.·¤ تجمع الحوامل اللي ولادتهم في محرم¤·.

[Marawy]

غلادنس..
ربي يسهلها عليج ياارب وعلينا.. والتحجر اااه يا التحجر :(
وربي عذااب.. كل حركتها بنتي تحجر في تحجر.. اوقات كثيره اصحى من النوم على تحجر قوي يألم ويخوفني..
بس زين قلتي لي انه يدل على طلق.. عشان لو رحت موعدي بكره اطلب يسوون لي تخطيط ويشوفون لو فيه طلق.. لاني تعبت نفسيا من الالم والتحجر واحس حياتي تمشي بطييييييئه.. الله يعيننا بس..
وان شاء الله البنات يفيدونج بخصوص المستشفى.. ويرضون يدخلون زوجج..

[Marawy]

غايتي الجنه..
ربي يصبرنا.. انا عندي اصوات واستغربت منها.. احس ظهري بيتفكك ولما اقعد ع الحمام الله يعزج او اقعد ع الارض احس بصوت مثل الهوا بس بداخلي.. واكثر شي في ظهري.. مدري شنو هذا.. ان شاء الله البنات يفيدونا..
لما سألت امي قالت هذا لان البيبي ممكن تنزل تحت وتضغط فتطلع هالاصوات.. بس هي عادي تجي قبل الولاده وتقول انتي يتراوالج انها تنسمع.. بس هي ما تنسمع انتي تحسين فيها بس..

[Marawy]

جالكسي..
الحمدلله تطمنتي.. الحكومي معاملتهم زفته.. والله ما تتوقعين شي عدل منهم الا نادرا..
انا خوفي بكره اروح موعدي وماترضى تكشف علي نفس اخر مره.. والله يقهرون.. وكل ما قلت لها احس بألم تقول عادي عادي انتي الحين قربتي تولدين لازم تحسين بألم..! طيب اكشفي والا سوي تخطيط يالعله!!
الله يعيننا عليهم ويصبرنا بس.. محد بيجلطنا غيرهم..

توكلي على الله واذا دقات قلب البيبي فيها ضعف لا تشربين القرفه.. ممكن ما تناسبج.. اشربي كف مريم افضل.. ولما تكشف عليج بالموعد الجاي وتقول لج الرحم مفتوح اشربي قرفه.. وربي يكتب لج اللي فيه الخير ياقلبي..

[Marawy]

مشاعل..
فديتج الحمدلله ع السلامه.. وان شاء الله اليوم تنور البيت الكتكوته الصغنونه.. وماعليها الا العافيه.. وش سميتيها ؟!

الم الظهر جاني امس واليوم الصبح اختفى.. يالله صبرني..

ياا قلبي حسيت نفسي مكانج في ولادتج.. الحمدلله رب العالمين.. وحسبي الله على هالدكتور الفاشل اللي نفسه شينه.. وش يحس فيه.!
الله يبعد هالاشكال عننا يارب.. كفايه الوجع والالم وهو جاس يتفلسف..!
وشجعتيني لابرة الظهر.. موعدي بكره ضروري اسأل لو يعطونها في المستشفى اللي بولد فيه.. ان شاء الله يعطونها.. واحس صارت لي قشعريره وانا اتخيل الموقف وشلون شفتيها اول مره برا بطنج.. يالله شي حلو ويبكي بنفس الوقت.. وانا اتخيل الموقف دمعت عيني وشلون لو صار الصج! احس مافي شي بيسكتني من الصياح.. لاني من الحين كله ابي ابكي.. هههه ربنا يسهل علينا.. واعراضج نفسها اعراضي.. بس اخر مره رحت الخاص قالت بحدود السانتي.. لكن فحصها المني وشفتها دخلت صبعين تقريبا.. مدري هو حسبتها صح والا لا! بكره موعدي بيبان ان شاء الله..

[Marawy]

نجلاء عمر..
ربي يسهل عليج ان شاء الله.. وممكن يكون الراس نزل لتحت عشان جي تحسين بهالالام.. ربي يقر عينج بشوفة النونو..

