هل هذه صورة الحمل بكيس فاارغ ؟؟؟ارجو المساعده

[أم لانا وكيمو]

الله يوفق كل من قرات وردت علي وطمنتني ويسعدها ويتمملها على خير ويرزق كل وحده اللي فبالها يارب

[أم حمزه]

حبيبتي من الصورة باين إنه مافي جنين والكيس فيه ماء فقط لانه لونه أسود... لو كان في جنين كان لاقيتي بقعه بيضاء,,,, والله أعلم
وعشان تتأكدي أعملي تحليل حمل رقمي وعيديه بعد 48 ساعة إذا لاقيتي الرقم تضاعف فهذا يدل على وجود جنين ... وأساسا الجنين مفروض يبان في السونار من الاسبوع 5-7 من الحمل
وللعلم مش بالضرورة يعملولك كحت,,, ممكن بالادوية وممكن بالشفط والله أعلم
ربنا ييسرلك مافيه الخير ويهدي بالك

[ab!r]

الجنين مابين معي الا الاسبوع السابع

[عبير الورد !]

حبيبتي انا جلست شهررررين كل ماراوح يقول كيس فاضي
ولمن دخلت الثالث بان الجنين والنبض بس ماكملت فرحتي بنفس الاسبوع توقف النبض
وصار اجهاضي للمرا التانيه

وحابه اعطيكي معلومه حتفيدك من كتر ماكنت مهمومه بنفس الي صار لك
عندك 3 حاجات حتبين بأذن الله اذا فيه جنين والحمل سليم او لا الله لايقدر عليكي :
1- تسوي تحليل هرمون الحمل وبعدها ب4 ايام ترجعي تعيديه وتشوفي هل الهرمون زاد او نقص
في حال نقص معناتو خلاص الحمل مو زابط
2- تتابعي مع الدكتوره حجم الكيس المره الاولى تعرفي القياس وترجعي تعيدي
الكشف بعد اسبوعين وتشوفي قياس الكيس هل زاد او زي ماهو ماتغير !
3- استشاري الاشعه قالي اذا كان الحمل سليم يكون كيس الحمل زي البالون غير منكمش
يعني زي صور اشعتك اشوف انو الكيس كويس ان شالله
وقال اذا كان مو سليم يكون الكيس شكلو متعرج من كل الجوانب مو عارفه فهمتيني !

والله يكتب لك مافيه خير

رجااااءي انك تدعيلي بالحمل المعافى وكل من تشوف ردي لاتنساني من دعائها
لاني عشت نفس التجربه وحاسه فيكم

[أم لانا وكيمو]

الله يطمن قلوبكم يارب
بس انا اليوم رحت وقاللي الدكتور كيس فاضي وحواليه تجمع دموي ويبغى ينزل لانه ماهو فاعلى الرحم لا نازل تحت شويه بس موقادر ينزل لان الرحم مسكر

وبكرة حروح لاستشاريه واشوف

والله يكتبلنا الخير والصالح هوا ادرى بحكمته سبحانه

ومشكووريييييييييييين عالمرورحبايبي كلامكم من جد يطمن
الله ينولكم اللي فبالكم

[أم لانا وكيمو]

عبير الورد
حبيبتي الله يسعدك ويرزقك ويطمنك وانشالله تحملي بطفل سليم معافى

حبيبتي صح كلامك انا اليوم لما رحت الكيس كان متعرج جدا يعني اتغير بعد ماكان دائري
الحمد لله على كل حال

وعموما انا عرفت انو في اشياء هي اللي تخللي الحمل مايكمل او الجنين ماينمو

اذا زوجك يدخن خليه يدخن بررره

ولاتاكلي حبه سودة بكثرة لانها تزيد مناعة الجسم وبالتالي تخليه يرفض تكوين الجنين

وكمان بعدي عن ريحة الكيماويات والاسيتون

وانا عني يمكن عشان جاتني فترة كنت مريضه وكنت اكثر اكل الحبة السوداء عشان المناعه تزيد لاني برضع وماابغى اعدي ولدي
يمكن عشان كده سبحان الله ماتم تكوين الجنين في الجسم زي ماقلتلك
كتير اشياء نسويها ومانعرف انها تاثر على حملنا وبعدين نقول بدون سبب

والله اعلم
مشكورة حبيبتي والله يرزقك قولي امين ((بتوام كمان اذا حااااابه )))هههههه

[عيون حبيبي]

والله ماعندي خلفيه

بس الله يكتبلك اللي فيه خير لك وللي ببطنك

[طال@عمري]

انا انصحك تصبري 3 اسابيع ثانيه بعدين تروحين تسوي سونار والله يكتبلك اللي فيه خير لك انشاء الله

[أم لانا وكيمو]

حبيباتي مشكورين على تفاعلكم معايه ودعواتكم ليه الله يوفقكم يارب

بس حبيت ابشركم اني رحت اليوم والاستشاريه عملتلي اشعه وقالت فيه جنين صغيييييييييييييير وفيه نبض خفييف وانشالله الله يتمم على خير

[شمعة البيت]

أنا كنت حامل بكيس فاضي بس ما كان شكله كذا
فلا تستعجلي أنتظري كم أسبوع وأذا كان فاضي ع الأسبوع التاسع يمكن تكون الدكتورة صادقة بس الحين بدري .
الله أتمم لك على خير .