اعطوني رأيكم اذهب الى الطبيبة ولالا

[ويبقى الامل بالله]

لازم تروحيييييييييييين المشفى
يالغلا لان بعض الموانع والواقي يسبب ف تأخر
الحمل تلاحقي عمرك قبل مادخلين ف الاربعين
سؤاااااااااااال ابي اعرف شلون رضيتي اضلين كل هاالفتره
بدوووون حمل ضيعتي شبابك على موانع الله يخلف عليك

[ضحى وسجى]

اختي وسناء
انا نغس حالتك لما قررنا الانجاب بعد ابني كل شهر اقول هالشهر ولا يصير حمل وتشرف وكان زوجي نفس الكلام يقول لا مافيج شيء نطري عادي لين جاتني برمضان هني قلت خلاص وقنعته ورحت وسوت لي ع طول صورة للمبايض وقالت لي عندك ضعف وقالت طبيعي بسبب تأخرك عن الحمل وعطتني الكلوميد وبعدها ابر منشطات وفعلا جابت مفعولها وقت التبويض والحين اغلب اعراض الحمل المبكره بديت احس فيها وامس بالليل اول مره حسيت اني مو متقبله ريحة زوجي بس الحمدلله اليوم الصباح عادي

وربي يرزقك روحي لا تنتظرين ويمكن تكون عندك نفس حالتي واتوقع اكيد نفس حالتي كونك تأخرتي

[وسناء]

شكراً على ردودكم جميعاً
والله ياأم عباس تقدرين تقولين خيابة نسوان يعني كل ماأشوف لويت وصجة الجهال وأنا مرتاحة وراسي بااارد خصوصاً ولدي الله يحفظه ويهديه هادئ مرة أقول ويش لي بعوار الراس
وزوجي هم كذلك ماله بالأطفال بس يحب يلاعب اولاد الناس على قولته ساعة وبس
ومضت الأيام والسنين والكل يحن ويطحن من أهلنا ويوقول عفيه عليكم ماتغلطون وأحنا والله ولا على بالنا سفر وطلعات وروحات وووو
لكن هالفترة خصوصاً من راح ولدي المدرسة العام الماضي بديت أحس بملل وزهق وفكرت بالمشروع الحمل بس اهو مومقتنع ابد والحين هالكم شهر صار يجاريني بس عن الصياح
واليوم وامس كانت عندنا حرب وهواش عشان أروح أسوي تحاليل وإن شاء الله بكرة إذا ماجد جديد بروح ونشوف والله يستر من النتايج وإن شاءالله نعطيكم أخر الاخباار

[وسناء]

أختي ضحى وسجى
شنو بالضبط عملت لك يعني كشف او سوناار او بس تحاليل؟؟؟