دردشة بنات ليبيا , دردشة حوامل ليبيا , تجمع بنات ليبيا

أم أجنادين 80 · 09-10-2012, 01:06 AM

والله كلامك جواهر وعبر وحكم
لن انسي ماتقولينه اثري الصراحه ليك اسلوب في توصيل الفكرة وتوضيحها رائع جدا
ياريت لو أمرك يهمها تزيدي توضحيلنا الكثير من الامور الدين التي نكون قد نجهلها حتي لو كنا مسلمات
" ووحده وحده عليا وان شاء الله راح نتغلب علي نفسي الأمارة بالسوء ؟

أثري في مدادي · 09-10-2012, 01:07 AM

اقتباس:

المشاركة الأصلية كتبت بواسطة أم أجنادين 80

والله البنـــــــوتات يجننوا
بنت خالي قريب نبلعها مانقدرش نقاوم حلاوة وبراءة البنات الصغار
لو ربي رزقني ببنية ان شاء الله بنسميها اجنادين

ياربي تشوفي " أجنادين " بحضنك يااااااااااااااااااااارب

شن رايك تمشي للدكتورة سكينة ،،،، عندي عمولة نديرلها في دعاااااااااااية ههههههههههههههه

اقتباس:

المشاركة الأصلية كتبت بواسطة أم أجنادين 80

موقع لتحميل المصحف الإلكتروني الفلاشي
quranflash :: قسم التحميل

صحيتي يا غالية ،،،،

اقتباس:

المشاركة الأصلية كتبت بواسطة أم أجنادين 80

يابنات من خاتمة القرآن
والله عندي رغبة شديدة نبدأ نحفظ حتي بروحي في الحوش
فياريت يلي خاتمة اديرلنا برنامج للحفظ
كل يوم تعطينا سورة نحفظوها

الحمد لله أني خاتمة ،،،، وهذا من فضل ربي ،،، ومن حكم تاخر إنجابي والله أعلم
العام اللي ختمت فيه اللي بعده حملت ،،،،
لكن مدارسة القرآن يا أم أجنادين لابد أن تكون بالمشافهة ،،، أي وجها لوجه ،،،،

وأضعف الأيمان سماعي كي تصحح أخطاء التلاوة وأحكام التجويد ،،،، لايمكن التسميع العرض كتابيا ،،،،مثلا

فلابد أن يتلو المعلم ثم يعيد الطالب ،،، مع التصحيح لمخارج الحروف والأحكام

ألا يوجد بجواركم جامع يعلم فيه القرآن ؟؟؟؟؟

أم أجنادين 80 · 09-10-2012, 01:13 AM

موجود وبكثرة مالقيتش من تشجعني وتمشي معاي
فكرت اندور في النت لوفيه تعليم وتحفيظ صوتي

أثري في مدادي · 09-10-2012, 01:23 AM

اقتباس:

المشاركة الأصلية كتبت بواسطة سوما ليبيا

اثري من وين شريت لبس للعروسة وشن شريتي
أني نحس في روحي حاية توا كيف بديت نحس ان الموضوع بجديات

لو تعرفي محلات كويسة قولليلي لأنب بنبدا نجهز بالوسع

اصبري شوية " سوما " نين يبان جنس البيبي أفضل ،،، مش حلو شراء المحايد ،،، ممل شوية ،،،
وبعدين حاولي تصطادي لبس الماركة وقت التخفيض ،،،
لأنك بكرية ،،، وبقية الذرية في الطريق إن شاء الله ،،،
فلما تشري حاجة ماركة " مش أي ماركة " تعيش ،، وتلبسيها لأخوانه حتى ؟؟؟

الحقيقة أني " علاوي " جي بعد تسع سنوات إنتظار ،،، فكل متعلقاته من ملابس إلى تنظيف إلى أدواته الأخرى " سريره مشايه قعمازه كروسته وووووووو
كلها من " تشيكو "
رووووووووووووووووووعة ،،،، حاجته متاع عــــــــــــــــمــــــــــــــــــــر الله يبارك
وخداها بعده أخوه من الرضاع ،،،، وتوا خدت بنت أختي منهم حاجات لولدها قتلي :
خالتي هاذو كأنهم جدد ؟؟؟؟
والحق نوعي نحافظ هلبة ونغسل فيهم حوايجه علي يدي ،،، ونحارب في البقع دوما بالوركينا الملونة الطليانية ،،،، مش عادية ،،،،
وتعرفي مرة شريتله بدلة العيد من " تشيكو "
ولما غسلتها طلقت علي بعضها """" انصدمت """"""""
رفعتها بعد العيد للمحل وقتله :
أني امتى نشري من ، مش باش يقولوا تشري من تشيكو ،،، لا وإنما بحثا عن الجودة في الملابس ،،، وتفاجأت بأن البدلة اللي لبسها ولدي مرة وحدة ألوانها خشت بعضها ؟؟؟؟؟
دار إتصالاته وبعدين قاللي :سامحينا مدام ،،، وتفضلي بثمن البدلة خودي أي شئ تبيه من المحل ،،،،،
والفرصة أنه كان مداير تخفيض على الشتوي وحني في بداية الصقع ،،،،
خديتله حويجات يهبلوا ،،،،،،،،،،،،،،،، وروحت ،،،،،،،،،،،،،،،،،،،

