السلام عليكم ورحمة الله وبركاتة
أمس كانت أمي تكلمني وتسولف سوالف عادية وأثناء السوالف جابت
سيرة وحدة قريبة لنا أنها كانت تدور لأخوها عروووووس
ولقو له وحدة كل المواصفات اللي يبيها فيها ... وبعد مارحت أخته لبيت البنت تخطبها وشافتها وكل شيء... عرفت أن أمها وأبوها مطلقين من كانت صغيرة
طلعت من عندهم وقالت خلاص بينا اتصال
وأثاريها ناوية خلاص تسحب عليهم ..!!!!!!
وش كان السبب اللي غير رأيها مع ان البنت كاملة ماشاء الله ؟؟؟
أن أبوها وأمها مطلقين ؟؟؟؟؟؟؟؟؟؟؟؟؟؟؟؟
يعني تخيلوا البنت مواصفاتها زينه على كلامها بس صرفت نظر عنها عشان اهلها منفصلين ...؟!
طيب وين المشكلة ؟؟؟
وإذا صاروا أهلها مطلقين وش ذنبها؟؟؟
ليه الناس تنظرها لها أنها ناقصة أو عندها عله ؟؟؟
بصراحة أنا مرررره زعلت على البنت وأنقهرت عليها ... يعني كل مره أحد بيتقدم لها ويعرف أن أهلها من فصلين راح يدور غيرها,,,؟!!
كيف ستنكروا من شيء شرعه الله وماجعله إلا لسبب ....؟؟؟
كيف يعتبرونه غلط والله واضعه لحكمه ؟؟؟
كل هالاسئله تدور في راسي وإلى الآن أن مستغربة ومقهورة ... ليش هالنظرة المتخلفة ..
وش ذنب البنات اللي في هالوضع .. أدري في ناس ماتمانع وعندهم شيء عادي...
لكن أنا قصدي هالفئة اللي عقليتها صغيرة ومتحجرة
صح يمكن البنت نصيبها بيكون مع غيرهم واحسن منهم أكيد...
لكن بأي حق يجرحونها ؟؟؟
ويتركونها بدون سبب واضح ومنطقي ؟؟؟
بنات سؤالي لكم هل ممكن تخطبين لأخوك أو ولدك بنت أهلها منفصلين ؟؟
واللي تقول لا تقول لنا ليه وش السبب..وتحاول تقنعنا برأيها ؟؟
أتمنى تتفاعلون مع الموضوع .. أبي أشوف أرآئكم ونظرتكم ...
في أنتظار ردودكم
10-05-2011, 09:25 AM
هل تخطبينها لولدك أو أخوك ..؟؟؟؟!!!!
كل الحلى 
جديد منتدى المـنـتـدى الـعـام
العرض الشجري
