تجمع حوامل ليبيا

[ميمونة]

اه كان هكي ماله عذرك مقبول

تعرفي الجو مش عادي المطر تصب تبارك الرحمن

[الاء 2002]

عندك الحق الجو حلو والدعاء فيه مستجاب

[رغوده2006]

صباح الخير عالحلوات
كيف الحال الكل الكل
والله الا ليكم وحشه واستاحشتكم هللللللللللللللللللللللللللللللللللبه وكانكم قدامي راني بوستكم شنو الجو وشنو اخباركم احكولي انحس في روحي غايبه عليكم السنين هيه متشوقه نعرف كل وحده شنو اخبارها لاني ماقدرتش نقرا الصفحات هلي فاتوني هلللللللللللبه علي
ميمونه كيف حالك وحال العويله
ميراس شنو اخبارك واخبار بنوتك وراجلك
ساااااااااااااااالي تي كيف حالك وحال البيبيات وانشاءالله يارب من قسمك
يقين اوخيتي كيف حالك وحال فروتي وشنو داي فيك الوحم وينك قالو مغيبه انشاءالله خير
تمر حنه يا بنت عمي كيف حالك وحال عمامي في صبراته وانت منين من صبراته انا خطابيه
ام اجنادين جارتي العزيزه تي كيف حالك وسحبتي فلوس والا لا يومها قلتي زحمه المصرف وكان ما سحبتيش تعالي انسلفك
ام وسونه شنو اخر اخبارك في المناسبات
متفائله كيف حالك وخيرها معاك ميراس والا انت تدلعي علينا
رايه كيف حالك وحال العويله تبرزوا انشاءالله
ام قصي كيف حالك وحال الصغيويره في هالصقع
عيون راجلها شنو اخر اخبارك انشاءالله حصلتي هلي تبيه وخصوصا بعد ما حصلتي مرشده زي متفائله
ليبيا قلبي كيف حالك وحال بنيتك انشاءالله لاباس عليها يارب وكيف حال مبشر ومقبل وامهم كويسين
شرقاويه كيف حالك وحال الشرق انشاءالله بخير يارب
الاء تي كيف حالك خيرك العفو ماتسأليش علي باهي ليك باهي انا زعلت منك
ايوته كيف حالك وحال بنيك وانشاءالله ربي يحفظها ياااااااااارب
هاتو انت الوحيد ماعمرك سألتي علي مع هذا كله انقولك كيف حالك وحال العويله
المهم انشاءالله مانسيت حد وكان فيه حد جديد اهلا وسهلا بيه معانا

[رغوده2006]

الله العفو وينكم انا دخلت وانتم طلعتوا

[ღॐ آية ღॐ]

السلام عليكم
ميراس ليك وحشة كيف حال وليداتك ومولى بيتك
شن مديرين مع الصقع يا نسوينات انا بنجمد ويا حوامل ردو بالك على
البيبيهات راهم يصقعو دفو بطوناتكم مليح واشربو شاي بي لبن احسن
يقين وييييييييييييييييييييييييييييييييييييييييييييييينك المنتدى مكسد والله
من غيرك وماليه هديك الطاعمة لما تكوني موجدوة
رغودة هلا هلا كيف حال صغيويرتك؟
حنانة >وين تغطسي يا حنة خشي كل يوم خيرلك >_<

[عيون زوجي]

السلااااااااام عليكم
كيف حالكم اليووووووووووووم
انا انحس في روحي بناخذ برذه عالصبح مدايره الفلاحه وغسلت سجاده الصاله وسجادة المطبخ لان الصغار مرجعين اعليهم والجو فيه نسمه مسقعه مابعد المطره مباشرة توا دوشت ودرت شاي بلبن على قولة ايوته بس راسي ينفخ حاله انا باخله انطيب اليوم لان راجلي متغدي برا بس خاطري في حاجه اسخونه منو فيكم تعزمني

[عيون زوجي]

ميراااااااس.....هلا بنوارة التجمع والغاليه انا اكتر من 10 مرات نسئل فيك على رجلك شنو صار فيها وبديتي اتنوضي وتكملي في قضيتك بروحك ولا قعده تعبانه
الااااااااااااء.......يا حلوة بنسئلك لما جبتي بنتك في بريطانيا كنتي في دراسه على حساب الشركة ولا خصيصا عالجتي وجبتي غادي
رغوووووووودة..........ليك وحشه وين كنتي مغطسه انتي سئلتي عالكل ماشاءالله بس ما قولتيش شنو سبب الغيااااااب (قصقصه) وكيف حال الاميرات الزوز وخوهم ولي العهد في هالصقع وخاصة طلعة الصبح للحضانه جمييييييييييييد
ميمووو..........كيف حالك يا ناشطة نايضه بكري اليوم شنو جاتك الدورة ولا مازال وابعثيلي من غداك ولو بارد سخنيه حتى بالميكرويف راضيه
تمورة الامورة........مبروووووووووووووك كونغراتيوليشنز احبيبه الماجستير خطوة كويسه تنسيك الكساد والغربه والتفكير في الحمل لان كل شي بيد الرحمن انتي ادعي واحنا ندعولك وربي يرزقكك بس خشي ديمة جوك قبل لما كنتي اتخشي كل يووووووووووم خياااااااااال واتهبلي رغم ريحتك معليشي كانت اففففففففففف
ايوته..........كيف حالك اليوم وشنو غذاااااك وكيف حال البيبيز وسكري الحوش والرواشن وافتحي المكيف وما تتطلعيش بكل بالصغار (وصيه ام في الصقع)

[عيون زوجي]

سئلتكم البااااااااااارح:
- منو فيكم عندها مكنسة كيربي او رينبو يلي تكنس وتغسل في السجاااااااد نبي نسئل كويسه ولا لا محتارة بينها لانها غاليه وبين المولينكس متاع القردل؟؟؟؟؟؟؟؟؟؟
ارجوا الررررررررد........

[عيون زوجي]

طرابلس محلاها...............

[زهرة2000]

السلام عليكم كيف حالكم كلكم كلكم