أحلى تجمع لحوامل التوأم الجزء الرابع

[أم غَيث]

مشكورات ع الرد

انا سويت سونار امبارح وانا بالاسبوع ال 16

اللي خلاني احس كبر بطني وثقل باول اشهر

وزاد وزني مع اني ما باكل كثير وصدري كبر من اول شهر

مع العلم اني بكريه وما بعرف اعراض الحمل بس اللي يشوفني يقول بطنك كبيره لازم في شي مو عادي

كمان في كثير قالو انو سووو سونار مرات كثيره وما بان الا من السونار الخامس

ع العموم واحد ولا اكثر الله يثبته

[دلع غربي]

ام غيث التؤام يوضح بدري أذا بكيسين وسمعت انو اللي بالكيس واحد يوضح متأخر ...وع قول شموع الاحساس مايصدق دايم

[Sleepy Miracle]

السلام عليكم

بنات بسألكم اذا كانو التوأم بكيسين ومشيمتين مختلفة لكن مشيمة اصغر من الثانيه
.. في فرصه انه المشيمه الصغيرة تكبر؟

:(

[أشـــــواق~]

منورين البنات الجدد الله يتمم لنا ولكم على خير ~

المشاركة الأصلية كتبت بواسطة نبض عبؤدي

مرحبا حبيباتي شلونكم
انا ماشاءالله حامل بتؤام وحبيت تجمعكم وسجلت بالمنتدى عشانه .. حابه افيد واستفيد وعندي كم سؤال لكم حبيباتي
شنو الادويه الي تاخذونها بفترة الحمل !؟ بنات انا وحامي ثقيييييييييل مرا خسرت تقريبا 8كيلو بفتره قصيره ونفسي مسدوده ماحب ريحة الاكل ومتوحمه ع زوجي
ساعدوني ابي ازيد وزني والدكتور معيي يعطيني فيتامينات بس الحديد والكالسيوم
الشي الثاني جاني نزيف سائل بني ودم وصرت اخذ ابر مثبته وحبوب مثبته
انا ان شاءالله باقيلي يومين واكمل 15اسبوع يعني انا بأي شهر !؟ ومتى يبين جنس الجنين اي اسبوع !؟
فديتكم بنات جاوبوني كلكم انا بكريه والتؤام عندنا وراثه ماشاءالله امي وجدتي وام عمتي )ام زوجي (

ومششششششكورات .. استغفر الله واتوب اليه

بالنسبه للأدويه انا حالياً على الفوليك والاسبرين ودفاستون اللي هو المثبت ..
بعد كذا اظن بـ الرابع يعطونك مجموعة فيتامينات متكامله فـ دواء واحد..
او كالسيوم لحاله وحديد لحاله على حسب نتايج تحاليلك وحاجة جسمك انا كذا بحملي السابق ..
بالنسبه للوحآم مازلت اعاني بما اني بالأسبوع الـ 11 ومثلك نفسي مسدوده بس لازم تعرفين ان الفيتامينات تدعمك لكن ماتزيد وزنك اللي يزيد الوزن الأكل الصحي ..
ماتشتهين الأكل اغصبي نفسك لو كميات قليله و وجبات كثيره يعني بدل 3 وجبات دسمه خليها 6 خفيفه ركزي على الحليب الزبادي والفواكه والخضار ..
وفي حبوب صرفتها لي الدكتوره تساعدني ع الغثيان شوي ، موش بطاله يوم احس ان لها فايده وايام احسها عديمة الفايده بس ماظن تحتاجينها لأنك خلاص وصلتي الرابع تصبري وكملي كثرة العلاجات موزينه ~
اما زوجك
عزتي لكل ازواجنا
نفسياتنا دمار وحالتنا الصحيه متدهوره لكن لاتشيلين همه ان شاء الله هو مقدر وانتي ماشاء الله تبي تكملين الاسبوع الـ15 يعني قرب الفرج ونهاية الوحم وترجع امورك طبيعيه..
شوفي وضعي أنا عندي ولدين هم اللي فعلاً شايله همهم مالي خلق شي وتعاملي معهم مدري شلون صايروكلهم يدرسون،،
وشريت شغاله وهجت وقدمت على وحده جديده ومارح تجي الا بعد 6 اسابيع وعندي داوم ..
احاول امشي اموري بالآجار اليومي وان شاء الله ربي يفرجها..
اما الأسبوع الـ 15 تصيرين دخلتي الشهر الرابع ..
والجنس ممكن يبين من الأسبوع الـ 14 اذا دكتورتك شاطره و البنات يقولون الأكيد بالأسبوع الـ 20 ..
بس كل عيالي اعرف جنسهم بالأسبوع 14 نهاية الثالث بداية الرابع بس دكتورتي شاطره مدري الوضع نفسه مع التوأم او لا ..
ولاتنسين حصني نفسك ..

[حضرة الهانم]

بنات احس ببرودة واعرق ولوعة كبد واحس اني ابي ابكي مدرى شفيني من مرت بحالتي

[سووود العيووون]

المشاركة الأصلية كتبت بواسطة حضرة الهانم

بنات احس ببرودة واعرق ولوعة كبد واحس اني ابي ابكي مدرى شفيني من مرت بحالتي

لاوالله مامرت علي
ان شالله البنات يردون عليك
الله يشفيك ويعافيك
هانت مابقى الا القليل

[حضرة الهانم]

مشكورة ياسود العيون انا اليوم متهاوشه ومتنكدة اخاف انه ضغط
بنات الي موظفات اقدر اخذ رعاية مولود الحين يعني من شهر اربعه لحد نهاية ستة وهل اقدر اقطعها باجازة الوضع

[jood]

المشاركة الأصلية كتبت بواسطة حضرة الهانم

بنات احس ببرودة واعرق ولوعة كبد واحس اني ابي ابكي مدرى شفيني من مرت بحالتي

حالتك طبيعية
ابكي وفرغي كل اللي بداخلك
وبعدين خذي حمام دافى ونامي

الهرمونات الحين ضعف الحمل الواحد
كل يوم تكتشفين شي جديد
الله يهونها علينا اجمعين

[l6oof♥]

بنات بسالكم فيه احد نفس مشكلتي
احس بطني صغير صاير على جوانب تتوقعون عادي واو طبيعة الجسم تختلف من وحده لوحده
لاني في نهاية الخامس وصديقتي مثلي نفس الشهر وهي اكبر مني فالبطن

[الشموع المضيئة]

حضرة الهانم ماعندي خلفيه بس حاولي تشغلين نفسك باي شي عاد فترة الحمل المود يكون متقلب