ديوانية البحرين - دردشة حوامل البحرين - البحرينيات

[شمس الصباح]

صباح النور بنت الأياويد شلونج

[الفتاة الذهبية]

شمس كتبت لج في الصفحة 19 اخر شي
يمكن ما جفتي روحي جوفي

[بنت الأياويد]

هلا فيج ، اي شفتهم ماشاء الله حلوين عليها بالعافيه تستاهل بنتج وعقبال ماتلبسينها بيدج ان شاء الله ، اي وعلى طاري التوقيع مشكورين وماقصرتوا سوت لي اياه حنين مسكينة غربلتها معاي ،
شمس الصباح انا شريت لي بس طقم من مذركير مشبوك وقبعه ومرضاعه وملحف بس وللحين ماخذت ولا شي خاطري اروح السعودية قالولي اهناك سوق كله ثياب اطفال تخلصين اغراضج في يوم بس انا وايد صايرة اتعب فما عرف اخاف اروح وماشتري شي من التعب ، وامس كنت رايحة حق صديقتي والدة تقولي في السعودية في محل اسمه بيبي هاوس شرت الملحف لها اهيه حق المستشفى ومفرش حق الياهل مع السرير والسلة ووايد اغراض طلع عليها ب180 دينار وايد سعرهم احسه زين ومناسب بنشوف اذا صار وقت بروح اشتري قبل لاادش الثامن بعدين خلاص مافي فايدة

[بنت الأياويد]

صباح الورد شمس انا بخير انتي شلونج مع الحمل

[الفتاة الذهبية]

حبيبتي بنت الاياويد
انا يوم رحت السعودية شريت الوان محايده
لانه ما كنت اعرف شنو جنس البيبي
وبعدين من كثر ما تعبت ما قدرت اشتري شي
بس انتي روحي وجوفي

اي صج امس جفت محل في سوق واقف يم بوتيك فيصل بالضبط لاصق فيه
توه مفتوح وبمناسبه الفتح كل قطعه دينار ودينارين وثلاث دينار
انا جفت جم بلوزة عجبتني بس قلت ما باخذ شي

[بنت الأياويد]

انا الحين احاتي البيبي قلت ابي اكمل اغراضها ماحاتي شي ثاني لاني الحين من دشيت السابع واحس الثقل زايد ، المهم انا بريح شوي لان قايمة من وقت اسوي الفطور حق زوجي واليوم ماعندي دوام في الجامعه فبريح شوي لان وراي غدى مفكرة اسوي باستا لاعت جبدنا من العيش
وانتوا شنو بتطبخون اليوم؟

[شمس الصباح]

الفتاة الذهبية شنو اسوي قال زوجي بيوديني السعودية بس لازم يودي اول سيارته الوكاله والحين توني سئلته قال لي بيودي السيارة يوم السبت يعني على اسبوع الياي الخميس بروح اشتري واذا ما عجبني شي على طول بروح اتسوق في البحرين ابغي اخلص اغراضي مع اني اعتقد ان زوجي قاعد ياخر السيارة لان كل يخاف على من الأجهاض تعقد مسكين احيانا يقول لي صبري للثامن وبوديج كل مكان اخاف عليج

هلا بنت الأياويد بنتي ما شاء الله عليها كل ترافس وتلعب تمارين والظهر الم ما يروح وخصوصا مع فتح المدارس الله المعين

[الفتاة الذهبية]

انا اليوم ما عليي طباخ
يعني ما ادري شنو بيسوون
مثل ما قلت انا اطبخ الاثنين والثلاثاء
نجوف غدى اليوم شنو
بس احساسي يقول سمج صافي لانه امس مرت حميي سألتني فيه سمج وهي اليوم عليها طباخ


اي صج ما قلت لكم امس زين الله ستر ما صار في ولد حميي عمره سنتين
احمد الله ما صار له شي ركب الطابق الثالث ما شاء الله عليه شاطر
عرف يفتح الباب مال الطابق الثالث
وركب الدرج مال القفص وراح يم السور وقام يصيح مو عارف شيسوي
والام ما تدري عن ولدها تفكره في غرفة عمتي
والا ولد جيران بيت عمي يايي يطق الباب وزوجي توه راد من الشغل فتح له الباب
الايقول ولد جيران بيت عمي ولد اخوك فوق السطح روح لا يطيح ترى يم السور بالضبط
وراح زوجي يركض من غير ما يحس حق نفسه ويابه اشووه ان ما صاده شي

[الفتاة الذهبية]

المشاركة الأصلية كتبت بواسطة شمس الصباح

الفتاة الذهبية شنو اسوي قال زوجي بيوديني السعودية بس لازم يودي اول سيارته الوكاله والحين توني سئلته قال لي بيودي السيارة يوم السبت يعني على اسبوع الياي الخميس بروح اشتري واذا ما عجبني شي على طول بروح اتسوق في البحرين ابغي اخلص اغراضي مع اني اعتقد ان زوجي قاعد ياخر السيارة لان كل يخاف على من الأجهاض تعقد مسكين احيانا يقول لي صبري للثامن وبوديج كل مكان اخاف عليج

هلا بنت الأياويد بنتي ما شاء الله عليها كل ترافس وتلعب تمارين والظهر الم ما يروح وخصوصا مع فتح المدارس الله المعين

السعودية ترى عندهم ثياب حق البنات روووعه

بس انا لمن رحت قلت لج ما كنت اعرف شنو جنس البيبي

انا اقدر اروح مرة ثانية السعودية بس ماا ابي تعب

[بنت الأياويد]

اشوة الحمدلله الي الله سلمه والمفروض امه ماتهده اول تتأكد اهو في وين ،قالولي في الدمام في سوق اسمه سوق البحرين كله ملابس اطفال مجابلين بعض بنت خالي راحت اهناك تقول في يوم واحد خلصت كلشي ان شاء الله اعرف اي صوب يصير وبشوف اذا صار جانس بنروح