قصة زواجي ،،،،،،،،،،،،،

[أسيرة زوجي]

قصص حلوة كثير

الله يديم العشرة و المحبة بين الازواج

انا زوجي كان استاذي بالجامعة

[الله أملي ورجائي]

وانا بعد حبيت زوجي

اول صدفه شفته فيها

كنت في السوق مع امي

وفي واحد تحرش فيني وقط الرقم علي

واهو انجن وصارت خناقه الها اول مالها نهايه

وانا وامي عملنا حالنا موشايفين شي ولاكأنه انا الي متحرشين فيني


وراها بشهرين تقريبا صادفته بمول كبير عندنا

بصراحه ماتذكرته بس كنت مشبهه عليه

وقعد يلف ويدور ورانا لين ماخلصنا حاجتنا وطلعنا

انا اسوق واهو وراي بسيارته انجنيت منه

وصلنا لباب البيت

وصار كل يوم مزروع بباب البيت

قلت لامي عنه
اطلعت كلمته قال لها انا اصلا ابي اخطبها واجيب اهلي

عاد تدرون اخر شي وين تذكرت اشوف ويهه؟

في الجامعه عندنا
طلع استاذ عندنا وانا مدمغه

وسبحان الله جاب اهله وماوافقت عليه

وكل واحد راح بطريقه

وبعدها قام يلومني ويكلمني ويخرب بيت عدوه

حبيته اي والله حبيته وبعد ماخطبني اول مره
وراها ب٦ شهور رجع خطبني ووافقت عليه
بس عقب ايش بعد قصه حب

عاد الحين يعايرني ليش رفضتيني؟


الله يحفظه ويخليه لي يارب ويحفظ لكم ازواجكم

[ام فارس 2015]

الله يسعدكم
انا بكتب قصتي وان شاء الله كل تاخيره فيها خيره
اذا على الحب والعشق كله عشته مع شبابي
وتركته وودعته المهم
انا اول زواجي قصة حب حلوه فوق الخيال ربي يسعده يهنيه مع زوجته الجديده
انا تزوجت 3مرات
بعد ماتطلقت رحت اقدم على الضمان الاجتماعي
قلت في نفسي يمكن اخذ سنه سنتين ماتزوجت
المهم بعد سبوع من طلاقي رحت لضمان اقدم اوراقي
ومن بكره جاء بيتنا واحد ماعرفه يخطبني من ابوي وانا في اول سبوع من عدتي
اكيد رفضته لانه من قرايبي
ووافقت على ولد خالي
وتزوجنا وعشت معه 6 شهور
خلاني اكره شي اسمه زواج من مشاكله طلبت الطلاق مره ثانيه
وتطلقت
ماجاء لي اسبوع من طلاقي الثاني
الا الشخص الي رفضته اول مره
رجع وخطبني مره ثانيه
وكلمني ابوي عنه ورفضت
وقلت هذا الرجال مابيه اولا عنده حرمتين وثانيه ماعرفه ومو من قرايبي
المهم كنت ارفض كل مايرجع يخطبني
وكان ابوي قرر يزوجني هالرجال وقال ان خلصتي من العده يكون خير
هالرجال كل بعد يومين ثلاثه بالكثير يجي يتقهوى عند ابوي
كل شوي زايرنا
ومره من الايام جاني ابوي يتبسم ويناظرني
وقال طيعي شوري خذي الرجال
تراه حتى في الحلم حلم فيك
ويقول ان حلمه انه تزوجني واني ابشره اني حملت منه وكان حلمه طويل بس ناسيته هذا الي كنت اتذكره من الحلم
يوم سمعت انه حلم فيني
تراجعت عن قراري بالرفض
وقلت يمكن هو نصيبي وابو اعيالي
قلت بنفسي هي خربانه خربانه خلوني اوافق واتزوجه
منها ابي اساله وشلوني بالحلم يوم جيته
ومنها اجرب حياتي معه
ماني خسرانه شي
وقلت اوافق بس بشرط ماياخذني معه الا بعد مااجيب منه ورعان
اجلس عند اهلي
ووافق على شرطي
المهم تزوجنا ودخلت عليه ليلة الزفاف
تصدقووووووون
اولا الحمد الله والشكر لله
من ذيك الليله وحبه دخل قلبي
والحين ماني ندمانه اني وافقت عليه
وماني ندمانه اني تطلقت من زوجي الاول
والحين مابي زوج غيره
راح يكون ان شاء الله زوجي ليييين اموت
ان ربي رزقني ولالالا
بس متفاوله خير
ان شاء الله ربي يفرح قلبي بالذريه الصالحه
الله يقدرني اسعده وارضيه
هذي قصتي باختصااار

[طفلة خذت قلبي]

انا كان زواجي عادي كانوا أصلا جايين لأختي ولما مارضت تدخل دبسوني انا فيها وصار النصيب من اول مره شافوني بس يعني ثقال ماردوا الا بعد اسبوع

[انثى تكره الظلم]

انا بقى زوجى ابن الجيرااان ههههههه

كانو اهلى معزومين على فرحووو خطوووبته وانا روحت معهم وسلمت عليه وباركتلووو

ومن يومهااااا كانت نظرته الى اعجااب كتيررر وبعديهاا ب ثلاث شهوور حاول يلفت انتباااهى

وقالى انه ترك خطيبتو لانها مش شبه ولانهم مختلفين كتيرر !!

ومن هنااااااا وبدانا قصه الحب وتزوجناا وجبنا حلى دارين

مشكووره غاليتى على موضوعك فكرنا بالزكريااات الحلووه

لكى احلا فايف ستااارز

[شهامة الدوسري]

بارك الله فيك على هذا الموضوع المفيد والنافع

[راما المالكي]

نترقب المزيد من جديدك الرائع
دمت ودام لنا روعه مواضيعك