محتاجه مساعدتكم والله تعذبت بما فيه الكفايه

[ام ريتان]

عيوني فهمي زوجك زي هو له اهل ويهتم فيهم..
انتي كمان عندك اهل وتهتمي فيهم ..
بعدين هذه امك واخوانك..وش اللي يضايقه يعني...
خليه يحس ان امك غاليه عليك ولها جمايل وووو
وانك تزعلين بقوووة عليها...

[ahlam-f]

ياعمري والله انك بين نارين بس انا عندي يجون عندك افضل من انهم يرحون لعمتك لانه كذا كذا طالعين من البيت

[قــــــــــمر]

طبعا امك ياقلبي حاولي بزوجك قولي له اصبر علي
وانا صبرت لما ابوك مرض
وجيبيهم بعض الايام عندك وبعضها روحي عندهم
حاولي بزوجك قولي له لو على كيفي كان اقعد عندك
ومافيها مشكله لو نزلتي كم دمعة تبينين فيها انك متضايقه
محتاره خليه يحس
واول ماترجع امك ع طول ترجعين له وتعوضين له الوقت الي راح
بحركات وسهرات واليل خليه يسهر عشان طول الصباح يكون نايم مايحس بفراقك
وادعي ربك ياقلبي

[رواسي]

حل المشكله انك
تروحين عندهم يوم دوام زوجك
ويوم يجون عندك
ويوم عند عمتك
ويوم تستاذن امك من الدوام
ويوم تغيب
لين الله يفررجها

طيب سؤال ابوك عنده عمل والا متفرغ
اذا فاضي يجلس عندهم الله لايهينه
واذا عنده عمل والله مشكله
حال المعلمات في كل مكان ....الله يكون في عونهم والمشكله مالهم نيه يحلون قضيه الحضانات في المدارس

[نيو أنثى]

هو عشان ابوه 8 شهور ماعرفك

وانتي عشان امك ماوافق ماتساعديها جد اناني ومتسلط

انا لو مكانك اهم شيء امي هي اللي تعبت وشقت علي وهو بالطقاق ان شاء الله

هو لو ابوه محتاج له ماعترف فيك

امك لها حق عليك

[بنت القطان]

اختي انا اشوف الحل يجون عندك لان صعبه تتركين زوجك اذا يبيك وماراح يصير فيهم شي ان شاء الله
هذا انا ولدي اطلعه الصباح ف البرد والحمدلله
يلبسون ويتدفون عدل وتجيبهم لك
وقولي لزوجك الوضع مؤقت لين تجي الشغاله

[منى العين]

الحل انك تحاولين مع زوجيك بالتي هي احسن
والحل الثاني انكم تستأجرون خدامه في هالفتره وهي الا بتجلس معهم
في مكاتب يأجرون خدم حتى لي بيوت عندهم خدم يأجرون بالساعات استأجرو الخدامه في اوقات جوزك يكون اجازه
والاوقات دوامه انتِ الا تروحي لها
واذا حابين خذوها بالاشهر صح غاليه بس مؤقت لين ما تجي الخدامه الثانيه

[ي طفلتي]

اناا اقولك الحل ... ششوفي يااا اختي

انتي روحي عند اهله واخدميهم بنفس الشعور
روحي عندهم بساعات ,,

بعدها شوفي رده فعله ايش راح تكون
هو يحس بالغيره لاااكثر ..

[أم أكرم]

والله صعب اختي انت بين نارين زوجك له حقوق عليك و امك مثله و اكثر لكن انا اظن انه على امك ايجاد حل في من يمكن ان يعتنى بخواتك المهم تحسن لاختيار فيه كتير محتاجين يفيدوها و تفيدهم لانه انا واثقة انه لو امك تدرى انها ممكن تسببلك مشاكل مع زوجك ماترضى انك تعتني بخواتك المرأة ما لها غير زوجها وطبعا رضاالوالدين لانهم حبهم مايتقدر بثمن و مهما عملنا لهم مانردلهم ذرة من خيرهم الله يساعدك وينور دربك حبيبتي

[روز بااريس]

السالفه دلع هو بيكون نايم الصباح وش فرقت رحتي والا قعدتي معليش يقهر

نصيييييييييحه لا تخذلين امك عشانه اصلا لو فيه خير يشجعك تبرينها

انتي اقنعيه وتفاهموا وقوليله الوضع موقت وهذي امي وذولا اخواني مااقدر اخليهم

بنفس الوقت حاولي تفهمين امك يشوفون حل يستاجرون خدامه بالشهر او شي

بس لا تسحبين على اهلك عشانه بكرة يحتاجونه اهله ويسحب عليك وتنقهرين

واصلا لو طاوعتيه بتطيحين من عينه ....