دردشة حوامل مملكة المغرب - تجمع بنات المغرب

ام الخلفاء · 10-19-2010, 11:53 PM

اهلا بام ريان ومس لف

راه حتى انا كرهت الطياب دبا نيت كنطيب ليه وكياكل بوحدو انا ضربني الله غير على الفواكه
وبزاف الليمون والتفاح

ايوا دبا حيت فالسابع خف شويه التبوحيط هههههههه ديالي
وليت ندير ليه وخا غير شي حاجة ساهلة

اما الكوزينة يادلي راه كاع الحاملات كيطلقوها بالثلات

نشوفكم على خير

ام ريان و رنية · 10-20-2010, 12:24 AM

ديكشي ليكاين اختي ام الخلفاء حيت لبيبي عارف طالعلينا كزينة فراس فتيعطينة وقت نرتاحو فيه ههههههه

ام الخلفاء · 10-20-2010, 02:31 AM

مرحبا بام ريان

ياك بعدا اوا نطلبو ربي يحفظ لببيبيهات وبواتهوم وامهاتهوم

ويفكنا على خير

كنت ديمة كنسمع امي كتقول لشي وحدة حاملة الله افكك على خير دبا يله عرفت معنيتها

ههههههههههه

ام ريان و رنية · 10-20-2010, 03:04 AM

ترحب بيك جنة اختي ام الخلفاء كاليك سال لمجرب لتسال طبيب حتى جربتي عاد فهمتيها الله يعطينا صورة مكمولة ومزيانة ودرية صالحة ويفكنا كاملين على خير

Om KHaled · 10-20-2010, 04:39 AM

السلام عليكم خوتي اشخباركم ؟

توحشتكم بزاف معلش غبت عليكم شوية البارح كنت عيانه شوية جاني الاسهال والمغص في البطن وحرقة في المعدة ختكوم بغات تموت ... مشيت للدكتور بالليل وكشف لي على البيبي والحمد لله هو بخير وفي احسن حال ,كنت بغيت نعرف جنسيته وسبحان الله لحد الان مامكتابش لي نعرف قالي الدكتور كان جامع رجليه , يمكن مامكتابش نشوفو غير الى كان معايا راجلي حيث مشيت غير مع امه , المهم انا دابا بقالي اسبوع ان شاء الله نكمل الشهر الخامس ونذخل بالشهر السادس بحول الله والوزن تحسن شوي كان اخر مرة عند الدكتور من شهر 60.5 والان 63 , الحمد لله نتمنى نزيد في الاشهر القادمة ... بخصوص الاسهال والحرقة اللي عندي عطاني الدكتور كينات نشربهم لمدة 5 ايام ونرجع له بعد اسبوع ان شاء الله ..
سمحولي الى طولت عليكم
نسيت نرحب بالاخت الجديدة مرحبا الف مرحبا ان شاء الله تستفدي منا واحنا كذالك, الله يسهل على كل وحدة الحمل والولادة ان شاء الله
متمنياتي للجميع بصحة جيدة

ام صيصة · 10-20-2010, 12:34 PM

صباحكم مبروك يا حلوات
اش هاد لحداكا يا ام خلفان غير شهينا راكي تدي دنوب هئهئهئهئهئهئهئه حقاش حنا معكازين و كسولين منقدرو نديرو والو في لكوزينا كتطيبو غير بسيف للرجالنا انا وحامي جاني على طياب بماطيشة منحملش نشوف صوص طوماط مع نصيب ديال لغدا ايوا غير خليها على الله كنسد نيفي مني تطلع ريحا ديالها

دابا كنفطر 3 مرات في النهار و مكرهتش نهار كلو و انا غير في وجبة الافطار هههه عاطياها غير نسكفيه بالحليب و لفروماج و البيض و الا شريت كراسون هداك نهار لكبير

ام صيصة · 10-20-2010, 12:37 PM

الف مرحبا بالاخت الي شرفتنا في التجمع ديالنا ربي يزيد و يبارك
ان شاء الله تكوني معانا ديما و تستفدي و نستفيد منا منك

ام صيصة · 10-20-2010, 12:41 PM

اختي نور الف الف سلامة عليك ان شاء الله مرة بسلام وعلى خير
خودي بالك من الاكل بتاعك يمكن كليتي شي حجا دارت ليك هادشي

ام الخلفاء · 10-20-2010, 02:05 PM

صباح معطر بدكر الله مبعوث لاحلى خلق الله ينور دربكم انشاء الله

على سلامتك اختي نور ميكون عندك باس وبالشفاء العاجل انشاء الله

ام صيصة لالا اودي مقديت على دنوب متكتريشاي من البيض ونسكفيه راه ممزيانينش دكشي الي فراسي والله اعلم
براكة عليك بيضة وحدة فالنهار

ام ريان و رنية · 10-20-2010, 05:06 PM

سلام عليكم ورحمة الله وبركاته ترحب بيكم الجنة الاخوات كيمة قالت لاخت نيسكافي ممزيناش نهائيا لحامل والبيض اختي مزيان لكن متكتريش حيت تيهبط سكر في دم حاولي تنوعي حتى انا جاني لوحم منحملش لماكلة طايبة ولي فيها صوص ولاتوابل ومرق مادا بيا نكول لي مطيبش او سندويتش بيتزا فطاليان معروفة بيها لكن كنوع انا دابا كنموت على طماطم مطيشة بالمغربية سؤلت طبيبة طتلي مزيانة بزاف ماشي مشكيل حاولي اختي تفطري بحليب بوحدو او دانون ومعاه شي حاجة خرا الله يفكك على خير ويفكنا كملين على خير ويعطينة صورة مكمولة .
اخت نور الله يشفيك دازت عليا حتى انا سيمانة لي فاتت كولي روز وبنان باش تقصاح كرشك انا دابا لعكس عندي لقبض

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحبن بضيفة من المغرب......	أم حفصة	ملتقى عضوات حوامل	10	04-22-2012 05:54 PM
صور لقصر الامير سلطان في المغرب	غلا الشوق	المـنـتـدى الـعـام	31	08-09-2011 04:35 PM
المغرب من تصويري تفضلو	ام حصة	المـنـتـدى الـعـام	31	03-14-2011 01:27 AM
المغرب من تصويري الجزء الثاني	ام حصة	المـنـتـدى الـعـام	1	11-13-2010 04:30 PM
قفطان بلاد المغرب الحبب	سموة الشوق	الموضة و الجمال	12	09-25-2010 05:54 PM