اختي واسماء اولادها

[حياتي انا]

صراحه مالها حق تتدخل
بعدين هي جابت عيال
وسمتهم ليه ماتخلي اختك تسمى بكيفها

[تسسسآهيل]

آآآآكيد من حق اختك

دام عمتها سمت الاول .. المفرووض ترفض تسمي الثاني

[أم ليلاس]

احس اختك انهزاميه


يعني لو انا منها لو يطيرون والله محد شال تعب الولاده معي


انا من تعبت

بس السالفه بالتفاهم المفروض تفاهمت مع زوجها واقنعته ومن اقتناعه يقنع امه


اما اني اسمي عيالي اسماء قديمه عشان ماتزعل والله بكيفها عندها بناتها لمن يحملون تسمي عيالهم انا بروح عند امي تسميهم لي

لكن الحمدلله عمتي مو من هالنوع ابداً


بالعكس ماعمرها تدخلت ولا بشيء في حياتنا مع انها اقرب وحده من بيتنا


وامي بمنطقه ثانيه


يعني ماادري احنا بـ 2011 وباقي هالعادات القديمه البايخه


اقول خلي اختك تغير اسم بنتها وربي الظليمه شينه للبنت هالايام تجي الام اسمها احلى من اسم بنتها


عندنا وحده اسم امها نوف وبنتها اسمها سلوى !


شوفو التناقض


الله يعينها بس

[((ام ليان))]

خلاص دام سموا خلاص وش بتسوي بتغير الاسم
هي اللي رضيت من البدايه الله يعينها

[شوكلاته22]

والله بالنسبه لي مستحيل اخلي احد يفرض علي رايه غصب
عمتي قالت لي اذا بنت سميها بئسمي وقلت لها اسفه
بنتي محد راح يسميها غيري
يعني انا اتعب وغيري يسمي?
ابسط حقوقي بعد هذا التعب كله اني اسمي الاسم