.·¤ تجمع الحوامل اللي ولادتهم في محرم¤·.

Marawy · 11-19-2012, 02:25 AM

نبعة الحب..
يااقلبي عليج.. والله قلبي عورني حسيت نفسي بنفس موقفج.. من حد شي يعور القلب.. الحمدلله على كل حال والحمدلله انج بخير وسلامه وولدج احمد بخير ربي يطمن قلبج عليه.. ان شاء الله كلها فتره ويكبر ويزيد وزنه.. وربي يبعد عنه كل شر ان شاء الله ويطلع معاكم للبيت وينوره لكم..

اثري في مدادي..
الحمدلله تطمنتي على البيبي.. عقبال تولدين بالسلامه ان شاء الله.. حبوب الباسكوبان هي نفسها الصغيره حيل اللي تنوكل لالام البطن والمغص؟ وشنو فايدتها؟!
وبالنسبه للحركه والله انا ما احسبها بالضبط.. بس مجرد لما اجي انام اقعد اتذكر الحركه واشوفها بشكل عام توصل للعشر او لا.. ما اعرف وشلون احسبها بصراحه..

Marawy · 11-19-2012, 02:26 AM

ام نور وحمود..
لا تخلين نفسج يالغلا مو زين.. لازم تروحين للمستشفى لان علىي كلام البنات ان العاشر خطير.. وممكن يسبب مشاكل للبيبي ولج.. توكلي على الله وروحي المستشفى وربي يكتب لج اللي فيه الخير يالغلا..

مريم محمد..
ربي يطمن قلبج ان شاء الله وتجين تطمنينا.. وان شاء الله ربي يسهل عليج وعلينا.. انا موعدي بعد بكره واتمنى الدكتوره تقول لي تنويم خلاص ولاده.. ودي اسمع هالجمله ههههه..

Marawy · 11-19-2012, 02:27 AM

انا المستحيل..
ماعليج شر ان شاء الله.. حاولي تشربين شاي دافي مع عسل.. والا روحي للصيدليه وخذي دوا للكحه.. عشان ما تبهدلج بالولاده والكمام.. ربي يبعد عنج كل شر يالغلا..

روان..
هههههههههه نفس تفكيري.. والله كل مره ادخل الحمام افكر اني لو اولد فيه.. وشلون ينادي حد من برا.. والا شلون بشيل البيبي هههههه اعيش الدور.. ومن جد خايفه يصير لي هالموقف لاني من وصلت التاسع واسمع عالسوالف واستغرب واقول معقوله! وشكلها بتصير لي عشان استوعب انه معقوله ههههههه.. الله يسهلها علينا..

Marawy · 11-19-2012, 02:28 AM

بنت تبوك..
فديتج.. اي والله انا بعد كل ما اذكر الوقت اللي قضيناه مع بعض وان خلاص قربنا نسكر التجمع احس بغصه وكأني ابي ابكي... والله انها ايام ما تتنسى.. بحلوها ومرها.. وجا اليوم اللي نشوف البشاير في التجمع.. وكل ما تجي وحده تبشرنا بولادتها تمر على بالي كل اللحظات اللي قضيناها والنونو كان في بطنها صغيرون.. سهرنا وصبحنا واشتكينا لبعض وضحكنا مع بعض.. ايام حلوه.. :(

ربي يفتحها عليج وتحصلين شغاله قبل تولدين.. لا تضايقين نفسج يالغلا.. ان شاء الله بتحصلين.. وكل تأخيره فيها خيره..

Marawy · 11-19-2012, 02:29 AM

حبي الوحيد..
ان شاء الله تكون الام لبداية طلق.. وربي يسهل عليج ان شاء الله وعلينا.. وملكتني كفت ووفت فديتها..

اميرة بعيون زوجها..
روحي لاهلج من الحين.. لان مو شرط الولاده تجي بنفس اليوم المحدد.. ممكن تجي قبل والا بعد الموعد..
ربي يسهلها عليج وعلينا..

