دردشة حوامل مصر - دردشة بنات مصر - تجمع حوامل مصر ‏

[somia]

معلشي اتأخرت عليكي .. انا ابتديت من الرابع تقريبا وكان جوزي عايز نستنى للاخر بس ستر ربنا اننا ما استنيناش لاني جيت من السابع ومكنتش بقدر اخرج وزي ما انتي عارفة ولدت في التامن وعايزة اقولك ان فيه حاجات نقصاني كمان

[malak ahmed]

ولولوووو كمان ... اخبارك ايه يارب تيجي تطمنيني عليكي انتي ومحمد لانك وحشاني اوى .. ربنا يحميه ويخليه

[malak ahmed]

اكيد يا سمسم هتكون فيه حاجات ناقصاكي لان ولادتك جت فجأه .. بس معلش شوفي الناقص وجيبيه اهم حاجه انك كنتي مجهزة ليها شويه حاجات م الاول

[somia]

لولووووووووووووووووووووووووووو وحشاني قوييييييييييييييييييييييي ..
انتي بتدي محمد صناعي ليه يا بنتي؟؟؟

[malak ahmed]

هي ساره بتدخل تسال مين هنا وبتخرج ومش بتيجي تاني ليه ؟؟؟

[dr.princess]

سمية سارة ملك ازيكم يا قمرات

سمية اللبن بتاعى قليل بيفضل يصرخ من الجوع ومش بينام طبعا بسبب كده لما كان قلبى بتقطع عليه وكنت رافضة خالص الصناعى ده بس ما باليد حيلة

[somia]

والله يا بنتي ربنا قدر ولطف وباذن الله اول ما اقدر امشي وكده واحس اني احسن هشوف ايه الناقص واجيبه باذن الله تعالى

[somia]

لولو انا كنت كده زيك في الاول مع ان انا اصلا الدكتور قايلي على صناعي عشان الوزن وانا اصلا اللبن ما نزليش غير سادس يوم تقريبا والسرسوب برضه اتأخر عليا بس انتي اديله صدرك علطول لان مصه هوه اللي بيدر اللبن وعليكي بشرب المية والحلبة وحبها كثييييييييييييييييييييييير هتلاقي باذن واحد كريم لبنك يشبعه وخلي بالك الى ذلك الحين متديش صناعي الا وجبه واحدة في اليوم عشان مايستسهلشي البيبرونة ويستصعب صدرك واما تديله صدرك وهوه في بقه حاولي تعصريه في بقه عشان يسهله الوضع والام الرضاعة تبقى اخف ..
صدرك عامل ايه الوقتي؟؟؟

[somia]

صحيح يا جماعة محدش يعرف سمر ولدت ولا ولسة ؟؟
وملك ؟؟؟

[malak ahmed]

الحمد لله يا لولو انا تمام .. انتي اخبارك ايه انتي ومحمد

بقولك مش تعوديه اوي عالرضعه بردو وحاولي انتي تاكلي حاجات مدره للبن لان زي مانتي عارفه لبنك افيد ليه اوووووى عن الصناعي وكل الدكاتره بينصحو بالرضاعه الطبيعيه لان اللبن الصناعي بينفخ العيال .. اختي بردو كانت بتديه لابنها اول ما الدكتور قالها كده منعته

ربنا يحميه ياااااارب ويخليهوووولك ويدرلك لبنك ومش تحتاجي لرضعه تاني