ديوانية حوامل البحرين

[حبيبي]

يمكن خالتك في الهفوف او لمبرز
غريبه متجين الدمام كل ابحارنه اهناك اشوفهم يتسوقون

[حبيبي]

وانا زوجت خالي بحرانيه بس مدري من وين في البحرين بضبط
انا اجي البحرين في السنه مره

[أم حماني]

قصدج تقولين بحرينيه .... ههههههههههههه

[حبيبي]

ههههههههههههههه غلطت بلحروف ولا شنو

[بنت الأياويد]

مرحبااااااااااااااااااااااا ، شخباركم ام حماني كلش اليوم متخثولة شكلج ههههههههههه ، (حبيبي) خاطري اجرب شوربة العدس كيف تسوينها؟

[أم حماني]

هلا اختي بنت الاياويد ,,,, اي اليوم حدي مادري اشفيني حتى امي مستغربه مني
شوربة العدس حبيتها من جربتها في تركيا ,, اما في البحرين ما عجبتني في اي مطعم

[بنت الأياويد]

ابي اسويها في البيت انا احس مايبيلها شي ، شغالة اختي تسويها شحلوها تطلع بس وين اسألها لان في السعودية اهمه

[حبيبي]

شوربه العدس الطريقه زيت زيتون وتحطين بصل شرئح وبطاطس مكعبات وطماطم شرئح وثوم
والبهارات والملح حسب الرغبه
اتحركينهم على النار اشوي لحد ميتحمر البصل وضيفين العدس وملعقتين شوفان
وضيفين الماي على حسب كميه العدس الي انتي امسويتها انا وزوجي كاس عدس
واذا نضج العدس اطحنينها في الخلاص الكاس وترجعينها بجدرها وتركبينها اذا ثقيله زيديها ماي واذا لا ناعمه خلاص صخنيها وبلعافيه

[أم حماني]

المقادير



كوب عدس أحمر مجروش
4 أكواب ماء
عدد 2 مكعبات ماجي
حبة واحدة من البطاطس، والجزر
4 حصوص ثوم،
بصلة واحدة حجم وسط
ملح فلفل أحمر، ونعنع
ملعقتا زبدة.

الطريقة
ينظف العدس ويغسل جيداً.
يتم تقطيع البطاطس والجزر والبصل والثوم إلى قطع صغيرة.
يوضع العدس في وعاء على النار مع الماء ثم يضاف البصل والبطاطس والثوم والجزر.
يترك على النار وحين يبدأ بالغليان تضاف مكعبات الماجي
هنا يمكن إضافة ملعقة كبيرة من صلصة البندورة وهذا سيعطي الشوربة طعماً مميزاً
لا تنسوا تحريك الشوربة باستمرار أثناء وجودها على النار.



بعد أن ينضج الخليط، يضاف اليه الملح والفلفل الأحمر ويخلط في الخلاط الكهربائي ثم يعاد إلى الطنجرة.



في هذه الأثناء نضع الزبد في المقلاية على نار هادئة
يضاف النعنع وبعض الصنوبر إلى الزبدة إن رغبتم
يقلب هذا الخليط لنحو 3 دقائق ثم نقوم بصبه على الشوربة.
وأخيراً نضع الطنجرة على النار لنحو 3 دقائق حتى تبدأ بالغليان فتحرك قليلاً وهكذا نكون إنتهينا



جربوها وأتمنى ان تعجبكم وصحتين وألف هنا على قلوبكم


</B></I>

[أم حماني]

طلعتها من حبيب الشعب قوقل ,,, هذي ع الطريقه التركيه ,, اذا رجعت ربة بيت مثل الناس بسويها حق زوجي ... يحبها مسكين