انا حامل او لا؟؟

[um layan]

سلااام ...
شنو اخباركم يا احلى منتدى ؟؟
انا عضوة جديدة وحبيت اشترك في هالمنتدى لان حسيت انكم كلكم على قلب واحد :)
انا ابي احمل بس ما احب اتحجى بهالموضوع مع اهلي او اهل زوجي لان ما ابيهم يحاتون او يفكرون وياي .. والصراحة ما احب الاسئلة الزايدة ..

انا زوجي شغله اغلب الوقت برا الديرة ..
دورتي بالعادة كل 29 يوم او 30 يوم (( هاي من عقب ما تزوجت ))
انا صار لي سنة ونص متزوجة
من 3 شهور وانا احاول احمل بس الله ما كتب
هالشهر اجتني الدورة 6-12 وزوجي كان مو موجود .. وايد تقدمت علي لانها اجت بعد 21 يوم بس من الدورة القبلية .. الكل كان يقولي ان هاي معناته ان رحمج قاعد يتهيأ للحمل :)
رجع تاريخ 17-12 يعني كنت في اليوم 12 من الدورة وصار الجماع
اليوم اللي عقبه مباشرة سافر مرة ثانية :( (( تاريخ 18-12))
نفس اليوم اللي سافر بالليل زادت على الافرازات ووظلت لي ثاني يوم
اليوم بديت احس اني صدري ثقل شوي مع ان باقي تقريبا 12 يوم على دورتي
في احتمال اكون حامل ؟؟
مو قادرة اصبر لان وايد مشتهية احمل هالشهر .. خصوصا اني ادرس وقاعد احاتي الدوام اذا ما صار حمل هالشهر
ابي احلل واعرف اذا حامل او لا
اهل الخبرة تقدرون تساعدوني وتقولون لي انا حامل لو لا
اتمنى ما تهملون موضوعي لاني جديدة واصلا ما اظن ان هذا الطبع موجود بهالمنتدى

ناطرة ردودكم واسفة لاني طولت عليكم ....