علموني .... شسوي ..!!!

[حجازيه]

شوفي ياقلبي البارد ممنوووووووع اشربي كلوا شي دافي
ينزل الوسخ ويشيل الكرش
الرز والمكرونه والفصفص ابعدي عنها لانها تزيد الكرش
لكن البخور عادي أصلا كيف بتتحملي نفسك من غير بخور ولا عطر
هاذا أنآ طول فترة نفاسي بخور وعطور إنتي بس اتوكلي على ربك
وأكيد الوالده راح تفيدك

[●|ڄ۫۫ۅريےّْْْ|●]

انا بعد ما طلععت من غرفة الولاده

شميييييييت عطرت ملابسي و ملابس بنتي ولبستهم عشان ما اتأثر بعدين

و ششربت مررر عشان ما تصير التهابات او ششمم ربي يسسستر

صعب تمنعين اللي حولك من العطر او البخوور

[Almasah]

:)
أم غرام عادي حطي سؤالك
بإنتظاره


حجازيه و جوري
ماقصرتوا

بس انا مدري وش تأثير البخور والعطر ع الوالد بفترة النفاس
ولا البارد البارد قالوا يوسع المنطقه


بإنتظار باقي البنات

[Almasah]

:)

وينكم قريب بولد ان شاء الله

[▂▃ سوسو القمر ▃▂]

شووفي ياعسل وقت مايجيك الطلق عطوول جهزي منديل وبخي منه كل عطوراتك
وشميه واول مااتطلعين للغرفه بسلامه بعد شميه وشمي مولدك منه هذا عشاان الشمم يعني
عشاان ماياثر عليك العطور والبخوور
وتلتهب خياطتك
والبااارد والعصااير ممنوعه الغااازياات ممنوعه تمشين حاافيه علي السراميك ممنوع
الحلبه بس العشرين الاولي بعده وقفيها
وخليك علي الرشاااد وبااقي الاعشااب
الدارسين مررررره موفيد
والمره تعتبر مضاااد حيوووي كثري منها
وخلي كل اكلك دسم وحاااار
ان شاء الله تقومين بسلامه

[لوللا]

الله يقومك بالسلامه .. انا بكرية وولدت قبل شهرين و18 يوم ..

شوفي البارد ممنوع طبعا والسبب مو بس عالمنطقه .. عشان لا يطلع لك كرشه ..
والله اتذكر شغالة ماما قبل ما اتزوج بشهر كانت تقول لاتشربي بارد اقولها ليش ؟؟ تقول

ما يجي مدام عشان بعدين زوج مافي كويس ؟؟
قصدها وقت الجماع ... ههههه

المهم .. البارد ممنوع ..حتى العصاير اشربيها وهي بدرجة حرارة الغرفه ..
الاشياء اللزجه .. ممنوعه ..
الفصفص .. عشان لا يسبب لك غازات..
والاكل اللي امي الله يحفظها اكلتني منه ..
مسلوقة لحم او دجاج يوميا ..
الكبده يوميا عشان الدم ..
الصباح الحليب يوميا ....
العسل الاصلي والسمن البري . يوميا .. ولاتفكري يسمنك .. بالعكس .. وانا لاحظت على نفسي ..
عصيدة تمر مو بر .. عشان لا يجيك امساك ..
هذه الاشياء مفيده .. وماتسمنك بالعكس ..

هذه غير الحلبة والرشاد والشمر وقهوة القشر .. يعني الامور المعروفه للنفاس ..

اهم شي اقول لك الرشاد في العشرين الاخيره .. احس معظم البنات مايعرفوا انو بالاخير ..
الرشاد يقفل عظامك زين بعد ماتكون مفتوحه .. ولازم تنظفي اول شي رحمك وبطنك يعني بعدين تقفلي جسمك بالرشاد .. هذا كلام امي وجدتي وخالتي ..

بالنسبة للبخور والعطور .. والله مدري عنهم انا قرأت في النت انه يجيب الالتهاب .. انا صراحه عادي بخرت غرفة النفاس اهم شي والبيبي مو في الغرفه ..واتعطرت بالمسك ..

ربي يقومك بالسلامة ..

[Όм чαяα ♡♥]

رفع رفع رفع

[جارة الحرم المكي]

يابنت الحلال كلي اللي تبين الا الغازيات واكثري من العصائر الطبيعية للبشرة والاكل اللزج انا اصلا ماحبه وماكله لكن سمعت انه مايصلح مدري ليه لكن انا سمعت وجربت شرب الحليب بالكركم مو تكثري من الكركم على الحليب لانه ينشف الافرازات والرطوبه وكويس بس فترة الدوره والنفاس

[Almasah]

:)
أنا ولدت ولله الحمد
بس أكيد هالموضوع بيفيد البكريات

بقولكم وش صار بنفاسي
بالنسبه للعصيرات البارده اصلا ولدت ايام الشتاء كنت احط العصير بثلاجه قبل مااشربه بساعه او زياده شوي ولا كنت اشربه كل يوم او اشربه على حرارة الغرفه لأن الغرفه بااااارد >> ولدت بعز لشتاء

بالنسبه للبخور امي وخالتي قالوا لاااااااااااااااا تلتهب عمليتك
كنت بس بعد الغداء اخليهم يجيبون البخور الغرفه يبخورنها علشان ماتصير ريحة الغرفه حلبه لأني اتغدا رز حساوي " مخلطه " نسميه
هذا هو شكله للي مايعرفه وفيه حلبه وثوم ورشاد


حتى اللي يجون زياره يقولون مافي ريحة والد
قصدهم مافي ريحة الحلبه والثوم بالغرفه
كنت افتح النافذه الظهر واطلع انا وبنتي الصاله علشان الغرفه تتهوى مااحبها كتمه وريحة الحلبه تصير وي وي

صرت اكل العشا عصيده احبها احبها
مو كل ليله طبعا
العشاء عااادي اي شيء امي تسويه اكله
فيه شوربة الرشاد لازم امي اذا ولدوا خواتي تسويها لهم
انا لااااا ماسوتها لي لأنها تعرفني ماأحب الخرابيط
تقولي زين تحبين المخلطه اللي هي الرز الحساوي

العطر طبعا ماقدرت مااتعطر
اتحمم واغسل شعري بشامبو وجسمي بصابونة ديتول وامر على العمليه بمطهر بيتادين وشاش اغطه بمره منقوعه بماي وامسح كل يوم
وانشف روحي بالفوطه وامس ع العمليه
واحط لي بودره بجسمي واستخدم مزيل عرق
واعطر ملابسي قبل البسها
واوقات والله اتعطر عادي
كثير ترى قالوا لي مافيج ريحة والد ولا الغرفة ريحة والد
الحمد لله
بالنسبه الملوخيه والاشياء الزجه ماانسويها احنا عادة
اشرب الصباح حليب كوب
وتحط لي الماما جبن وعسل وبيض مغلي
يعني فطور متكامل كل يوم نوع تغير انواع الفطور المعتاده

كنت أللبس الشراب ماامشي على السيراميك سمعت نصيحتكم
حتى مره مرت خالي جات وصدفه توني فاصختهم وعصبت علي قالت موووووو زين تمشين حاافي قلت لها توني فاصختهم داخله الحمام تكرمون

مااخليت نفسي اتعرض للهوا ولله الحمد ماصابني او دخل فيني هوا أو اللتهاب
الحمد لله على كل حال
ولأني عمليه كل يوم أمشي بصاله بالغرفه لمدة نص ساعه وأوقات ماأقدر أكمل

وربي يقوم كل وحده بالسلامه وعساااااااااااااكم ماتجربون العمليه