فيج والا فيه؟ ارجوا التثبيت بليييز

هادية · 04-21-2011, 06:05 PM

حبيبتي العيب فيني انا مو زوجي انا عندي التصاقات في الانابيب

سموة الشوق · 04-22-2011, 01:08 AM

1/ معرفه انواع المشاكل للطرفين
المشكلة من زوجي الغالي

2/ اشلون اكتشفتي المشكله؟
طبعا بعد تأخر الحمل بسنة رحت للدكتورة وقالت مافيك شي ويادوب غقتنع زوجي بعد سنتين يروح ويكشف عن حاله.

3/ وش الفحوصات اللي سويتوها؟
كل شئ يخصه واكتشفنا انه عنده قلة بالحيوانات المنوية
الله يشفيه ويعافيه يارب

4/ وش العلاج؟
على طول قالوا لنا أطفال أنابيب

5/ نجح العلاج ولا لا؟
عملناها بس مانجحت كل الخطوات تمت والحمد لله ولكن بعد 13 يوم من الترجيع نزلت علي الدورة
يارب تعوضني خير

عشقت الحب لجل عيونك · 04-24-2011, 10:10 PM

مرحبا اختي هادي
بالنسبة للالتصاقات على حد معرفتي يبيلها جراحه عن طريق البطن لتسليك الانبوب الناقل للحيوان المنويه
اظن وان كنت ماعندي خلفيه كبيره بالموضوع
بس وش قالولج وش حددولج؟
عمليه او على طول انابيب؟
الله يشفيج يارب
ومشكوره على تواصلج وطرح مشكلتج

عشقت الحب لجل عيونك · 04-24-2011, 10:11 PM

يامرحبا بسموة الشوق على راسي والله
يختي لاتتحبطين وخلي ايمانج بالله قوي
واذا ماظبطت هالمره صدقيني بتظبط ياثاني او ثالث او رابع اذا الله اراد
اهم شي الحماس
الله يوفقج يارب وتسمعين كلمة مبروك حامل

دمعة حرمان · 04-29-2011, 02:16 PM

/ معرفه انواع المشاكل للطرفين
المشكلة من زوجي عنده دوالي ومأثر على عدد الحيونات وحركتها
2/ اشلون اكتشفتي المشكله؟
بعد تأخر الحمل لمدة سنة سويت فحوصات طلعت كلها سليمة 00 الدكتورة عطت زوجي تحليل السائل المنوي وكانت الصدمة كبيرة لان عدد الحيونات المنوية والحركة ضعيفة
3/ وش الفحوصات اللي سويتوها؟
تحليل دم ليوم ثاني الدورة وواحد وعشرين واشعة الصبغة
اما زوجي تحليل السائل المنوي واشعة وتحليل دم 00 ونتيجة الاشعة طلع عنده دوالي
4/ وش العلاج؟
عمل عملية الدوالي قبل سنة وهذا هو مداوم على العلاج
5/ نجح العلاج ولا لا؟
العملية نجحت لكن العدد ما زاد كثير اما الحركة بعدها صفر وهذا ما حطمنا بصراحة

عشقت الحب لجل عيونك · 04-30-2011, 02:03 AM

لاحول ولاقوة الا بالله
ادعي ربج واستغفري بنية علاج زوجج
ولاتفقدين الأمل
وكل مشكله ولها حل فديتج
الله يصبركم ي
ويفرج همكم
يااااااااااااااارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المسترجله .. .(ارجوا التثبيت)	قلب عايض	المنتدى الاسلامي العام	2	07-20-2011 11:42 PM
موسوعة اكسسوارات :::: ارجوا التثبيت	وداد	الموضة و الجمال	24	06-24-2011 03:54 PM
تـجـمـع الـمــغتــربــــات حياكم ^_^ ارجوا التثبيت	سكر عسل	إستفسارات حوامل من الشهر السابع إلى الشهر التاسع	8	05-20-2011 12:05 PM
افكار جديده للحفلات والسهرات الرومانسيه ارجوا التثبيت	كويكلي	منتدى الحياة الأسرية والزوجية	0	10-26-2010 10:02 AM