نداء لكل من ولدت ولادة مبكرة بعد 20 اسبوع تدخل

[ام سولي]

زهرة البنفسج الله يخليها لك يارب العالمين بس اقرأي عليها على طول
ام نجود الله ياجرك في مصيبتك ويخلف لك خير منها يارب الحمد لله راح تشفع لج بالاخرة الدنيا عبر راح نتركها

[ديم الوفا]

انا حملت بعد كورس منشطات واخذت مثبتات للخامس

ويالاسبوع 25 او 26 مااذكر بالضبط

جتني الام بسيطه وكم قطرة دم... رحت المستشفى واصرت عالكشف لقتته فاتح
3سم وقالت خلاص ولاده ,,,وهذا الطفل اسقاط ولاعطوني مثبتات ولاشي

وطلبتها اطلع لمستشفى ثاني افضل وقالت لو طلعتي تطلعين على مسئوليتك
واحتمال تولدين بالسياره ...طلعوني الولاده الساعه 5ص وعادي مافيني شي اتفرج عالحريم .... وادعي ربي يعينهم

وشوي حطولي ابره بالمغذي ........ وجاني الطلق ,,,الآم ببطني وولدت بعدها عالساعه 8 صباحا طبيعي

وشفت الطفل كأن وزنه 900جرام وازود شوي ...
قعد بالحضانه من ولادتي الى ثاني يوم 5 ص ... جعله الله شفيعاً لي
ويشهد الله اني ماغاب عن فكري ولا قلبي

طبعاً سبب الوفاة توقف حاد في الدورة الدموية ....

والآن حامل طبعأ بعد منشطات ,, بالشهر السادس وهالشهر احسه مسبب لي رعب ...
بس اسأل الله يتمم لي ويقر عيني يارب

ومن زمان ودي اسالك ام سولي كم سؤال

س1:/ هل بحملك كنت مسويه ربط؟؟؟

س2:/ وش سبب ولادتك المبكره وكم كان رحمك مفتوح لما رحتي ؟؟؟

س3:/ وش قالولك الدكاتره عن اقصى وزن يتحمله الرحم بالحمل الثلاثي ؟؟وباي اسبوع كانو متوقعين ولادتك ؟؟؟

س4:/ وش حسيتي فيه عند الولاده او ماهو سبب الولادة ؟؟
اتمنى مااكون ثقلت عليك بالاسئله وجاوبيني بدقه لاني من زمان ابي اسالك من قريت موضوعك بتجمع التؤام .....

يسلمو

[رنيم20]

انا تقريبا نفس حالتك اختي ديم الوفا انا جبتها بالاسبوع 24 وكان وزنها 500 غرام وقعدت خمس ايام وماتت لانها ماكانت مكتملة يارب صبرني وعوضني خيرا يارب انا مثلك انفتح عندي الرحم 4 سم

[امـ نجود.]

س1:/ هل بحملك كنت مسويه ربط؟؟؟
لالالالالالا بس قالو ادا حملتي مره ثانيه لازم تحتاجي ربط
س2:/ وش سبب ولادتك المبكره وكم كان رحمك مفتوح لما رحتي ؟؟؟
انا من الشهر الخاامس ورحم يفتح عندي ويتقفل لين دخلت بسادس وفتح 4وبعدين تقفل ورجع فتح 7 ولدت على طول


وان شاء الله االله يعووضنا يارب

[بنت الكريري]

السلام عليكم..
أخواتي العزيزات أنا لي 15 يوم من ولادتي بأبني البكر الله يحفظه ويخليه لي ولأبوه..
كانت ولادتي في الأسبوع السادس والعشرين وأربعة أيام وكان وزنه 900 غرام والحين وزنه ينزل ومررره خايفه عليه وحاطين له أجهزة تنفس وأجهزة ثانية وحاليا في العناية المشددة..
بالنسبة لسبب الولادة المبكرة كانت المويات على الجنين كثيرة ونزل المويه كثير في البيت ولما وصلت المستشفى قالوا الرحم فاتح 10سم..
بس الحمدلله على كل حاااال .. تكفون أدعو له بأن الله يشفيه ويجعله ربي قرة عين لي ولأبوه..

[ام سولي]

ديم الوفاء حبيبتي لا ينجي حذر من قدر انا عملت ربط ومنسدحة ومرتاحة والمشيمة ممتازة ووزنهم متقارب وممتاز بس نزلت علي موية بالاسبوع23 بدون دم حتى ما شفت الدم الابعد الولادة وجلست ثلاث اسابيع ثم ولدت جاني طلق قوي وكانو بيولدوني طبيعي رفضت بشدة وولدوني قيصرية عالاسبوع 26 بالضبط
والله انك صادقة الشهر السادس مرعب اكرهه تقعد الوحدة متوترة لا هي بالأخير وتولد ولا بالاول ويعتبر سقط لو ولدت وبهالشهر يسمى ولادة مبكرة والطفل شديد الخداج وفي حالات عاشو وحلات لا يعني الام لو عدت هالشهر ارتاحت شوي كنت اكره الشهر السادس ومن بداية حملي اعد له عد ياربي يخوف هالشهر بجد

[ام سولي]

بنت الكريري بأي مستشفى ولدك وهل حملك انابيب

[ام شوق05]

هلا فيك انا ولدت بالاسبوع 21 وكانوا توأم ولد وبنت ولدت قيصري ** والولد كان وزنه 900 جرام والبنت 1300 جرام والحين عمرهم 6 سنوات الولد بخير والحمدلله والبنت عندها شلل دماغي الله يشفيها كان بسبب نقص اوكسجين بعد الولادة حسبي الله ونعم الوكيل **

[طفله بنظر زوجي]

انا ولدت بالاسبوع 27 وكنت اخذ حبوب مثبته ونزل على دم خفيف ورحت المستشفى قالت لازم نكشف من تحت وبلغصب رضيت قالت لي 5 سم ولاده وانا مااحس بشي وجلست من 7 الصبح ولدت 7 المغرب وحطوه بالحضانه شهرين واالحمد الله الحين طيب

[~ L o l a]

.................................