[همسات المشاعر]

انا ولادتي في 13\1\1434
ادعولي الله يسهل علي وعليكم

[مامة اولادي]

ام سلطان انا بخير الحمد لله على كل حال انتي كيفك

[غلادنس]

مراوي ربي يسهل عليج ان شاااء الله ... انا لما رحت لهم وانا بالثامن قلت لهم انه بطني دايم يتحجر واحس بمغص مثل الدوره ... لما سوو لي تخطيط طلع عندي طلق مبكر


همسات المشاعر

هانت ان شااااء الله ماباقي شي


صراحه انا بسبب الي مريت فيه من قلق ونفسيه تعبانه طول الحمل ... ارتحت نفسيا لما دخلت التاسع .... احسه احسن شهر مر علي ... لاني مو خايفه لا ع البيبي ولا خايفه من المسيمه

الف حمد وشكر لك يارب


بنات حاولوا تتحركوا وتمشوا في البيت او برا ... وتسوون حركه القرفصاااء ... خذوا عسل وتمر ورطب وبعدوا عن الاعشاب الثانيه ... ناس تنفعهم وناس تضرهم ولا هي نفس المفعول عند الكل

صج تعب وقل نوم والورووووك آه تخدر وقت النوم وغير كذا الحمام اخر الليل .... بس هانت تحملتوااا شهووووور ... تحملوا كم يوم عشان صحة وسلامه البيبي وعشان تكون ولادتكم سهله باذن الله

[مامة اولادي]

مراوي كيفك انتي سالت عنك العافيه انا متعبني التحجر والثقل اسفل البطن والنغزات ورحت قبل اسبوع موعدي وطلبت من الدكتور يكشف يشوف اذا الرحم مفتوح ما رضي يقول حجم الجنين صغير واخاف اذا كشفت تجيكي ولاده وانا اباكي تطولي شويه عشان نديه فرصه يكبر شويه لانه انا دايما اجيب اولادي صغار بس اتنين كيلو على قد اخلص التاسع بس ما ادري بطني ماتربي

[غلادنس]

المشاركة الأصلية كتبت بواسطة ام سلطان!

غلادنس

كيف الولاده بعسكري الظهران؟؟؟؟
وتعاملهم ومين يولدك؟؟ دكتوره او قابله

مامة اولادي كيفك

الولاده فيي العسكري الظهران رووووووووعه تحسي انج اميره صراحه ... معاملتهم حييييييييل حلوه واغلب ممرضاتهم افارقه بس اوووم الحنيه فيهم وعندهم صبر ع الوحده مايستعجلوها ابد

قعدت عندهم تقريبا يومين قبل اولد ... ولما يتغير الشفت تجي الممرضه وتقول انا الممرضه حقتج من الحين لحد ينتهي الشفت اي شي تبينه ناديني

غير كذا اكلهم نظيف وساخن وينوكل لذيذ يعني ....

واذا مانفتح عندج ماي الراس او شي مايفتحونه هم الا اذا فتح الرحم خميسه... ودايم يقولوا لج امشي مايسوون لاتحريض ولا بطيخ

يخلونج تولدي طبيعي طبيعي

الي ولدوني قابلات افارقه ثنتين .... لكن القسطره سوتها لي دكتوره ... والخياطه التجميليه هم سوتها لي دكتوره

يخلونج على راحتج في الولاده ومايعذبونج على ظهرج الا وقت الدفع ..

طريقتهم في الةلاده جداااااا مريحه .... نفس السرير العادي بس ينزلونه مكان تحت ...مايرفعون رجولج ابد يخلونج انتي تمسكي افخاذج وتدفعي ..غير كذا وقت التخطيط تكوني علئ جنب مو على ظهرج

وشنو بعددددد ... اي وقت الةلاده تكوني في وطعيه شبه جلووووس يعني تقدري تدفعي بسهوله غير لما تكوني على ظهرج


ومن الدلع الي شفته عندهم ... قلت لزوجي الةاحد يشتهي يولد كل سنه من معاملتهم الحلوه ..... مرت ملك سبحان الله حملت على بنتي بعد سنه بالضبط هههههههههه

انتبهوا تقولوا شي لما تولدوا هههههه