تجمع حوامل سوريا-دردشة ورود سوريا-دردشة الغاليات

[رنووومة]

سروؤة يا قلبي الله يسهلها وراقها لامك وتفرحين بوجودها جنبك يا رب

[silla]

لك تسلميييييييييلي يارنومة الله يطمنا عليك ويفرحنا بقيامك بالسلامة انت والبيبي الامور الله يفرح قلبك بشوفتو بخير يارب
ويهون عليك العملية وان شالله بتكون اسهل ولادة عليكي الهي يارب

[رنووومة]

الله يسمع منك والله كثير حاسة بالثقل وحاسة البيبي كثير تحت وبطني هابط بدرجة كبيرة الله يسهلها يا رب ليي ولكم ولكل الحوامل

[silla]

طيب حتى وقت تكوني قاعدة بتحسي بالتقل؟؟؟

[سرووءة]

عبورة عنجد عم تحكي
ان حتفتح السبت ياااارب
والهل فرحتيني وعطيتيني امل كبيييييييييير
بعد مافقدت الامل
عنجد تاكدي من الخبر وخبريني
الله يفرح قلبك يارب

سيلا
عنجد الوضع غريب
بس ان شفتي الاحم احم هههههههه خلص معناتا
بس عكلن تاكدي المرة الجاية
وكل مارحتي رجعي تاكدي
ولاتجهزي شي هلا لتتاكدي
والله يرزقكم يلي ببالك
ودخلك زوجك شو عمل لما عرف انو صبي
ههههههههه

[silla]

اسكتي والله ياسروءة
متل فرحتو وقت كانت بنت نفس الشي واتاريني انا حساسة زيادة
بس بربي من حكي العالم وبعد ماعشت ع انها بنت شهر كامل وحكيتها ورفستني
والله انا كنت فرحانة فيها
بس اللي كنت خايفة منو ردة فعل الاهل قولي اهلي معاهن حق لانو امي الله مارزقها صبي ومناها جيب صبي بتعرفي مااغلى من الولد الا ولد الولد ... وكل تلفون بتقلي كيفو هالازعر بقلها بلكي كيفها بتقلي ان شالله كيفو .. وقت تقول هيك قول بيني وبين حالي كيف بدي قلها بنت وازا حسيتها زعلت رح ازعل ومابدي حدا يضيع علي فرحتي بهالبيبي حتى لو امي
وكلن يحكو مع جوزي يقلولو كيفو ابنكم وان شالله صبي هالحكي لحالو يجلطني ..
وجوزي بعدين صارحتو لان بقيت اسبوع ابكي لان كنت انا الهبولة مفكرتو مافرحان لانو بنت طلع فرحان وعين الله عليه وقالي والله انا هيك طبعي والله لو كان صبي نفس الشي ماصدقتو لحتى من كام يوم صورت وكان معي لان رحت ع مستوصف تاني بفوت جوزي اي قدامي راقبتو عاااادي بالاول اتفاجئ لانو كنا عايشين ع اساس انها بنوتة وهلئ قلبت هههههه
قولي بعد الشوفة اللي شفتها مو لازم شك هههههه لان قعدتو كانت غيييير شكل ازعررررر كتير ههههه
بس كمان رح اتاكد بنص الخامس وبعدين بقول للعالم
شوو رايك انت ؟؟؟ ولا بقول من هلئ؟؟

[silla]

والله حاسة فيكي منشان امك ........ يااااااااااااااااااااااااارب ياااااااااااااااااارب تتيسر جيتها

والله انا من هلئ اكلة هم ماتجي
لا وشووووو حماتي سانة سنانها ع الجية لعندي ع ولادتي وانا مستحيل يعني بعرف نفسيتي حتكون بتقرف ازا مو امي اجت جنبي وبتعرفو الام بتتحمل لو اتنتورت فيها وقت الطلق او وقت اتوجع او اي شي بعدين اما حماتي !!!
والله ساعتها مارح افضى دللها
ولا ضبضب بالبيت واطبخلها اكلات لان هي بتموت بالدلال وبهالحالة مارح اقدر دللها ابداااا وهيك ممكن تحكي علي وتقول مايصة او دلوعة او ايييييي شي من هالحكي فياامي يا لا

