محتارين بجنس الجنين!!!!!

[•.ღ˚نور˚ღ.*•]

ام البدرين ,, حاولي تهدين نفسك ياقلبي وشوفي التصوير اللي قلت لك

وتاكدي ان هالبيبي بوداعه الرحمن وحفظه سواء بنت او ولد وربي عند حسن ظن عبده به

ولاتوتري نفسك بخصوص هالشي وطمنينا عليك قريب..

[~~لحن الحياة~~]

حبيبتي عادي بتصير دائما وكلي امرك لله
انا اختي كانت حامل والدكاترا كلياتون اكدولا انها حامل ببنت وجهزت جهاز بنت وعند الولادة كانت المفاجأة انها خلفت ولد والحمدلله على كل حال ربنا وحدو هو العالم بما في الارحام وهلأ بجنن سمتو عمر عقبال عندك حبيبتي
تقومي بالسلامة انت والبيبي

[النار الباردة]

عااااادي ليش تحتارين يابنت الحلال مردكـ بتولدين وتعرفين شنو هو ولد ولابنت

حتى لوعرفتي الحين شنو جنسه احتمال يخطأون سبحان الله

ومن ناحيه التجهيزات جهزي الي تناسب الجنسين وبعد الولادة كملي الباقي

انا الحين بالسابع ولاعرفت شنو الي في بطني بخليها مفجأة احلى

وبفرح الصراحه بالولد وبالبنت وانا بكريه توكلي على الله

[ام البدرين]

توأم كوكي
نوره
النار البارده
الله لا يحرمكم الاجر ويرزقكم الجنه اللهم امين
اشكر اهتمامكم وردودكم غالياتي

[الأمل الجديد]

اختي وسعي صدرك وريحي بالك , مدري شفيهم المستشفيات صايرين يخربطون كثير بجنس البيبي والله كل الحوامل الي بالعايله قالو لهم شي بالشهور الاولى والشهور الاخيره صار العكس وكل خلال هالسنه , اهم شي الصحه والعافيه وان الله يتمم لنا على خير ونشوفهم بصحه وتتسهل ولادتنا يارب ياكريم

[ام البدرين]

الامل الجديد شفتي عاد البلى انه طبيبي اللي ماسك حالتي من يوم حملي الاول ومتابع كل شي معي بسبب مشاكل كانت عندي بالرحم واللي قهرني حسيت الحين مو واثق باي كلمه يقولها وتردده اللي ذبحني
الله يعين بس

ربي يوفقك يالغلا

[ranim]

الله يريح بالك أختي أم البدرين ويرزقك الذرية الصالحة السليمة المعافية

أنا في الشهر الخامس والحمد لله والحين ماأعرف شو عندي بنت ولا ولد, المهم يكون سليم معافي من كل عاهة أو بلاء ويكون سليم بدون زيادة أونقصان

اللهم آميييييييييييييين

الله يطمن بالك ويحفظ جنينك من كل شر ، أكثري من الإستغفار ومايكون إلا اللي كاتبه الله .

[ام البدرين]

رنيم ربي يرزقك اياه طفلا سليما معافى حسن الخلق والخلق ويجعله بارا بك وبابوه ويسخر له خلقه
اللهم امين
جزاك الله خير يالغاليه

[منتظره]

اختي ام البدرين لاتشيلين هم

انا بالسابع والى الان ماعرفت جنس الجنين

واحس اني زيك ودي اعرف بس هم ارجع واقول الي يجي من الله

انا راضيه فيه صحيح انا اتمنى بنت

لكن خلاص هيئت نفسي لااثنين سواء ولد او بنت اهمو شي السلامه

وتجهزايتي راح اخليها موحده

الله يهون عليكي يارب

[ام البدرين]

اختي الغاليه منتظره
ربي يفرجها عليك ويرزقك العطاء الصالح السليم المعافى ويرزقك ما تتمنين بلا زياده ولا نقصان وانا وكل حامل ويرزق كل محروم ومحرومه اللهم امين
تسلمين اختي عالكلام الراقي والرائع