاثيرها

ليه قال الرسول اللهم صلي وسلم عليه:
قال امك قال امك قال امك وكرررها من الي تحس فيه االام خليكي عالتمر والمويه والاذكار وادعيت تسهيل الولاده وايات تسهيل الولاده باذن الله وماعليكم شي
صدقوني لو ماحسيتو بهااللالم البسيط ماراح تتلذذون بعدين بشي
امنو بكل ماقضاه الله وقدره عليكم وتوكلو على الله والله ماراح تنخذلون
ربي ييسر ولادتنا جميع ويرزقنا بهم معافين ويرزقنا برهم ويجعلهم قره اعيننا امين يارب

اهلا وسهلا بالبنات الجدد

[عسله]

حسبي الله ونعم الوكيل فيها من شغاله
الله يحفظكم من كيدها

التوزيعات
دايم يسون شوكولا
انا ان شاءالله كب كيك شوفتو عندنا رهييييب ع الاخر لون الأزق مسنين عليه حركتات
ومجسمات

بس للسابع لان تبارك الرحمن ضيوف ماما كتييييييير
وان شاءالله لادخلت من جهازي بوريكم صور لتزين الغرفه حسويها
نعومي مابغا عفش وزحمه

[عسله]

ان شاءالله بجربها واسويها
الفلبينيات اللي عند زوجي في المستشفى قالوله
خليها تمشي مرا استغربت