دردشة بنات العراق, دردشة حوامل العراق , تجمع بنات العراق

[فوفو العراقية]

مس مس
مساء الخير على احلى عيون عراقية دا تشوف كتابتي...
شلونكم حبايبي اتمنة الكل يكون بخير

اليوم رحت اشتريت كرسي مال سيارة لبني الجاي ان شاء الله وفرشة شعر مال بيبي وفرشة تنضيف ممة
وجنت ادور بعد على اشياء باقي قليلات ممحضرتهن بس المهمات اخذتهن حتى الحفاضات ههههههههههههه

زينة يا اهلا وسهلا
لالالالالا ما اقبل
ليش ماكلتيلي جان جيتج للباخرة قريبه من بيتنه كلش
او جان حجزت وياج وجي ويا اطفالي بالباخرة ونرجع المهم نلتقي اني ونتي يوم كامل ندردش سوى
اخ منج
المرة الجاية كوليلي حتى نروح سوى بالباخرة او اجي اشوفج نص ساعه بوقت وقوف الباخرة...
حبيبتي بنتج زغيره صح بس انتي تعرفين هنا يسوون 2 و3 واحد ورة الاخ
حتى يربوهم وبعدها يتفرغون لتربيتهم ورواحهم.

زنوبة حبي
رضاوي يخبل حبيبي جنة ملاك
ربي يحفضة ويخلي لهلة
حبيبتي يوم الج ونشوف بنوتج الحلوة
ومبروك دخولج السادس عقبال ال تاسع يارب.

باقي البنات شلونكم حبيباتي؟؟؟
اخباركم؟؟

[كان حلم]

شلونج فوفو العراقيه هاي صورة ابنج اللي بالسونار
شلونكم بنات الله يكومنه بالسلامه اني بعد خمس ايام ادخل بالتاسع
وولادتي قيصريه بعون الله

[فوفو العراقية]

هلو حبي كان حلم
شلونج
ياقلبي شكرا ويكومج بالسلامة يارب ويفرحج
لا هذا جدول حمل من النت وهمة حاطين الصورة

حبيبتي ليش عملية تسوين؟

[الفرحه القريبه]

ام نورهانه حبيبتي شلونج

[رحمة الرحمان]

حبيبتي ام نورهان الله يكومج بسلامه

[ام رحمة]

السلام عليكم

اشلونكم بنات

[فوفو العراقية]

حبيبتي ام نورهان الحمد لله على سلامتج
بس جان لازم الدكتورة تنطيج علاج
لان هالبكتريا ضارة واني عرفت بس كلتي نزل عليج دم البارحة
هالشغلة لا تكرروها وخليج حذرة والمفروض انتي تتعاركين ويا زوجج مو هوة يحجي
لان هالشيئ صار بسببه
بس الله يهدي ويهدي سركم يارب
طمنينه عنج وان شاء الله ماكو شي
لا تقلقين الاطباء يعرفون شغلهم.

[فوفو العراقية]

هلو ام رحمة
الحمد لله
انتي شلونج قلب؟
اليوم الغياب صار حظور ههههههههههه
منورات حبيباتي.

[**نورا**]

فلايه حبي انشالله تصيرين زينه وتكملين حملج عله خير وتجيبن احلا بنوته والله يهدي رجلج والله كلهم هيج من تتمرض المره لو يصير مشكله بالحمل يكلها صوجج ومن وراج
بس لتضوجين روحج وتنقهرين اهم شي الطفل

[ام نورهانه]

تسلمولي حبايب ربي يخليكم ويحفظكم من كل شر هو كل شي بيد رب العالمين والحمد لله على كل حال

فوفو والله هي كتبتلي ابر مال التهابات وتحاميل مال فطريات وكالت مااكدر انطيج اكثر لان يأثر على الطفل وكالت خلصي العلاج وتعالي بس اطمنيت على شغله كالت الغشاء مالتها زين ومصاير بي تسرب والحمد لله بس اكلج اني بعدني مداخله الثامن وكالتلي يله مظل شي وتخلصين الثامن وهم صدمتني بوزن الطفل وحتى شكت خاف بيه سكر سويتلي تحليل مال سكر الحمد لله طلع ماعندي سكر بس بكتريا بالبول وصلايب جراحه وصليبن دم وفطريات