دهشت من الدوة

أم أجنادين 80 · 09-10-2012, 01:31 AM

يامدامات تريبولي ,,
الجلوة يلبسوا في فرمة البدلة الكبيرة عليها وتحتها البلوزة متاع البدلة الكبيرة
ويلبس عليها الفضة بنفس الطريقة متاع الصدرة

أثري في مدادي · 09-10-2012, 01:37 AM

اقتباس:

المشاركة الأصلية كتبت بواسطة أم أجنادين 80

والله كلامك جواهر وعبر وحكم
لن انسي ماتقولينه اثري الصراحه ليك اسلوب في توصيل الفكرة وتوضيحها رائع جدا
ياريت لو أمرك يهمها تزيدي توضحيلنا الكثير من الامور الدين التي نكون قد نجهلها حتي لو كنا مسلمات
" ووحده وحده عليا وان شاء الله راح نتغلب علي نفسي الأمارة بالسوء ؟

إنت اللي تهبلــــــــــــــــــــــــــــــــــــي ،،،،
الله يبارك عليك

متفائلتلك بمستقبل أكثر من راااااااااااااااااااااااااااااااااااااااااائع

وإن شاء الله تشوفي مايسر عينك

بالنسبة لحفظ القرآن ::::

نصيحة من محبـــــــــــــــــــة
ما تراجيش حد يسايرك ،،،، توكلي على الله واعقدي العزم و........................

انطلقي

وستذوقين طعم ونكهة جديدة لحياتك مع آيات الله ،،،،،،،،،،،،،،،،

واغتنمي فرصة تفرغك قبل قدوووووووووووووم أجنادين

تعرفي أي وحدة من صحباتي تبي تمشي للجامع ومترددة ،،،،

لازم نسقلها زيارة مع وقت الجامع وين ما كانت ،،، ونمشي معاها للمسجد ، حتى أني مانعرفاش ،،،لكن نبي الأجر يوصلي كل ما تمشي تقرا ،،،،

ونخش على الشيخة ونقعمز معاها وبعدين خلاص انخليها ،،،،،

هي رابحة وأني معاها ،،،،،،،،،،، حتى قريبتي في بنغازي ،،،، في جرتها في جرتها نين التحقت بالخلوة بحداهم ،،،، قتلي من مدة يومين :
تعرفي وليت " هناء " ثانية بعد اجتهادي في حفظ قرآنـــــــــــــــــــــــــــــي

فلتعقدي العزم وتنطلقي ،،،،،،،،،،،،،،،،،،،،،،،،،،،،،،

سوما ليبيا · 09-10-2012, 01:38 AM

اوخيتي اثري اني قتلي الدكتورة ولد هدا ليش بديت نفكر نجهز بكري لن ولادتي بإذن الله وكان ربي سخرلي فيه فالشتا يعني في عز الصقع هدا ليش نبي نوتي بكري بكري

أثري في مدادي · 09-10-2012, 01:39 AM

هيا تواااااااااااااااااااااااااا بالسلامة ،،،،،،،،،،،،،،

زوزي روح ،،،،، وبنلهى بيه

السلام عليكم ورحمة الله

أم أجنادين 80 · 09-10-2012, 01:54 AM

للحديث بقية أثري
تصبحوا علي خير

سوما ليبيا · 09-10-2012, 01:49 PM

صباااااااااااااااااااااااح الخيرررررررررررررررررررررررررررررررررررر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
تجمع حوامل ليبيا	ميرنا	إستفسارات حوامل من الشهر السابع إلى الشهر التاسع	21344	01-02-2012 10:29 PM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
شجرة تجمع حوامل ليبيا	أم أجنادين 80	إستفسارات حوامل من الشهر السابع إلى الشهر التاسع	6	12-19-2011 10:44 PM