مشيمه خلفيه .. شو يعني ..؟؟

[حور الامارات]

السلام عليكم .. كيفكم يا حوائيات .. ان شاء الله بخير

انا مسجله في المنتدى بس هذي اول مشاركه لي . . انا يوميا ادخل اقرا افكاركم ومشاكل بعض الحوائيات من جوالي

وشفت شكثر انتم ما شاء الله عليكم تخافون على بعض وتساعدون بعض

حبيت اشاركم مشكلتي واحصل لو القليل من اهتمامكم لمشكلتي هذا

هذا حملي الثالث ماشاء الله وانا حاليا بداية السابع والدكتوره قالتلي ان المشيمه خلفيه وسألتني عن حملي الاول والثاني هل كانت الولاده طبيعية ولا .. قلت لها هي طلق طبيعي يعني من قيصري قالت ان شاء الله خير وان شاء الله المشيمه تكون بينها وبين الرحم مسافه يوم تدخلين الثامن

وانا خايفه لان حملي الاول كمل 9 شهور بس قبل موعدي بكمن يوم توفى الجنين في بطني بسبب ارتفاع السكر وعطوني طلق وولدت وكان ولووود .. الحمدلله على كل حال .. وان شاء الله شفيع يوم القيامه
والحمل الثاني الحمدلله تم بحمده وطلع ولووود صغير تبارك الرحمن ربي يحفظه لي عمره سنه ونص الله يحفظه

وانا من سمعت الدكتوره تقول ان شاء الله ما تأثر عليج المشيمه وانا خايفه اولد قيصري

شو اسوي عشان ترجع المشيمه مكانها ؟؟ طلبتكم ياخواتي اللي تعرف لاتبخل على .. واللي ماتعرف ترفع الموضوع بدعوه .. ربي يحفظكم ويسهل على كل حامل .. ويرزق كل وحده تتمنى تحمل يارب