Marawy · 11-19-2012, 02:29 AM

ملكتني..
فديتج ربي يسهل لج وييسر لج امورج مثل ما تيسرين علينا الولاده والالام اللي نحس فيها.. والله مافي حد يرفع من معنوياتي غيرج وغير كلامج..
ربي يوفقج ويجزيج كل اللي تتمنين ويعطيج على قد نيتج يارب.. وصدقتي كل شي قلتيه من خبره وصحيح 100 بالميه.. ومافي شي ماقلتيه وعلمتينا اياه الا وهو صح..

واكيد بنواسيج لين تولدين وتقومين بالسلامه.. انتي عزيزه وغاليه علينا كلنا..

Marawy · 11-19-2012, 02:30 AM

احب دادو..
كل وحده جسمها يختلف.. عادي مو شرط تحسين نفس اللي نحس فيه.. وحدة الالام تختلف من وحده للثانيه..
والحمدلله انج ماتحسين بالالام اللي احس فيها لانها من جد شي متعب.. الله يعين..

ام سلطان..
عادي يجيني هالالم واحس شي يدف من تحت وكأني حصرانه وابي اروح الحمام الله يعزج.. من بداية التاسع واليوم بزياده.. بس ما اشوف شي للحين.. بنتي مرتاحه ع الاخر وماناويه تشرف..
اشتقت لها ودي اطلعها اعطيها كف محترم هههه..
المشي والماي الدافي وكف مريم مو شرط الرحم مفتوح.. الخروع والقرفه اتوقع المفروض الرحم مفتوح والله اعلم.. ان شاء الله البنات يفيدونج..

Marawy · 11-19-2012, 02:31 AM

غايتي الجنه..
ربي يعيننا على النفسيه.. انا احس نفسي مليت من الروتين.. واحس كل شي يبكيني.. وودي ابكي مثل البيبي اوقات.. الله يسهل علينا ونرتاح..

مكحولة العين..
ربي يسهل عليج ولادتج وادعي لنا يالغلا..

ام التوينز..
ربنا يعين يالغاليه.. احس نفسي كبرت عشرين سنه قدام.. حتى قومتي ونومتي صارت صعبه.. احاول الهي نفسي بأي شي..
مشكووره حبيبتي ع المعلومات الحلوه.. تسلم يدج..

مووون..
هههههه ليش اخر ولاده؟ قولي لنا اكشن ولادتج اللي خلاج تقولين هالكلام.. عشان ما ننصدم ههههههه.. ربي يحفظ لج اصيل ان شاء الله..

ملكة بعيون زوجي..
تسلمين حبيبتي ربي يسمع منج ويسهل علينا..
ماعليج شر ان شاء الله طبيعي ومافيها هموسه الا العافيه..
اتوقع من التعب والشغل.. انا الحركه صارت توجعني وتحجر معظم الوقت وغير اني احس بضلوعها واعظامها الله يحفظها في بطني..
الله يسهل علينا قريب ان شاء الله..

نجلاء عمر · 11-19-2012, 02:56 AM

مبروك لكل اللي ولدوا ماشاء الله تباشير تسر الخاطر وتخلينا نتفائل انا بنهاية الثامن وتجيني أعراض نفس اللي تكتبوها تحجر وضغط اسفل البطن واحيانا الم بالرجل اليمين والظهر ياليت تفيدوني لأني ولادتي قيصري ان شاء الله

نجلاء عمر · 11-19-2012, 03:10 AM

نموا!!!!!!!!!؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ تجمع الحوامل اللي موعد ولادتهم في ذي الحجة 1433 ه ]	دلوعة وطيوبة	إستفسارات مرحلة الولادة	2858	11-18-2012 11:34 AM
● [ تجمع الحوامل اللي موعد ولادتهم في ذي القعدة 1433 ه ] ●	~ L o l a	إستفسارات مرحلة الولادة	2656	10-16-2012 02:07 PM
تجمع حوامل اللي موعد ولادتهم في شهر محرم 1433	غزاله شقرا	إستفسارات مرحلة الولادة	19214	05-15-2012 01:11 PM
تجمع الحوامل اللي ولادتهم بشهر ذو الحجة 1432.. الله يتمم علينا	ماما زوزو	إستفسارات مرحلة الولادة	10	02-03-2011 05:38 PM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM