ابي استشارتكم يااخوات...

[همي رضا ربي]

المشاركة الأصلية كتبت بواسطة مضيعة

.
.

اشوف انك تآخذينها افضل ,, وبرضو يا أختي دام المستشفى قالو لك ما في سبب معين لاجهاضاتك فهم للاسف مو مهتمين لحالتك ابد ,, كييييييف اربع اجهاضات ويقولون مافي سبب !
لازم تشوفي مستشفى ثاني يشوفون لك كل شي سوي تحاليل شامله لان اكيد في سبب ,, يا انه الرحم صغير وهذا صار لي من قبل اجهضت اول حمل لي في السادس و اجهضت بعدها في الثاني
وطلع العلاج لحالتي هو الراحة من الحمل لمده سنتين , لان الرحم يتأثر من حمل واجهاض اكثر من مره ويضعف ,, وبرضو في حالات ما يستمر فيها الحمل الا بربط عنق الرحم ويصير تقريبا في الشهر الخامس ويشيلونه في الشهر التاسع .. وفيه حاجات غيرها كثير ,, لذلك حاولي تشوفين مستشفى ثاني يا قلبي وبالنسبة لاسبرين الاطفال انا اخذته بحملي بولدي بعد الاجهاضين وكنت انزف من الشهر الخامس لحد التاسع وانا ينزل مني دم يعني يوم ينزل ويومين لا ويوم وثلاثه وكذا واكثر فتره اجلسها بدون ما ينزل مني دم اسبوع ونص ولكن الحمدلله تم الحمل والولد طلع تمام وعمره اربع سنوات الله يحفظه ,,

والله يتمم لك هالحمل ويثبته وتقومين انتي والبيبي بالسلامة .. ولاتنسي تسألينها المره الجاية عن ربط عنق الرحم ..


وبالتوفيق

مشكلتي رحت لدكتورة باكستانيه كلن يمدح فيها وللاسف هي اللي قالت مافيه اي سبب وبعد مارحت لمصريه سوت لي تحاليل قد ايش ولكن كل شي سليم ولله الحمد وخافت تكون اجسام مضاده وعلشان كذا قالت لازم الابر

الله يخلي لك عيالك ويحفظهم
ومشكوره على الدعوه الطيبه

[روزليتا]

حبيبتي خذيها لانها تسيل الدم وتمنع باذن الله تكون تجلطات تمنع وصول الدم للجنين عرفتي يعني بارادة الله ممكن تحدث تجلطات باي وقت انتي خذيها عشان تبرين ذمتك وتكونين عامله اللي عليك وتوكلي على رب العالمين واستمري ع الاذكار والقران والله يتمم علينا وعليك..

[زهرة البنفسج]

حبيبتي انا اخذ هذي الابر الحين من اول حملي والدكتوره تقول لين التاسع واخذ بعد اسبرين ..والحمدلله للحين انا بخير والجنين بخير يارب لك الحمد ..
انصحك تاخذينها لانها فعلا توصل الغذاء للجنين بإذن الله تعالى خصوصا ثل حالتك لان احيانا يكون السبب مجهول ..
انا لي سبع سنوات والسنه اللي فاتت حملت واجهضت ..والحمدلله لما حملت الحين زي ماقلت لك من اول حملي اخذهم ..توكلي علىالله لان ربي خلق الداء والدواء سبحانه ..
والله يتمم لك بخير

[همي رضا ربي]

روزليتا وزهرة البنفسج
الف شكر لكم والله انك طمنتوني الله يطمنكم
باذن الله راح اخذها وربي يتمم لي ولكم على خير