عنجد عم انقهر منها تقولو ماعندي ام كلما تحكي معي او مع جوزي بتقلنا ع الجية اي شو بلش اشتري غراض واواعي للبيبي .. تقولو متاكدة رح نجيبها اقسم بالله مقهورة منها مع انو هي مع بناتها دايما وبكل شي طيب وانا بحب امي تكون معي شو هالانانية بدها كل شي الها
من لما كانت عندي بزيارتها تقلي ابوكي ما بيسمح لامك بالجية وقت ولادتك اكيد وتقولها بشماته حسها لان بابا شوي صعب وماما عندها اخواتي صغار

[سرووءة]

سلولة
منيح طلعتي ظالمة زوجك هههههه
يلا انتي لاتخبري حدا لتتاكدي احسن
ومشان امي اي والله كتير نفسي تكون جنبي
والله اد ماكانو الحناين حوليكي بضل الام غير
لان في شغلات الوحدة بتستحي من الناس بس امها ماحتستحي منها
وكمان متل ماقلتي مثلا بكون تعبانة بخجل قول انا تعبانة وعم يوجعني شي
بدي اضطر ساير اما اذا امي موجودة
بقول ومابهمني
وانا حابة امي تكون لان هاد اول حفيدة الها
والله اليوم صرت ابكي حسيت ان عنجد تسكرت بوجهي وان ماراح تجي
بس بعدين قلت الله كريم
واذا الله كاتبلها تجي راح تجي
يارب
وانت انشالله من هون لولادتك بتكون فرجت عنا بسوريا وبتنزلي انت عالشام بتولدي هنيك
ياارب الله يسرلنا الخير

[jorri sham]

سروءة عقلبك انتو الكن عزيمة خاصة
سيلا لاتعبي حالك بنقله عمهلك ماوراكي شي لانو لساكي بأول حملك تعب عليكي
وعادي كتير ناس حوامل بيخربطو بشوفة بنت ولا ولد انتي استني للسادس او السابع بيكون واضح بأذن الله بس
ومشان شوفه الحوض اي في دكاترة شاطرين بيحددو وبيشوفو وسع الحوض لا مو شرط تكون وحده سمينه ولا نحيفه على حسب كل وحده وحوضها امي ماشالله صحتها منيحة كتير ولاداتها قيصري لانو حوضها دييئ
اسفة حكيت كتير حبيت وضحلكك والله يسلمك على يزونة والله وقت شفتو صرت اصرخ بأعلى صوتي لجوزي منيح كان معي بلبيت حسيت حالي بحلم من قوه الصوت الله يجيرو هطفل بس

[silla]

يسلموووو جوووري حبيبتي
والله ماكان عندي فكرة بخصوص الحوض نهائيا الله يستر ويطلع حوضي منيح واقدر اولد طبيعي يارب
ويلا سلامتو ليزونة مرة تانية والله الاطفال بتصير معهن هيك قصص كتير عنجد انا بالنسبة الي متلك بزقزق وبولول وبس ههههه
مارح اعرف اتصرف بس يلا معي معي الا مااعرف انشالله وانت كمان .. بدها قوة قلب الشغلة


وعالنقلة والله شوي شوي اصلا مابسخى عرضولحملي للخطر قلبي متعلق فيه والله من هالحركات والترفيسات طاقق عقلي ..
بس انو امت بدي اخلص من كلمة لساتك باول شهور حملك ههههه
صرت بالخامس ع سن ورمح هههههه الله يكملها بالخير وتجي امي يارب

سروءة خلص والله حطيتك ببالي كلما ادعي لامي تجي رح ادعي بتيسير جية امك
وانشالله انشالله يااااااارب بتجي مابعرف ليش اتفائلت بعد ماقالت عبورة رح تفتح السبت ان شالله يكون هالحكي صحيح الله يفرح قلبك يارب بجيتها وبوجودها جنبك يااااااااارب
ويارب بازن الله امي بتكون بشهر 8 عندي يارب وليييييييييي بتعرفو ولادتي حتكون انشالله باخرر رمضان !!!!! وااااااااااع