تجمع الحوامل اللي ولادتهم في صفر 1434هِ

[ياهم ربي كبير]

بنات انا متحمسة حق التجهيز بعد بس مادري بشو ابدأ ..
وبنت خالتي نصحتني ما اشتري وايد ، لان البيبي بيكبر بسرعة ورح يحتاج كل فترة تشترينه شيء ..

[ياهم ربي كبير]

بنات باقي لي يومين وادخل السادس .. هيه هيه هيه السادس يابنات وصل .. :)
عقبال نوصل كلنا للتاسع يارب بصحة وعافية

[مهرة]

امين يا زينب ومشكوره كثير
اروي انتي روحي السوق ووشوفي واايش يحتاج البيبي ومو بس ملابس وزي ماقالت زينب لاتكثري ملابس واذ حابه تكثري اشتري حجم اكبر
انا راح اقولكم كل شي راح اخذه وبنستفيد من بعض وانتوا كمان اي وحده تجهيز تعلمني حتي ماينقصنا شي

[ام الـولـيـد]

مهره حبيبتي بالنسبه للحرقان

كلي بعد السحور حبة موزه سبحان الله اول الصيام كنت اتبهثل

من غثيان وحرقان وعطش اللهم لك الحمد ويعظم الاجر يارب

ومن بعد ماصرت اخذ الموز مع السحور ارتحت كثير

وحبيبتي زينب بالنسبه للكريم تبع لتشققات ذكرتيني الدكتوره صرفت لي كريم افالون البنفسجي

وصرفت لي كريم لحلمة الصدر

انا استخدمته امس الكريم سويت مساج بسيط

وبالنسبه لتجهيزات النونو انا صراحه ببنتي كنت اشتري كل شيء يعجبني

ولكن اللحين تحسفت لان اغلب لبسها كانت تلبسه مره او مرتين

سبحان الله الطفل من يوم يولد لحد عمر ست شهور

وجسمه يتغير لان يتطور ويكبر بسرعه

انا اول ماعرفت اني حامل طلعت لبس بنتي كامل يوم هي صغيره

وطلعت الالوان المحايده بكيس والناتي بكيس

اوفر على نفسي

قلت اذا حامل بولد بيكون اطلع الكيس المحايد

واذا حامل ببنت اطلع لهم كلهم

والحمدلله حامل بولد ان شاء الله

[ياهم ربي كبير]

مهرة بنتظر ردك علينا خاصة البكريات مثلي :)
انا متحمسة حق الشوبينغ ، مع اني احس انه شوي بكير صح ؟ يعني مو احسن نستنى ندخل السابع ؟
انا الوالدة لما اكلمها عن لبس النونو تقولي بكييير على هالكلام لسا مادخلتي السادس!


أم الوليد تسلمين حبيبتي ع الرد
سبحان الله بجرب الموز ، انا اموت بالموز اصلا ههههههه
وقلتي كريم للحلمات ، شو يسوي هالكريم ؟
وفعلا البيبي بيكبر بسرعة ، احسن نشتريله شوي شوي ، مثلا كل شهرين نشتريله شيء وهكذا ..

[ام الـولـيـد]

هلا زينب كريم الحلمات لازم ترطبينها لان بعد الولاده تبدأ تعذبك خاصتا وقت الرضاعه الطبيعيه

انا من يوم دخلت السابع تعذبت منها على انو كنت ارطبها بزيت الزيتون

بس تصير جلد ميت يعني يابس ولازم يطيح

مثل الشفايف لما تصير يابس ولازم تزيلينها

واللي عذبني اكثر وقت الرضاعه لان وقت الرضاعه لازم تنظفين الحلمه حتى ما يقطع الجلد الطفل ويبلعه

فحلمة الصدر يبيلها عنايه اكثر من التشققات

اتمنى افدتك زينب وباقي البنات

[ياهم ربي كبير]

فعلا استفدت منك لانها اول مرة اسمع بهالمعلومة يعطيكي الف عافية ام الوليد :)
بس حبيت استفسر شوي كمان ، معلش بصدعك معايا ، حبيت اسألك من متى لازم ابدأ؟ يعني الحين ولا لما اقرب على التاسع ؟؟ وشو نوع الكريم اللي تستعملينه ؟
وسؤال ثالث بس غريب شوي، الحلمة بتكون داكنه وكبيرة كذا حتى بعد الولادة ؟ ولا بعد الولادة بيتغير حجمها وشكلها ؟ سوري كثرت عليكي الاسئلة ، واشكرك مقدما :)

[مهرة]

اهلين ام الوليد شكرا ع المعلومه
بالنسبه لتشققات البطن او جفاف الحلمه حق الصدر الحمدلله هالشي مايصير معي ولا اعرفه ويمكن مايصير مع كل الحوامل

بس كل وحده تاخذ احتايطها

[مهرة]

زينب بالنسبه للتجهيز انتي ابدي روحي السوق بس تشوفين الملابس راح تعرفي كيف تبدي بتكونين بحيره لانه اول مره هههه الله يعين

[ياهم ربي كبير]

يوووه معناتها شكلي رح احتاااااار
لانه اول مرة ههههههههه
اخاف اخذ المحل كله من الحماس خخخخخخ