تجمع حوامل ليبيا

[سورينام]

لولي كيف حالك وكيف حال البنوتة ربي يحفظها

[لولى2010]

عيون نحن الجو حمو مش عادى توصل درجه الحرارة ل58 وماتقدريش تطلعى بكل منها

[لولى2010]

سورينام الله يسلمك كويسه ولله الحمد

[لولى2010]

سورينام انت فى اى شهر توه حتى انا عنيت منها اللقطه هدى فى حملى لانه فارسي وولدت قيصريه فى اخر اسبوع فى التامن

[سورينام]

لولي .. انا في نهاية الثامن ومازال يومين والا 3 ونخش لشهري انشاالله

[ام روفيدة]

سورينام ردي بالك ترقدي على الجنب اليمين خليك ديمة على اليسارلأن عندي أختي صار لها نفس حالتك الجنين فارسي وسبب لها ضغط على المرارة وبدت أي شيء تاكله ترجعه ودارو لها عملية على المرارة بعد الولادة الله يحفظك حاولي ديمة ترقدي على الجنب اليسار

[سورينام]

الله يبارك فيك عالنصيحة يا أم رفيدة.. أصلا سبحان الله اني ما نرتاح الا في النوم عاليسار ... لكن أغلب التعب في النهار وضيق التنفس حتى واني واقفة

[سورينام]

ام روفيدة ولولي وكل حد موجود فيالتجمع حاليا .. اني نستأذنكم ونقوللكم تصبحو على الف خير واحلام سعيدة .. اني بنمشي نرقد ساره من بكري وهيا تنقنق سلامتها
أم رفيدة انشاالله الليلة تكوني في صالة الولادة على خير وسلامة ياااااااارب

[ام روفيدة]

وإنت من أهل الخير لكن يا وخيتي شكله مازال بكري على صالة الولادة هههههههههههههه

[ام روفيدة]

يا وخياتي فقدنا لمتكم وينك يا سمحة وينك يا حبل الوصل وينك يا ميرنا وينك يا ام اسيل وينك يا ميمونة إن شاء الله المانع خير