تجمع حبيباتي الكروشات اللي راح يولدون بشعبان

[Miss YoYo]

المشاركة الأصلية كتبت بواسطة خوخه بريه

هلابك مسس
موعدي الاثنين الجاي
بس قلت مابسالها
اخر السابع ان شاء الله بسوي
الاشعه رباعيه الابعاد
ادق بدون تخمين
ربي ييسر

وش ينطرك يا اختي لين آخر السابع
اسأليها .. البيبي يتحرك يمكن غير وضعيته وتقدر تشوف
الحين خلاص اعضاءه مكتمله مافيه مجال يغلطون يكون باين بوضوح
لو منك ماقدرت هههههه
ربي يسهل لك

[Miss YoYo]

بقوم اجهز الغدا
زوجي يبي ياكل بسرعه
بيطلع مع خوياه يذاكرون عندهم إختبار بكره
وبرجع لكم عشان اسولف عليكم وش سويت البارح


سفونه .. يلا عادي تعالي طمنينا عنك
( فيس يبتسي )

[Fnoo]

ايه والله سفونه تاخرت عسى المانع خير يمكن تحتفل يوم عرفت نوعه هههههه

ااامين الله يسمع منك مس يويو يووووه ما اتخيل اني بخطب بدور له من الحين هههههه
الله يستر على وقته يمكن يدخل علي بوحده ويقول شوفيها ماما هاذي زوجتي هههههههه الله يستر

[~* عبق الأنوثة *~]

خوووخة ..
كيف بتصبري لين السابع
خليهآ تقولتس و اللي يصير يصير

[~* عبق الأنوثة *~]

سفووونة ..
رجعتي .. يلآ طمنينآااا
^-^

[Miss YoYo]

كل شوي قاعده احدث الصفحه
أشوف هي ردت ولا لأ

ياربي يسهل امورها
اهم شي تطنا عنها وعن البيبي
تى لو متأخر مو مشكله
الله يحفظها

[~* عبق الأنوثة *~]

حتى أنــأ ..
جآاالسة على أعصابي
ياربي يكووون خيرررر

[Fnoo]

وربي نفس الحاله كل شوي اشيك من الجوال ااخر شي قلت شكل الجوال معلق وجبت الايباد ونفس الحكاايه


عسى المانع خير ،، الله يطمنا عليها

[سفن بارد]

اهلا فيكم ياحلوات

اعتذر لكل من سال عني عن التأخير(ام الحلوين وخوخه بريه وام لبني ونعووومه وعبق الانوثه وبيبي سميل ونونيييي ومس يويو وفنو ونكهه قهوه ودندووشه والكل)قلبي معكم انتهى اشترك النت وانا وياه حوسه ماعرفت اجدد الاشتراك وياست من نفسي وقررت اقوم زوجيويقوم وهو معصب وشايش ويهوش بس مو مهم اهم شي صلحه لي اكلمكم عشانكم ولله اني مستحيه منكم اعتذر


ماشاء الله تبارك الله سويت اشعه وتحسن وضعي حمدالله وله الشكر الف مره ربي كريم سبحانه ماخيب رجاي ودعواتي بس قالت انتبهي لنفسك من كل شي عشان مايصير انتكاس قلت ابد ابد باذن الله خلاااااص تووووبه هذه البشارة الاولى حمدالله ربي كريم باااااركولي قسم فرحااااانه جعلكم ماتشوفون اللي شفته يااارب سجدت سجده شكر من الفرحه حمدالله



ثاني بشاره شافت جنس الجنين بدون مااطلب منها لاني انا مافكرت اسالها كان همي اتطمن على وضعي
بس وربي كريم سبحااانه حمدالله وله الشكر الف مرررره
وهي اللي قالت لي حمدالله قالت.....



تبين تعرفين جنس الجنين ماشاء الله تبارك الله هذا ولـــــد حمدالله شوفي

والله حمدالله على كل شي والله فرحت على تحسن وضعي وعرفت الجنس ماشاء الله ربي كريم

اشكركم من كل قلبي على تعاطفكم ووقفتكم معي ربي لايحرمني منكم شفت فيكم الاخوه


نقـــــطــه

قالت لاتروحين لسوق عشان المشي مو زين لك اصبري لين تخلصين السابع عشان وتتعدين مره الخطر والولادة المبكره قلت مو مهم عندي ابد اهم شي سلامتي وسلامه الجنين ماشاء الله تبارك الله ربي كريم وحمدالله وله الشكر الف مررره مااقدر اوصف لكم فرحتي اليوم كنت في هم ونزاح حمدالله والله

شكرًا قدالدنيا لكم والله بس من فرحتي كثرت حكي عليكم احس ودي اطير حمدالله وله الشكر....

[نكهة القهوة]

كيفكم يا بنات أيش أخباركم ....تمام
ويسعد صباحكم ياحلويييين
ومس يويو مساء الخير لسه الساعة 8 المساء عندكم >> صح
نونيي / مبروووك دخولك الخامس وعقبال مانبارك لبعض بولادتنا بالسلامة والله يرزقكم باللي نفسكم فيه .
بيبي سمايل / أوووووه كثيييير تحصل معاي أدخل المطبخ وأنسى أيش أبغى.
فنو / سلامتك يالغلا ماتشوفين شر وأهم شىء ريحي نفسك من السيارة ومن شغل البيت والحمد لله على سلامة بنت خالتك .
أم الحلويين / الله يسهلك ويرزقك باللي نفسك فيه وحتى انا أحساسي ولد بس الدكتوره تقول أحتمال بنت وأشوف المراجعة الجايه ان شاء الله اتأكد أكثر .
نعومـــــه / ماشاء الله عليك ياليت أعرف للجدول وأفتك من الحبوب اللي هلوست فيني وجننتني والله كل الأنواع جربتها وما ضبطت معي وماناسبني ولا نوع وفي الأخر تركتها وان شاء الله بعد الولادة بجرب >> لسه بتجربين ههههههه
بجرب اللصقات يمدحوها وعساها تضبط معي لأن اللولب مايمدحونه اللي حولي أحتمال يسبب نزيف أويتحرك من مكانه أو يطيح أو يحصل حمل فوقه يعني حمل خارج الرحم وإذا الوحده سلمت من كل ذا ماتسلم من الألتهابات يقولوا لازم يسبب التهابات وتطول الدورة ...
الله يكتب أجرنا تعبانين بحمل ومن غير حمل .