السلام عليكم ورحمة الله وبركاتة
ازيكم يا امهات
اول سؤال امتى ابدأ أأكل طفلى ؟؟؟؟؟؟
فى الطب فيه مدرستين مدرسة بتقول من 4 شهور
ومدرسة بتقول من 6 شهور
انا عن نفسى بفضل اول مالطفل يخلص 4 شهور يتمهم خالص
لية لانك هتبداى بالتدريج على ما يبدأ ياكل وجبة كاملة هيبقى بدأ فى ست شهور تقريبا
هتبدأى بقى ازاى
اولا حاجة نبدأ بسيريلاك أرزلانة اخف حاجة هنعملة بميا معلقتين بس مبميا غير محلى
ونيجى اول يوم وقبل مالبيبى يرضع نديلة معلقة معلقة بس ونرضعة
تانى يوم فى نفس الوقت مديلة معلقة ونص وهكذا كل يوم نفضل نزود نص معلقة لغاية ما يبقى بياكل وجبة كاملة سيريلاك رز
المهم يكون قبل الرضاعة عشان يبقى جعان ما يرفضهاش وتكون فى نفس المعاد عشان يبقى عنده نظام فى هضمة ما يتعبش
ندخل ايه تانى
تفاحة مقشرة مسلوقة
كمثرى مقشرى مسلوقة
جزرة مسلوقة
جزرة على كوسة وبطاطساية مسلوقين
ونبدأ بنفس الطريقة فى كل صنف معلقة ونزود ونشوف تقبل الطفل ونتابع كويس هل الصنف عملة حساسية ولا لأ او عملة اسهال وماتكونش محلاة بسكر ولا عسل عشان هو متعود على طعم لبنك اللى سكرة قليل
بعد ما يكون اتعود ع الحاجات دى نبدأ بسيريلاك قمح غالبا هيكون بدأ فى الشهر السادس وبرد بميا الاول وير محلى تعملى اختبار الحساسية ولو ماشى اوكى ممكن تدخلية بقى مع الخضروات والفاوكه مع بعض اللى انتى بتأكليهملة من الأول تحطيلة معلقة سيريلاك ع الوجبة
بعد ما يخلص 6 شهور جه وقت البروتينات دخليلة كبدة فرخمة مسلوقة و صفار بيضا مش بيااااض وبردو بالتدررررريج خالص لغاية ما ياخد ع الكل ومعدتة تستحملة وعشان ما يعملوش حساسية بعد كدة هنبدأ ندخلة صدر الفرخة النساير المهرية مع وجبة شربة خضار ونضرب فى الكبة ونديهالة
ممكن تعمليلة وجبة فواكة على بعض على سيريلاك وهكذا بعد 8 شهر تبدأى بالزبادى والزبادى مش قبل القت ده زى ماهو معروةف عندنا لا مش قبل 8 شهور وممكن عليها سيريلاك او بسكويت وبعد 8 شهر تبداى تدخليلة اكل من اكلكا العادى تدريجيا مع اكلة عشان يبقى على 10 شهور ل12 شهر بياكل اكل المادة عادى يعنى خضار ورز ولحمة وهكذا
اللبن الحليب البرى ما يخدهوش الا لما يتم سنة
كذلك العسل الدكاترة بتقول يفضل يتاخر بعد ما يتم السنة
حاولى ماتغصبيش علية وانتى بتاكلية وتكرهيه فى الاكل
لاعبية واشغلية افضل واكلية على جوع وهو ياكل وربنا يبارك فى اولادنا واولاد المسلمين يارب
منتظرة دعوة حلة منكوا بظهر الغيب
08-22-2011, 05:12 PM
الطريقة الصحية لادخال الطعام للاطفال مع الرضاعة
om arwa 
جديد منتدى استفسارات رعاية المواليد
العرض الشجري
