ام الزوج هل هي الداء حقا؟؟

[sweet moon]

نقاش حلو

وماشالله ماقصروا البنات بالردود

وطبعا وكل وحده على حسب اللي عايشته

يعني لاتكتبين تجربتك وتقولين سوي وسوي ولله انك تعيشين ملكه

ولا تقولي لو عاملتيها مثل امك كان وكان

كل وحده لها تجربتها في حماتها

والحماه تختلف من بيت لبيت

في الطيبه الودوده الخلوقه اللي تعاملك بنتها واكثر

وفي اللي يارب لاتغضب علينا .. لسانها سليط ومتبرء منها

ويعطيك العافيه على الموضوع

[ناديا]

انا مع بعض العضوات صراحه انا عطيتهم وجه واعتبرتهم اهلي لاكن كانت غلطتي والحين احاول اخلي العلاقه رسميه بيننا بس مافيه امل راي وراي الله يعين بس ..
مشكورات على المرور ,,

[كل الحلى]

بالنسبة لي انا ماعندي ام زوج
لكن أنا أفضل تكون العلاقة رسمية
لاتعدى حدودها ولاتتعدى حدودي
كذا راح يكون بينا أحترام
وهذي طريقتي مع اخوات زوجي مع انهم حاولو يدخلون معي في العميق
بس حطيت لهم حد وبعدها صارت علاقتنا سلام وكيف الحال وبسسسس

وهذي احسن طريقة عشام الوحدة تفتك من وجع الراس والاخذ والرد
في موال ام الزوج وخواته اللي ماينتهي

[مملكة الحب]

ليش كل هالتحامل على أم الزوج .

ليت كل أمهات الزوج مثل عمتي أم زوجي الله يحفظها ويطول بعمرهااا ياااارب

والله يابنااااات ماأباااااااالغ إنها تبدي حريم عيالها على عيالها ماترضى بالظلم وعند الأكل ماتسمعيها غير تنادي عليهم .

مالها دخل بأحد ولا تدخل بأحد وحالها حال نفسها وإنسانه عزيزة نفس الله يسعدها ويرضى عليها آميييييييييييين وياارب مايغير علينا والحمد لله اللي جعلها كذا معانا كلنا حريم عيالها .ومهما قلت ماراح اوفيها حقها هالإنسانه

مشكوووووره غلاي ناديا عالموضوع الراااائع مثلك

[زوجي سعدحياتي]

السلام عليكم
وكل عام وانتم بخير
والله ياريت كل ام زوجي زي ام زوجي الله يطول بعمرها
طيبه وحنونه وتحبني وانا اناديها امي من طيبتها احسها زي امي الله يحفظهم
يارب...

[اللؤلؤة اللامعة]

بصراحه تختلف الحموات من وحده لوحده واصابع اليد مو سوا يسلمووووووووا

[ام فهاد]

الله يعطيك العافيه ع هالموضوع
اما انا ولله الحمد ويشهدالله من تزوجت لي عشر سنوات وشوي
ماعمرام زوجي كسرت خاطري بنص كلمه
حتى قبل احمل دوم تصبرني وياويل زوجي يقولي شي
تسويله يوم ونص يوم
ودوم تعاملني احسن من بناتها
ربي يدوم محبته لي ولايغير علينا ويحفظه ويخليها لي وتفرح بشوفة ولدي اوبنتي

واكيد راح تستغربون وودكم تعرفون سرحبها لي
اول ماتزوجت ولدها كانت ماتمشي من حادث ووضعه سيئ كنت وقته عروس
كل ماتزورني وحده تقول جيبي شغاله وش حادك ع التعب
مافتحت اذوني لحد وقلت اكسب اجره واعتنيت فيها
وعاملتها مثل امي وكنت انوم فراشي جنب فراشه الااذ بغاني زوجي لبيتله
ورديت واستمرهالوضع 3سنوات وكنت اراجع فيها للمستشفى لين
استردت عافيتها وقامت تمشي
ومن يومه وهي الام والصدرالحنون لي
حتى بعض اوقات اقوله ع اسراري وكانت خير ناصح لي
ومااااااازااااااااااالت اطيب واروع وارق قلب محتويني ومفضالاني ع الصغير والكبير

والغالي لي انا بس برغم ان حريم عياله طيبات بس انا عندها غيييييييييير
بنات ترى ام الزوج مثل امك بس الذكيه تعرف كيف تكسبه بتعاملها وبالكلمه الطيبه
والذي نفسي بيده اني لومرضت اوبكيت تبكي معي
ولاترتاح ولاتهنى الا اذا شافتني سعيييييييده
ولكم تحياااااتي بااعطائي هذه المساحه

[عيون عزوز]

على حسب تعامل الزوجه بحسب وجهة نظري خليكي طيبه وعلى نياتك حتعقدري تكسبيها عامل الناس كماتحب ان يعاملوك<<هاذامبدأي بالحياه