دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[ثلجه فوشيه]

ايوا كتكوته الصواري حلووه القلعه ههههههه ترى هذا كنت دايما اروحو بس سبحان الله من يوم مافتح الردسي انضررب السوق مررا ماصار احد يجيه والله يابنات صرت اروح السووق فاااااااااضي الين دحين قفلو الجلسات اللي هناك سمعت وبيسوو سيتي ماكس فيه والله زماااان عنوو ..

[نلي خانم]

بسأل خالتي ساكنه بجده عنه شكله حلو من صوره في النت عجبني
أنا أحب الأندلس أستمتع فيه حتى زوجي مره يحبه حتى أهله أدمنوا عليه بسببنا أنا وزوجي

ياليت مكه فيها اسواق زي جده أحس محلاتنا محدوده والماركات نفسها في كل سوق ماتتغير بس يقولوا في سوق بيفتح أعتقد جنب الأسكان ماأعرف انا أضيع في ذاك المكان بس أتمنى يجيبوا محلات جديده فيه

[ثلجه فوشيه]

قلت لك نلي على طررريق الملك عبدالله الردسي مايضيع مررررا
انا ماعمررري رحت الأندلس بس أروح الصيرفي ادخل مطعم تحت اسمو ماق آند بين وااااااو زمان عنوو ..

[اموورة وكتكوتة]

عجبتك القلعة والله هوه يشبهها

من جد ما احد صار يروحلو كلهم الردسي مول

بس مجمع العرب اكبر من الردسي وفيه ماركات اول مره اسمع عنها..

[نلي خانم]

ثلجه شوفيكي انتي اللي جالسه تجيبي سيرة الأكل والمطاعم مو أنا بريئه

[ثلجه فوشيه]

حتى مجمع العرب نايس دخلتو كم مره بس مدري ليش احس الردسي احلى
وصحيح مجمع العرب مآركات فظيعه ..

بنات دحين دي الاسواق احسن من الضيافه والحجاز والمجاز ؟؟
ههههههههههههههه خلينا على مكتنا ههههههههههههههه

[نلي خانم]

الدكتور يقول الأسبوع الجاي يقرر أذا ما سوا لي ربط راح يخليني أروح جده والله مشتاقه للبحر والتماشي زمان عنهم

[اموورة وكتكوتة]

مررة بريئة نلي مسكينة حزنتيني.. الله يستر بس يقولو الهدوء الذي يسبق العاصفة

انا المجاز طفشت منو لانو دايما اروحو لانو قريب بس الضيافة يعجبني لانو مكان الالعاب كدة لحالو يعني ما تسمعي دوشة مو زي الحجاز

[اموورة وكتكوتة]

نلي لا تروحي جدة لا تغامري حبيبتي
اتحملي لما تصيري بالخامس روحي واتمشي وسوي اللي تبغيه

ترا المشوار والمسافة مو قليلة..

[نلي خانم]

أموره وكتوته
ماعليك حتى أذا سمح لي ماراح أنزل جده ألا على الخامس

بنات زوجي جاء ويبغى الكمبيوتر شويه أرجع أدخل
بروح أكل تمر هندي الحامض أذا ماتعرفوه أحط لكم صورته وجاب لي زوجي شيبس بحط عليه شطه وبستمتع أمممممممممم
شوي أرجع