دردشة حوامل مصر - دردشة بنات مصر - تجمع حوامل مصر

MALAK2010 · 01-26-2011, 08:37 AM

انا حاسة بيكى اذكرى ربنا وان شاء الله هيطمن قلبك واقرى قران
هو المفروض جوزك يكون فى القاهرة على الساعة كام

dr.princess · 01-26-2011, 08:38 AM

لالا عياط ايه اهدى بس
والله المرة اللى بقولك عليها دى كانوا مالين البلد امن مركزى علشان يمنعوا الناس انها تنتخب واحد من الاخوان وفضلوا بقى يعملوا قنابل مسيلة للدموع وقفلوا كل طرق الخروج والدخول وبهدلة مقولكيش وربك سهلها والله ماتقلقيش وفى الاخر الراجل بتاع الاخوان ده كسب فى الانتخابات
فانتى بس طولى بالك وزى ما ملك بتقول انهم عاملين تشويش على الشبكات وشوية كده وهتلاقى جوزك وصل بالسلامة

MALAK2010 · 01-26-2011, 08:39 AM

اخر مرة جوزك طمنك وكلمك الساعه كام
وكان خلاص خرج من السويس ولا كان لسة فيها

dr.princess · 01-26-2011, 08:41 AM

والله احسن حاجة ياسمية انك تشغلى نفسك
بتقولى انك لسه مخلصتيش سويت طيب سمى كده وتوكلى على الله وكملى بدل ماجوزك يرجع ويلاقيكى عاملة حتة وسايبة حتة وكملى تنظيف الشقة وشوفى ايه اللى بيحبه واطبخيه وهتلاقى الوقت عدى بسرعة

somia · 01-26-2011, 08:44 AM

اخر مرة كلمني كان امبارح بس كان لسة في الشغل وبيقولي الموقع بيلم الموبايلات عشان الوضح خطر ان الموبايل يرن فيه بس الكلام ده كان الساعة حداشر بالليل ومن ساعتها معرفش ايه اللي حصله بجد ربنا يسترها معاه يا رب ومعرفش هيتحركوا امتى بس بيقولي حوالي الساعة 4 المفروض انه هيكون وصل وده هيبقى المعمة زادت فيها قوي انا خايفة عليه قويييييييييييييي

somia · 01-26-2011, 08:46 AM

والله يا لولو ما قادرة انا جهزت السويت وحاطاه جنب اهه بس مش قادرة امسكه واعمل حاسة اني مش مالكة نفسي اصلا

dr.princess · 01-26-2011, 08:49 AM

سمية انا قصدى اشغلى نفسك بحاجة علشان ماتفكريش كتير
وان شاء الله خير وبلاش القلق

somia · 01-26-2011, 08:49 AM

توكلنا على الله نبدأ على بركه الله اخر الاحداث الجزء االرابع

المشاركة الأصلية كتبت بواسطة سهره

ابنى اتقبض عليه ربنا يفك قيده ويرجعه بالسلامه

ربنا يرجعهولك بالسلامة

المشاركة الأصلية كتبت بواسطة عابرة السبيل 2010

امبارح بداو الساعه 12 وبعدين كترو الساعه 2

والنهارده ان شاء الله هيبداو الساعه 9

محصلش تغير امبارح ولا اى حد رد عليهم لانهم كانو 80 الف من 80 مليون مصري

هنشوف النهارده ايه اللى هيحصل

بلاش كالكلام ده

الناس دى خارجه من بيوتها امبارح الساعه 12 الظهر
مش معقوله هيفضلو صاحيين 42 ساعه
لازم ينامو وياكلو يشربو عان يقدرو يكملو

عندك حق طبعا

لازم ياكلوا ويناموا عشان يقدروا يواصلوا

وتونس قعدوا 21 يوم لغاية اللى حصل

المشاركة الأصلية كتبت بواسطة pretty-kitty

شبكة رصد: اضراب عام يوم الأربعاء.... هنتحرك من أمام جامعةالقاهرة لميدان التحرير
ان شاء الله اللي منزلش امبارح المظاهرة
احنا كلنا هننزل بكرة ان شاء الله
وهنحط ايدينا ف ايدين اخوانا
عددهم بيكبر بينا وقوتنا بتزيد يوم بعد يوم

التجمع بتاعنا الأول

قدام جامعة القاهرة الساعة 11 صباحا وهنتحرك الساعة 12 لميدان التحرير
بعد صلاة الظهر مباشرة

التجمع الثاني :التجمع امام ميدان الساعه فى مدينة نصر
الساعة 12 الظهر
لو حد عنده اقتراح لأماكن تانية للتجمع يكتب

اسبراي اسود ب 7.5 ترشه على ازاز المصفحات + كوفيه مبلول طرفها خل + بصله مقسومه نصين عشان الغاز المسيل للدموع تستنشق البصله لمده دقيقة بدون غسل بالماء او شرب الماء يفضل شرب حليب او مشروب غازي + نظارة بحر + سدادات أنف + أداة دفاع عن النفس + وجهز نفسك للاشتباكات في حالة حدوثها وعلى بركة الله

ثبات حتى النصر واستعادة الحقوق

يا رب قويهم وثبتهم واحفظهم

المشاركة الأصلية كتبت بواسطة ميوية الشرقاوى

بابا بيقوللى كانت حرب طول الليل فى شبرا
بين الامن والمتظاهرين
وكانوا بيجروا وراهم فى الشوارع
حتى بابا وماما مش هيروحوا الشغل

somia · 01-26-2011, 08:52 AM

ربنا يسترها لانهم بيقولوا في ناس نزلت تاني والمصيبة ان اختي راحة الامتحان الوقتي في صيدلة جنب القصر عيني الفرنساوي وهما هيعدوا عليه الساعة 12 وهتبقى لسة مخلصة امتحان..
هحاول والله يا لولو

MALAK2010 · 01-26-2011, 08:56 AM

ربنا يطمنك عليهم يااااااااارب بس اذا كلمك ابقى طمنينا