أولا وقبل كل شيء أختي انتي اكيييييييد قصدك الكفالة وليس التبني لان التبني في الإسلام حرام
وبالنسبة للكف آلة انا قبل ما أتزوج يعني لما كنت مخطوبة جتني فرصة شغل في دار الأيتام وأثناء ما انا بنشتغل فيها شفت طفل بعمر الثلات سنوات دخل قلبي من اول ما شفته ولما رجعت للبيت ما بطلت حكي عنه
وفي يوم من أيام ثورات الربيع العربي صار نقص في عدد المربيات فا قترحت مديرة الدار بتوزيع الأطفال بين العاملات والمربيات في الدار فلقيت نفسي اول من قبل هالفكرة واتطوعت بي أخذ علي الولد الي حكيت عنه اتطوعت بي أأخذها معي للبيت وأخذته وتعلقت فيه بشكل لا يوصف حتى صرت نيموا جنبي وسبحان الي خلقه كان بيشبهني تقول عنه ابن بطني فيه كتير من ملامحي ولون بشرتي وكتير أشياء وصارت الناس بتقولي هالشيء فا زاد تعلقي بيه لدرجة أني صرت باختار بعض الملابس ليا وله نفس الألوان والشكل تقريبا بس بعد فترة صرت أشوف انه طبعه صعب وفعلا هوه كان طبعه صعب وبيعصب كتير وبيع شق النكد فا أهلي ما قدروا يتحملونه وخاصة ان أمي كبيرة بالسن فا أجبرت أني أرجعه اول ما هدأت الأوضاع في بلدي وبعد فترة ساءت نفسيتي وما ارتحت الا لما رجعت أخذته مرة تانيه وفضل عندي فترة 6اشهر تقريبا وبعد هالفترة حددنا موعد العرس وصار لازم أعود نفسي أني ابعد عن علي وافيق من حلم أني امه وخاصة انه انا بعد زواجي رح أسافر مع زوجي لمكان إقامته فا جبرت أني ارجع علي تاني لدار الأيتام وبعد زواجي بفترة أمي راحت وأخذاته على كفالتها ومسؤوليتها ورجع علي لبيت أهلي مرة تانيه ومع ام تانية الي هيا أمي وبالرغم من انه تعبت حتى قدرت تتأقلم مع الوضع الجديد وتعتاد على وجود طفل في العائلة ولكن مع الأيام تعودت وصار علي بمرتبتنا نحنا عندها يعني بتدلعه وبتعاقبه و بتعلمه المسؤولية ووقت الجد بتكون معه جدية ووقت الضحك بتضحك معه يعني ما حابة أنها تتعامل معه على انه مختلف عنا بل بتعامله وكأنه واحد منا والحمد الله
أسفة على الإطالة وشكرا على الموضوع