دردشة بنات فلسطين, دردشة حوامل فلسطين, تجمع بنات فلسطين

[احساس أنثى]

هلا ام عيد الله
ان شالله الكحه لسى تعباه

كيفك انتي ؟

[جارة القمر]

هلااا ام عبدلله

انا من القدس وحضرتك ......يا ريت تعرفينااا عليك.؟

22-2- كتب كتاب سلفي وبدهم يعملو اهل العروس حفلة صغيره بالبيت فطلعت الملابس المرشح البسهم
لحتى اعرف ازابحاجه اشتري فبلشت قيس وفرجي جورزي فاعجبووو كلهم بس اجبرتووو يحدد

[احساس أنثى]

تصبحووون ع خير صباياااا

[احساس أنثى]

مبرووووك جاره
هادي اول سلفه لالك ؟؟؟


عيون المها وغمووووض ولولو حماده في اختفاءدائم ؟

[جارة القمر]

لا احساس زوجي له اخين وحد متزوج والتاني خاطب بس اخوته اصغر من جوزي
واخوه المتزوج اصغر من الخاطب ههههههههه يعني اخوتووو مو بالترتيب ارتبطووو

وانااااا كماااااان تصبحووو على خير

[~{{ DoDo }}~]

انا فتت ومسيت ومحدش عبرني :(
تصبحوا على خير

[حيفا]

مسا الخير عليكم جمييييعا

دخول سريع وخروج اسرع هههههههه

حبيبت مر وسلم عليكم فردا فردا ونفر نفر
وميييين مزعلك دودوووو كلو ولا زعلك يا حلووووووو
مساكي فل وياسمين وعنبر :)

غموووووض الدبة اشتقتلك وبديت اقلق عليكي ـ تعي قبل اقل الدردشة فوقاني تحتاني هههههههه



يلا تصبحون على خير :)

[عيـ‘ـون المهـ‘ـا]

~ صَبَـِّـِاحكُـِـِ،ِ،ـoـ سـَعـ،ِـِ،ـيد ~
انا عم بصبّّح عليكم و عندي لسى 8:10 مساءً
~)(~
||أأإإحساس ||
يسعد كل اوقاتك و الف سلامه على زيااااد
السعله صعبه للاطفال حرااام بتعبو منها اذا لزم الامر اعملي موعد مع الدكتور
احيانا ما بتروح السعله إلا بدوى ان شاء الله بخف
و حبيبة البي مو مختفيه بس لآني مشغوله بالمشترياااات امبارح اول مره بترك 4 ساعات ادم عند زوجي و الحمد لله شريت مجموعة هدايا عطورات و بجامات و ملابس و ميك اب يعني عم بحاول اخلص قدر المستطاع حتى لا انزنق بالوئت
شو صار معك بخصوص الدوره ؟

|| اأإم عزمي ||
حبيبة الكل كيفك
و الله تركتي فراغ بيناااا
من كم يوم الماضيه اللي اخدت رقمك و انا كل يوم احاول اتصل
بس الاتصال مو زابط معي كاني لازم احط رقم نحنا منسميه مفتاح البلد
يعني لمى بتصل على القدس بحط 972 و بعدين رقم جوال اهلي
لهيك مش عارفه مقدمة غزه
كتير حابه احكي معك و اضل على تواصل و اطمن عليكي و على هويده
دودو حبيبة البي اذا قرأتي تعليئي لام عزمي ممكن انتي تعرفي مقدمة غزه
لانك بتحكي مع اهلك ؟ مشكوره عمري :}

|| لولو الفلسطينيه ||
هههههههه لا ما راح يوصل دمك 4
انتي اهم شي انك ما تعتمدي على حبوب الحديد ابدااا الاهم هو الحديد اللي تاخديه
من الاكل و اذا عم بتشوفي حالك انك ما استفدتي من حبوب الحديد
وقفيه و خلي دكتورك يكتب الك على بديل احسن او يعطيكي عيار اقوى 45 ملغم
و دائما اشربي وراه عصير ليمون او برتقال حتى يمتصه الجسم اسرع
جربي 3 تفاحات كل يوم لمدة اسبوع و اكتر كتير منيح
أأأأو
عصير البنجر الو مفعول سحري برفع الدم بسرعه
و الزبيب كمان
السبانخ طازه كل يوم مع السلطه
بعدين انتبهي ما تاخدي الحديد بوئت ئريب من وجبه بتحتوي على الكالسيوم
لانو الحديد + الكالسيوم بعيقو امتصاص بعض

ادم مبرمج هههههههههه صحي هلآ بنسى شو كنت بدي اكتب

[احساس أنثى]

صباح الخير صبايا

كيفكم هلا حيفا منوره

عيون المها مبروكين الهدايا ع اصحابهم :)
وافق جوزي ع الدوره حروح اليوم ادفع ان شاللله


صبايا حوزي مش راضي اجيبلو هديه بالفلنتاين بيقلي حرام
بيقلي بيكفي الايام يلي راحت / شو رايكم ؟؟

[عيـ‘ـون المهـ‘ـا]

يسعد صباحك
احساس
--
الله يبارك فيكِ حبيبتي و موفقه بالدوره ان شاء الله تنبسطي و تستفيدي
و بسير اذا بدي سؤال عن الكمبيوتر اسألك ههههههه [:

بالنسبه للفالنتاين بصراحه ما عمري انا و زوجي احتفلنا فيه
بعكس عيد الزواج و اعياد ميلادنا هاي ايام مقدسه عنا انا و زوجي كل سنه
متزكرها و منحتفل سوى و كل واحد فينا بعبر عن حبه للتاني بشي مميز و حلو
اما الفالنتاين لآ ’’ انا و زوجي مش مقتنعين فيه كيوم مميز و لازم نحتفل
طالما زوجك ما بدو مو ضروري
و يجعل كل ايــــــــــــــــــامك انتي و زوجك هنا
و الحب يجمعكم [:

هلآ عندي الساعه 11 اخيراااا نام ادم

اشوفكم في وئت تاني